CDRak

Espainiako Auzitegi Nazionalera jo du Alerta Solidàriak, Ezker Independentistari eta CDRei egindako zelata zertan den jakiteko

2022-10-19

La Directak argitara emandako Ezker Independentistako eta CDRetako 38 militanteren espioitza masiboa zertan den argitu asmoz, errepresioaren aurkako Alerta Solidària antolakundeak Espainiako Auzitegi Nazionalera jo du. Pertsonatze idazkia aurkeztu du, espioitza operatiboak ikerketapean izandako Xavier Pellicer-en izenpekoaz. Alerta Solidàriaren arabera espioitzak norbanakoen eskubideak urratu ditu, eta Espainiako Estatuak independentismo katalanaren aurka egindako erasoa izan da.

Hainbat militanteri ateratako argazkiak jaso ditu Ezker Independentistari eta CDRei egindako zelatari buruzko dokumentazioak

2022-10-17

Espainiako Barne Ministerioak Ezker Independentistako eta CDRetako 38 militante zelatatu dituela jakinarazi zuen urriaren 10ean Directak. Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. Kaleko jarraipenaren bidez ikerketapean zeuden militanteei ateratako argazkiak biltzen ditu kazetariek arakatu duten dokumentazioak; bilerak, desplazamenduak eta mobilizazioetako parte-hartzea jasotzen dituzte argazkiek.

Ezker Independentista eta CDRak masiboki zelatatu ditu Espainiako Barne Ministerioak

2022-10-10

Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko azaroaren 8ko greba orokorreko sabotajeak dira zelatatze masiboaren iturria, eta gutxienez 2019ko lehen hiruhilekora arte egon zen martxan.

2019an atxilotutako CDRetako kideei erakunde terroristako kide izatea egotzi die Espainiko fiskaltzak

2021-08-20

El Confidencial egunkariak argitaratu ditu akusazioaren idatziko edukiak. Erakunde terroristako kide izateaz gain lehergaiak egitea eta gordetzea ere egozten diete 2019ko irailean atxilotutako CDRetako bederatzi kideei.

"Beldurra da gizartea kontrolatzeko arma"

2021-01-26

Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial, judizial eta mediatikoetan barrena murgilduz.

Espainiako Auzitegi Nazionalak CDRetako beste lau lagun ikertuko ditu, "terrorismo" akusaziopean

2020-06-23

Ekainaren 30ean Instrukzioko 6. Epaitegiak deklaratzera deitu ditu iazko irailaren 23an Judas operaziotik ordu gutxira aske geratu ziren Clara Borrero eta David Budria, Alerta Solidària erakunde antierrepresiboaren arabera. Abendutik urtarrilera bitartean, zazpi atxilotuak fidantzapean aske geratu ziren.

CDRetako azken bi presoak fidantzapean aske utzi ditu Auzitegi Nazionalak

2020-01-10

Jordi Ros eta Germinal Tomas aske utzi ditu Espainiako Auzitegi Nazionalak, fidantzapean. Kartzelan geratzen ziren CDRetako azken bi kideak dira.

Alderdi independentista kataluniarrek Madrilekin negoziatzea gaitzetsi dute CDRek

2019-12-11

Katalunian duela bi urteko erreferenduma babesteko eta haren ondorioz aldarrikatutako errepublika defendatzeko sortu ziren plataformek agiri oso kritikoa argitaratu dute alderdi independentistekin.

Kataluniako Erreferendumaren bigarren urteurrena heldu da, epaia ezagutzear eta atxiloketak denboran gertu direla

2019-10-01

Buruzagi independentisten aurkako auzibideko epaia jakitear, eta CDRko zazpi kideren atxiloketak denboran gertu direla, Kataluniako Erreferendumaren bigarren urteurrena heldu da. Hainbat ekintza eta agerraldi burutu dira eguneko lehen orduetan, eta gehiago aurreikusten dira egunean zehar.

Simaurra eta zaborra bota dituzte ERC eta PDeCAT alderdien egoitzetan

2019-08-05

Merda de partits (alderdi nazkanteak) izeneko kanpaina abiatu dute CDR Errepublikaren Defentsarako Batzordeek, “herriaren borondatearen” aurka jarduten ari direla argudiatuz.

Greba orokorra Katalunian

2019-02-21

Independentzia prozesuaren kontrako epaiketa salatzeko, greba eguna egiten ari dira ostegun honetan Katalunian. Prozesu independentistari lotutako hirugarren greba orokorra da, CSC Intersindikalak deituta. Lehenengo orduetatik, hainbat errepide moztu dituzte CDRek, AP-7a eta C-58ª kasu. Garraioa, hezkuntza eta merkataritza sektoreetan izango du eragin handiena grebak.

CDR-ek irekitako ordainsarietatik pasatzea ez da "terrorismoaren biktima" izateko nahiko argudio

2019-01-31

Terrorismoaren Biktimen Babeserako Zuzendaritza Orokorrak idatziz kontsultatu zion Estatu Segurtasunerako Idazkaritzari, ea 2018ko Aste Santuko itzulera operazioan ordainsariak altxatzeak eragin zien pertsonak erakunde terroristaren biktima gisa har zitezkeen ala ez. La Directako Jesús Rodriguezek sinatutako artikuluan irakur daiteke ezetz erabaki dutela.

Herri harresia egin zuten Gironako Unibertsitatean atxiloketa gehiago saihesteko

2019-01-18

16 lagun atxilotu ditu Espainiako Poliziak aste honetan, 2017ko urriaren 1eko erreferendumaren urteurrenean egindako ekintzekin lotuta. Mobilizazioak eta protestak egin dituzte asteazkenean Gironan.

Bi aldeen arteko tentsioa baretzeko balio duen bilera

2018-12-21

Kataluniarekiko “gatazka” bat dagoela onartu dio Sanchezek Torrari atzo egindako bileran. Negoziaziorako bidea ireki dute. Independentistek hainbat ekintza antolatu dituzte gaurko, Bartzelonan egingo den Ministroen Kontseilua arbuiatzeko.

"Ziegarik gabeko espetxean bizi naiz"

2018-11-14

Kataluniako “CDRetako koordinatzaile izateagatik” Espainiako Fiskaltzak terrorismo, matxinada eta sedizio delituak egotzita, apirilaren 10ean atxilotu zuten Tamara Carrasco (Sant Vicençs dels Horts, Herrialde Katalanak, 1983). Bi egun Madrilgo kalabozoetan igaro ondoren, Diego de Egea epailearen aurrean deklaratu eta aske utzi zuten, kautelazko neurriekin: bere herritik ez ateratzea eta astelehenero Gavàko epailearen aurrean aurkeztea. Espainiako Auzitegi Nazionalak Carrasco ikertzeari uztea erabaki ondoren mintzatu da ARGIArekin, apirilaz geroztik giltzapetuta duen Viladecans herrian.

CDRen ekintza batean atxilotutako hamahirurentzat kartzela eskatu du fiskaltzak

2018-09-05

Iragan otsailaren 23an, 1981eko Espainiako estatu kolpe saiakeraren urtemugan, Kataluniako Auzitegi Nagusiko sarrera sinbolikoki blokeatzeagatik atxilotu zituzten auzipetuak. Fiskaltzak bi urte eta erdi arteko kartzela zigorrak eskatzen dizkie.

Generalitateko kontselaritza bat okupatu dute CDRek Kataluniako Gobernuak U1eko erreferendumean onartutakoa bete dezan

2018-06-22

Espainiako Estatuaren aginduak ez betetzeko eta errepublika aldarrikatzeko eskatu diote Generalitateari.

Epaileak "terrorismo" delitua baztertu eta aske utzi du CDRetako kidea

2018-04-12

Poliziak asteartean atxiloturiko Kataluniako CDR (Errepublikaren Defentsarako Komiteak) taldeetako kidea libre utzi du Espainiako Auzitegi Nazionaleko Diego de Egea epaileak. Desordena publikoak egozten dizkio eta astero aurkeztu beharko da epailearen aurrean.

Kataluniako CDRen aurkako polizia operazioa: zortzi atxilotu

2018-04-10

Espainiako Auzitegi Nazionalak astearte goizean CDRen aurkako operazioa abiatu du. Guardia Zibilak bi lagun atxilotu ditu Nació Digitalek informatu duenez. "Terrorismoa, sedizioa eta matxinada" egozten diete, El Confidencialen arabera. Aste Santuan errepideak eten edo ordain-sarietan barrerak altxatzearen ekintzekin lotura izan dezakete. Esquadra Mossoek beste sei atxilotu dituzte.