Bilboko Betolaza eta Uretamendi auzoen garaipena: autobus linea inauguratu zuten
1978ko uztailaren 1ean,
Bilboko Betolaza eta Uretamendi auzoen garaipena: autobus linea inauguratu zuten. 1950eko hamarkadan Espainiako Estatutik iritsitako langileek Bizkaiko hiriburuko mendi-hegaletan eraikitako auzoak ziren, eta ez zuten garraio konexiorik hiriarekin. Bizitza duina garatzeko, autobusa bertara iristea funtsezkoa zutela ondorioztatu eta auzokideak antolatu ziren borroka egiteko. Protesta zikloa abiatu zuten eta besteren artean, asto gainean zein goitibeheran jaitsi ziren udaletxera, behin baino gehiagotan. Udalak zioen bidea txarra zela eta autobusik ezin zela hara iritsi. Hori gezurra zela frogatzeko, ekintzarik ikusgarriena egin zuten Uretamendi eta Betolazako auzokideek 1978ko apirilean: autobus bana bahitu eta euren auzoetara eraman zituzten, auzokideen ospakizun artean. Azkenean, udalak men egin behar izan zuen.
Iturria:
Asier Robles, Asambleas, goitiberas y un secuestro: la lucha vecinal que llevó el autobús a Uretamendi (2025eko otsailak 23).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
