Eliza Katolikoak debekatu egin zuen Kopernikoren liburua, non esaten zen Lurra ez zela unibertsoaren zentroa
1616ko martxoaren 5ean,
Eliza Katolikoak debekatu egin zuen Kopernikoren liburua, non esaten zen Lurra ez zela unibertsoaren zentroa. Gorpu zerutiarren translazioaz zuen izena liburuak, 1506an hasi zen idazten eta Nikolas Kopernikok teoria heliozentrikoa garatu zuen obra hartan. Ordura arteko pentsaeren aurka, berak esan zuen Lurra eta beste gorputz zerutiarrak zirela Eguzkiaren inguruan biraka zebiltzanak, eta ez alderantziz. 1543an argitaratu zen, autorea hil ostean. Paulo V.a Aita Santuaren aginduz liburu debekatuen zerrendan sartu zuten, fede kristauaren aurkakoa zela iritzita, nahiz eta Klemente VII.a aurreko Aita Santuak Kopernikoren teoriarekiko aurkakotasunik izan ez.
Iturria:
Ginés Torres Salinas, Ideología barroca y revolución heliocéntrica en las letras del siglo XVII: algunas notas sobre Francisco de Quevedo y la astronomía moderna (Janus, 11. zkia, 2022).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
