Ludditek oihal fabrika bateko 70 makina suntsitu zituzten Ingalaterran
1811ko azaroaren 13an,
Ludditek oihal fabrika bateko 70 makina suntsitu zituzten Ingalaterran. Martxoan Nottinghamshiren ehungileek eragindako istiluak indar hartzen hasi zirenetik, talde ludditak era diziplinatuagoan hasi ziren sabotaiak egiten. Gauez mugitzen ziren talde txikitan herriz herri, ehuntegietan makinak suntsitzeko. Oraingo honetan, Sutton-in-Ashfield herrian, mosketoi, pistola, aizkora eta mailuak eskuan hartuta egin zuten erasoa. Luddismoa industria-iraultza garaiko langile mugimenduaren korronte bat izan zen, lan artisaua eta euren lanpostuak kolokan jartzen zituen makineria berria eta lantegiak suntsitzeagatik ezaguna. Mugimenduaren aurka gogor egin zuten autoritateek, espioiak eta salatariak erabiliz, eta makinak haustea heriotzarekin zigortzen zuten legeak onartu zituzten.
Iturria:
Iturria: E. P. Thompson, La formación de la clase obrera en Inglaterra (Capitán Swing).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
