Esaerak dio begiak direla arimaren ispilu, baina Harri Arrijuria zapatariaren arabera, oinetakoek ere informazio baliagarria ematen dute pertsonaren izaeraz. “Zapatetan ikusten da pertsonak zeri ematen dion garrantzia: sosari, kalitateari, estiloari…”. Ostegun arratsalde argitsu batez joan gara Dani Blanco eta biok Elizondora eta azkar asko jabetu gara Arrijuriak ez dituela soilik zapatak konpontzen. Hark egindako larruzko gerriko bana ekarri dugu etxera.