Hasiera »
Rayco Sanchezen bloga - Opio errebeldea
Ray Apache
Bilbotarra, Norte Apache Rap taldeko kidea, Euskaldun barria, gizarte hezitzailea, umore xelebrearen zale amorratua, filosofo izorratzailea... Opio Errebelde Blog honetan, futbola gizarte aldaketarako erreminta bezala, erabiltzen dituzten eredu ezberdinen inguruan, egingo dugu berba: hango eta hemengo bitxikeriak, atzo eta gaurko anekdotak, futbolari zirikatzaileak…zuen iradokizunak eta iritziak jakin nahi ditut. Welcome to Tijuana!!
Azken bidalketak
Iruzkin berriak
- Rayco Sanchez(e)k Zergatik ez? bidalketan
- 27zapata(e)k Zergatik ez? bidalketan
Artxiboak
- 2018(e)ko maiatza
- 2017(e)ko abendua
- 2017(e)ko ekaina
- 2017(e)ko maiatza
- 2017(e)ko apirila
- 2017(e)ko martxoa
- 2017(e)ko urtarrila
- 2016(e)ko abendua
- 2016(e)ko azaroa
- 2016(e)ko abuztua
- 2016(e)ko ekaina
- 2016(e)ko maiatza
- 2016(e)ko apirila
- 2016(e)ko martxoa
- 2016(e)ko otsaila
- 2016(e)ko urtarrila
- 2015(e)ko abendua
- 2015(e)ko azaroa
- 2015(e)ko urria
- 2015(e)ko iraila
- 2015(e)ko maiatza
- 2015(e)ko martxoa
- 2015(e)ko urtarrila
- 2014(e)ko urria
- 2014(e)ko iraila
- 2014(e)ko abuztua
- 2014(e)ko uztaila
- 2014(e)ko maiatza
- 2014(e)ko apirila
- 2014(e)ko martxoa
Beharrezko 12. jokalaria
2016-03-28 // Sailkatu gabea // Iruzkinik ez
Futbola, kirola baino askoz gehiago da, 11 jokalari 11 jokalariren kontrako norgehiago hutsatik haratago doan liturgia soziala. Harmailak kaleko bozgorailuak dira, zaleak gizartearen eragile aktibo ta kontzienteak. Guzti hori egiaztatu zuten River Plateko zaleak, Monumental futbol zelaian, Libertadores Txapelketan, Sao Pauloren aurka jokatzen zuten partidan, aurkezturiko pankartarekin: “ Justicia para Berta Cáceres”.
Berta Isabel Cáceres Flores, 1973 urteko martxoaren hirugarren egunean jaio zen, Honduraseko La Esperanza hirian. Lenca etnia inginenen liderrak, feminismoa eta ekologismoa zituen bizitzaren lema.
Emakume indigena honen borrokak, zur-industria, industria hidroelektriko eta meategien aurka egin zuen, hori eta gobernuak egindako, lurren desjabetzaren kontra ere. 1993 urtean, Consejo Cívico de Organizaciones Populares e Indígenas de Honduras (COPINH) sortu zuen, estatuak erreken pribatizazioaren aurka egiteko asmoz. Estatu Batuen base militarrak, Honduraseko indigenen lur eremuetan kokatu izanak ere salatu izan dute.
Egindako lanagatik, 2015.urtean Goldman sariarekin (mundu mailan ekologista ekintzailerik onenari) omendu zuten Cáceres.
Berta, Buenos Aireseko La Dignidad tabernan ospatu zen, Honduras eta Euskal Herriaren arteko Elkartasun hitzaldian ezagutzeko aukera izan nuen. Ez dut inoiz ahaztuko, nola aurkeztu zuen komunitate indigenen egoera, nola esnatu zuen nire ignorantzia , ta zaplada batekin sortu ninduen jakin mina.
Indigenen aldeko lana, eta borrokagatik kartzela ta mehatxuak ezagutu zituen, baita bere kideen atxiloketa eta erailketak ere. Agian horregatik, Bertaren bizitza lapurtu zuten 2016 martxoaren 3an, 45 urte bete baino egun bat lehenago. Horrek du indarra, bizitza edonori kentzeko ahalmena, baina “Pachamama”ren alaba bizirik dirau, bihotz, aho eta haizearen erronkan, zuhaitz, erreka eta indigenen gezietan.
Onak dira egun baten borrokatzen dutenak, baina hobeagoak dira urtebete borrokatzen aritzen direnak. Oso onak dira, urte lusez borrokatzen dutenak. Baina badira, bizitza osoa borrokatzen ematen dutenak, ta horiek beharrezkoak dira (Bertolt Brecht). Zu Berta beharrezkoa zara, bizitzaren partida honetan, beharrezko den 12. Jokalaria.
Agur eta ohore BERTA CACERES.
Gutako bat
2016-03-14 // Sailkatu gabea // Iruzkinik ez
2016 urteko martxoaren 13a, Bundesligako 26. jardunaldia, Borussia Dortmund vs Mainz, harmailak lepoz lepo, etxekoak 2-0 irabazten, ta zaleak…Isilik!!
Berdegunean pasatzen ari zena, albo batera utzi eta Deniz Ayketin arbitroak Marco Reus jokalariari galdetzen dio, ea zergatik alemaniako afiziorik zaratasuena abesteari utzi duten. Marco berak etzekien momentuan zer gertatzen ari zen…bihotzeko bat jota jarraitzaile bati bizitza joan zitzaion estadioan zegoela.
Partida bukatzera zihoanean, bufanda hori beltzak eskuan, Westfaliako taldea babesten dituzten milaka eztarriak “youll never walkalone” (ez duzu zekula bakarrik ibiliko) abestera jo zuten. 90 minutuen amaieran, jokalariek elkar hartuta, zaleengan hurbildu ziren, isilik, babesa, errespetua ta begirunea adierazteko.
Ez da ohikoa, zale anonimo batengatik, horrenbeste homenaldi kolektibo egitea. Baina horrek ezberdin egiten du Dortmundeko taldea, agian horregatik lerro hauek idazten dizuena, gaur dela denbora nahiko astebururo segitzeko ohitura hartu zuen.
John “Jock” Steinek (Celtic Glasgow entrenatzaile ohia) “Futbola zalerik gabe, ez da ezer” esan zuen inoiz. Agian hitz hauek kontutan izanda, agertu ziren plazara jokalariak, edo agian deskribatu ezinezko sentimendu indartsu batek bultzatuta.
Hil da zale bat, “Horma Horiaren” adreilu zatia, klubaren milaka jarraitzaileetako bat, izenik gabeko Dortmundeko familiaren kide garrantzitsua… gutako bat.
Bideoa ikusgai:
ERREFUXIATUEN HAMAIKAKOA
2016-02-23 // Sailkatu gabea // Iruzkinik ez
Beldurra, animali guztiok dugun bizirauterako mekanismo naturala da, seme alaben babesa zihurtatzegatik bizitza ematea aldiz, gure zena.
Honen eredu Siriar familiak dira, jantzitakoarekin europatik biraka dabiltzate etorkizun oparo baten bila. Enpatia landugabe ta eskumatar hedabideetan, polemikaren protagonista behartuak bihurtu dituzten bitartean, galdera zehatza dakarkigu:
Laguntzeko prest gaude?
Edornor bihurtu gaitezke albo-kalteak; bi gizakien arteko interes politiko-ekonomikoak gurutzatu besterik ez dira egin behar, gudate baten erdian gure burua ikusteko.
Egoera larri hau gertutik pairatu dituzten 11 futbol izarren kasuak izango ditugu hizpide. Beraz, hauek dira noizbait mireztu izan ditugun, futbolari errefuxiatuen hamaikakoa:
1-ASMIR BEGOVIC
(Bosnia 1987/06/13)
ChelseaF.C taldeko atezaina.
Alemanian ta Kanadan bizi izan zen Asmiren familia, Balkanetako gudatik ihesi. Gaztaroan Kanadako selekzioarekin jokatu izan zuen, baina helduaroan Bosniakoarekin jokatzea erabaki zuen.
2-TRESOR LUA LUA
(Kongo 1980/12/28)
Newcastle, Portsmouth eta Olympiacos taldeetako jokalari ohia.
Hutus eta Tutsisen arteko gatazkatik ihesi, bere aitarekin Kongotik irten eta Ingalaterrara 9 urterekin heldu zen.
3-FABRICE MUAMBA
(Kongo 1988/04/06)
Arsenal, Birmingham City eta Boltoneko jokalari ohia.
Kongoko Guda Zibiletik ihesi, ingalaterrara heldu zen. Urteak eman zituen asilo politikoaren eske. Gudatean osaba ta zenbait senide galdu zituen.
4-SAIDO BERAHINO
(Burundi 1993/08/04)
West Bromwich Albion taldeko aurrelaria.
Aita galdu zuen Burundiko Guda Zibilean. 10 urte zituelarik heldu zen Erresuma Batuetara. 2 urte eman zituen bere amagandik hurrun. Gogor borrokatu behar izan du beti, ta horrek lehenengo mailako futbolari izatera eraman duela esaten du.
5-EDIN DZEKO
(Bosnia 1986/03/17)
AS Romako jokalaria.
Sarajevon bizi izan zuen guda, ezin izan zuelako gurasoekin bertatik ihes egin. Gogoratzen du behin, amak ez ziola kalera irteten utzi futbolera jolasteko, ta minutu batzuetara, lagunak jolasten zeuden tokian bertan bonba bat jauzi, eta lagunak hil zituetela.
6-IÑAKI WILLIAMS
( Iruñea-EH 1994/06/15 )
Athletic Club eko jokalaria.
Iñakiren gurasoak, Ghanako errefuxiatuentzako kanpamendu baten ezagutu zuten elkar, Liberiako Guda Zibiletik ihesi zeudelarik.
7-DEJAN LOVREN
(Bosnia 1989/07/05)
Liverpooleko jokalaria.
Dejan gazteak, Alemanian lagun berriak egitera behartuta egon zen. Bere aita ez zuen lanik aurkitzen, eta bere amak soldata minimoa kobratzen zuen garai gogor horretan.
8-LORIC CANA
(Kosovo 1983/06/27)
Nantes FCeko jokalaria.
7 urte zituelarik Alabaniatik irtetera behartu zuten Cana familia. Hurrengo 8 urtetan Suitzan eman zituzten errefuxiatuen baldintzapean. Egoera honek, Arsenal taldearekin frogatzera joan ez ezin izatea eraman zuen.
9-XHERDAN SHAQUIRI
(Kosovo 1991/10/10)
Stoke Cityko erdilaria.
Kosovotik ihesi, Shaquiriren guraso eta anaiak Basilean finkatu behar izan ziren. Egun, Xherdan gazteak Suitzako selekzioarekin jokatzen du, jasotako laguntza bueltatzeko asmoarekin.
10-CHRISTIAN BENTEKE
(Kongo 1990/12/03)
Liverpooleko aurrelaria.
Kinshasarra 3 urte zuelarik Belgikara joan behar izan zuen bere familiarekin batera. Liejan hasi zen aurrelari erraldoiak, bertako taldean eman zituen bere lehenengo pasusuak profesional bezala.
11-IVICA OLIC
(Croacia 1979/09/14)
SV Hamburgoko jokalaria.
Croaciatik Errusiara ihes egitera behartutak ikusi ziren Olictarrak. Gudatea lasaitu zenean, bere herria zen Slavonski Brodera bueltatu ziren. Egun, 3 munduko txapelketan parte hartu izan du Croaciako Selekzioarekin.
Ez dezagun ukatu gizaki hauen etorkizuna, ez etzazue eskumatar Anai Nagusiaren gezurrak sinestu. Lekua egingo diegu gurean, gure horma beroetan, gure ametsgaiztorik gabeko maindiretan, zenaren beste alde baikorrean, errefuxiatuen hamaikakoan.
TROYAKO AZERIA
2016-01-28 // Sailkatu gabea // Iruzkinik ez
Antzinako Grezian bezala, XXI. Mendean bada boteretsuen gazteluan audaziaz sartzea erabakitzen dutenak. Premier Leagueko talde aberatsek, aurten ere etorkizuna beraien eskuetan zutela uste zuten, baina Troyako epopeian bezala, egurrezko amuaz mozorrotuta Leicesterreko armada ausartarekin egin dute topo.
Leicester City Football Clubak, izen bera duen duen hirian bizi da. Soar Erreka ondoan kokatzen den Leicestershireko kapitalak, 300.000 bizilagun batzen ditu, Ingalaterrako 8° poblaziorik handiena bihurtuz.
Mitologia istorio honen protagonista, Leicester Fosse bezala bataiatu zuten lehen aldiz 1884.urtean. Garaipen-zerrendan ez dute domina aipagarririk, 3 kopa Txapelketa ta zenbait maila igoera. Orain dela 7 denboraldi, Ingalaterrako 3.garrenean ematen zituzten igandeak, sufritzera ohituak dauden “Azerien” zaleak.
Pasa den urtean 1° ligan mantendu ziren, denboraldi amaiera miresgarria eginez 7 partidetatik 6 irabaziz. Baina aurten egoera hobera egin du nabarmen, denboraldiaren erdia pasata, sailkapenaren tontorretik agurtzen ditu beste 19 taldeak.
Mailari eustea zuten lehiaketa hasierako objetiboa, eta lortu dute konpetizioa bukatu baino 5 hilabete lehenago. Baina nola da posible? Premier Leagueko 5º talderik austeroena da, baina bakarrik ekonomia aldetik, larrua berdegunean uzterako orduan, lehenengoak baitirela erakusten ari dira “Espartano” berri hauek.
“The Foxes” deiturikoak , estratega amarrutsua dute gidari. Claudio Ranierik 64 urte orrazten dituelarik, 30 eman ditu 14 talde ezberdinetan entrenatzen. Kasabianen abestiekin eta partida osteko pizzarekin motibatzen dituela jokalariak onartu izan du.
Honetaz aparte, prestakuntza fisiko sakona, kontraeraso azkar eta bikainei, Vardy eta Mahrez jokalarien baliabideak gehituz, lider sendoa osatzen dute.
Batzutan hitoetan sinistea da gakoa. Tokatu zaizkizun kartekin zoritxarrezkoa sentitu beharrean, estrategiarik onena bilatzea, borrokatzea, zurea defendatzea nekeak kemenarekin bukatu arte. Ranierirenak elitisten ligan egiten duten bezala, kimeraz historia hautemangarria eginez, ezinari izena jarriz, aro modernoko Troyako Azeria.
Olentzero Eskoziarra
2015-12-25 // Sailkatu gabea // Iruzkinik ez
Gabonak heldu direla somatzek hainbat pista aurkitu ditzazkegu, zuhaitz mozorrotuak, kaletako argi ekologikoak (ironia modo ON), Santa Claus, Errege Magoak, Olentzero…honetan, gabonak ospatzeko ikur futbolero bat proposatuko dizuet.
Steven John Naismith, Irvinen (Eskozia) jaio zen 1986 urtean. Kilmarnock FC, Rangers FC ,eta egun, Everton eta “dragoien” selekzioan haritzen den futbolaria da. Aurrelari trebea eta gogotsua, etengabe korrika, eta defentsak zirikatzen dituen horietakoa.
Txikitatik ikasi zuen helburu garestiak , soilik izerdiarekin ordaindu zezakela. Ama supermerkatuan eta aita gizarte langile bezala egiten zuten behar. Familia ez zituen luxu askorekin bizi, herriko beste familiak bezala. Agian bere inguruak, eta odoletan jasandako dislexiak, ekarritako arazoak bultzatu izan dute nagusitan, besteenganako begirunea eta bolondres bezala jarduteko konpromezua.Zelaian bezala, kalean eta egunerokotasunean, ez du baloi bat galdutzat ematen, Dyslexia Scotland Elkartearen enbaxadorea, Glasgow Helping Heroes en kolaboratzailea da Naismith.
Futbolari dagokionez, denboraldi kaskarra izaten ari da Steventzat. Hasierako golak, oraingo aulki egonaldi luzeekin estaltzen ari zaizkio egunak. Hala ere, entrenamendu zein partidetako materiala eskatu, eta amaren laguntzarekin, bere auzokideei banatzeko ohitura du. Horrez gain, pasa den denboraldian, etxeko partidetara gonbidatu izan zituen Liverpooleko Langabetuen Kolektiboa.
Bost urte darama “Loaves and Fishes” Elkartearekin, etxerik gabekoentzat gabonetan afariak egiten. Lehenengoa Glasgow hirian eta gero Liverpoolen. Afaria ordaintzeaz aparte, bera pertsonalki janaria banatu, eta bertara hurbiltzen direnekin jan, hitz egin eta opariak banatzen ditu. ¿Ezagutzen duzue bera bezalako aberatsen bat?
Aurten, Gabonetako zuhaitzan ikazdun berezi bat jarriko dut, gaitajole, futbolari eta Kilt polit bategaz jantzitakoa, esperantzarekin oparirik politena ekarri duen gabonetako ikono berria , irletako eta Euskal Herriko idoloa, Olentzero Eskoziarra.
Ipar Izarra
2015-12-07 // Sailkatu gabea // Iruzkinik ez
Eba Ferreira Martínez (1973) Mamarigako Errepublikaren biztanlerik ezagunetarikoa da. Athletic Neskak taldearen urte zoragarrienak bizi izan zituen, 8 urtetan zehar, golak, ligak eta aldarrikapenak ospatu zituen, “Clubeko Olimpoan” bere izarra margotuz.
Konkretuki, Zurigorriekin 55 gol sartu eta 4 liga garaikur altxatu izan ditu, 16 hilabetez lesionatuta egon da gero, indartsuago bueltatu izan zen kirolari handi honek.
Ezagutzen duzue aro modernoko Athleticeko mutilen bat, horren garaipen-zerrendarekin? Txuri beltzez margoturiko iraganera bueltatu beharko ginateke.
Ebaren argazkiak Gabarra gainean bilatu izan ditut, sarrera honen irudi nagusi bezala jartzeko asmoarekin, eta ez ditut aurkitu. Nola da posible? Sarearen zentsura izango ote da? Neskak Gabarra gainean ikusi bez. Ezin dut sinetsi, hainbeste miresten dugun Taldeak, horrelako sexu bazterketa egitea.
Harira, emakumezkoen eskubideen aldeko borrokaren babeslea dugu aurrelari errubioa. Askotan esan izan du: “ Nola izan liteke mutilak horrenbeste diru irabaztea? Horren tratu bikaina izatea? Rock izarrak dirudite, lehenengo mailako atletak, eta neskak baino askoz errendimendu txarragoa izaten dute”. Arrazoia ez zaio falta.
Astean zehar, goizeko 4:30 a.m esnatu behar, beharra egin, eta arratsaldean lehenengo mailako talde bateko entrenamendura joateko ardura zuen. Hala ere, militantzia politiko eta sozialetan parte hartzeko denbora adina izaten zuen: ligan erabilitako kamiseten sosketa solidarioak, manien deialdietarako bideoak, gai ezberdinen aldeko partidak, auzo lana, “bahituen” aldeko hainbat ekintza… emakume aktibo ta eskuzabala dugu Ferreira.
Egun, Mass Media madarikatuek, umeak Ronaldo eta Messi bezalakoak nahi izatera bultzatzen dituzte. Ur horietan galtzeko aukerak gero eta handiagoak dira, horregatik nik, zu bezalakoa izan nahi dut, Euskal Kirolari, eragile, kirolzale, eta biztanleriaren Ipar Izarra.
K.O-ra iritsi arte
2015-11-12 // Sailkatu gabea // Iruzkinik ez
Inpernutik zerura, porrot egitetik, egundoko garaipena lortzera. Honetan, nola Vardy Leicesterreko jokalariak, gartzelatik Premier Leagueko errekor bat lortzera igaro zuen kontatuko dizuet.
Jamie Richard Vardy 1987 an Ingalaterrako Sheffield hiri industrializatuan jaio zen. Aurrelari bezala jokatzen, Wednesday taldeko harrobian eman zituen bere lehenengo ostikadak. Baina 16 urterekin kaleratu zuten, baxuegia omen zelako.
Geroztik, futbola uztea pentsatu bazuen ere, jarraitu izan zuen baloiaren atzetik. Ingalaterrako 5°mailatik igaro zen, gero 3º, 2º… sartutako gol kopuru ikaragarrietaz aparte, bere izaeragatik beste guztien gainetik nabarmendu zen. “Ez da nekatzen” “lehenengo minututik 100% ematen du, zekulako borrokalaria da” diote Jamieren entrenatzaile ohiak.
Baina hazkunde profesional horretan, zekulako harria aurkitu zuen bidean. Larunbatetan partidak bukatu ostean, juergan joateko ohitura zuen, hori eta lizkarretan sartzeko joera ere. Imaginatu dezakezuenez, honek ez du onurarik, eta astelehen baten epaiketa baterako deialdi batekin esnatu zen. Errudun deklaratu eta kartzelaren orkatilako bat 6 hilabetez eramatera kondenatu zuten.
Ahopeka zigorra onartu eta jarraitu zuen futbolean. Partidak bukatu bezain laster, gurasoek etxera eraman behar zuten, epaileak markatutako ordutegiak betetzeko. Zenbaitetan, etxetik kanpoko partiduak zirenean, ordu bete soilik jokatu zezakeen, arratsaldeko 6ak bete baino lehen “justiziak” finkaturiko eremuan egon behar zelako. Lehenengo Mari Errauskin konplexudun futbolaria?
Eskarmentutik ikasi ondoren, borroka soilik zelai barrura mugatzea erabaki zuen. Horregatik egun, “Azeriekin” 9 partida jarraian darama golak ospatzen, soilik Van Nistelrooy ahalguztidunak 10 partida segidetan sartu izan ditu golak. Zerbait ikaragarria, soilik kirol honen super izarren eskura dagoen egitandia dugu hau.
Lortuko ote du gure aurrelari “makarrak” 10 golekin errekorra berdintzea? Edo gainditzea ere? Filme bateko gidoia dirudi, baina Vardyk erakutsi duenez, ezer ez da ezinezkoa K.O-ra iritsi arte borrokatzen dutenentzat.
The American Dream
2015-10-22 // Sailkatu gabea // Iruzkinik ez
Ezagunak dira inperio yankiak sortu dituen monopolioak : indio ta bakeroen filmeak, NBA, McDonalds, Hip-Hopa, Coca-Cola, Baseball, NHL, pistolak institutuetan…baina, Zer dakigu bere futbolari buruz?
Major League Soccer 1993an sortu zuten, Alexi Lalas ilegorri mundialista burukide zelarik. 20 taldez osaturiko liga hau, bi konferentzietan banandurik dago, Ekialde eta mendebaldeko multzoetan. Liga orokorra irabazteko, multzoetako lehenengo 6 sailkatuak, eliminatoriak jokatu beharko dituzte beraien artean, NBAk egiten duen bezala.
MLS honetan gure faboritoa dugu, AEB etan normaltasunetatik ateratzen den taldea, errebeldea ta ausarta, ezberdina, Portland Timbers Oregondarrak.
Talde berdeak era bitxian (oso Euskaldunean) ospatzen ditu golak . Aurkarien atea zulatzen duten bakoitzean, zuhaitz erraldoi baten zati bat mozten dute, norgehiagoka bukatzerakoan, golegileari oparitzeko.
Honetaz aparte, harmailetan ere influentzia ezkertiarra nabari da. Gay, trans eta lesbianen aldeko manifestazioak, antifa banderak,” tifo” antikapitalistak, errefuxiatuen aldeko mezuak… Livornoko gorrienek sinatuko lituzketen ikur eta antisistema mezuak, harrotasunez erakusten dituzte.
Ezinezkoa dirudi Mainstreamaren etxean,Soccer frankizia batek kirol iraultzailearen bozgorailua izatea. Baina batzutan, amets gaiztoen zirrikituetatik amets politak ihes egiten dute, horregatik agian, honi buruz ari ziren, “The American Dream” famatua izendatzen zutenean.
Neskak, ala inor ez!
2015-09-23 // Sailkatu gabea // Iruzkinik ez
Emakumeak modan daudela, artikulu honetan esan daitekeen afirmaziorik nabarmenena da. Baina ez moda ibiltokietan arropa fashionarekin aldaka gora eta behera egiten dutenak, baizik eta takodun botak janzten dituztenak, lokatza zein belarran azala uzten dutenak, bai, asmatu duzue, emakume futbolariei buruz ari gara.
Futbol bideojokuetan lehenengo aldiz agertuko dira neskaz osaturiko taldeak, era birtualean beraiekin jokatzeko. FIFA16an , emakumezkoen 12 selekzio agertuko dira: Espainia, Alemania, AEB, Frantzia, Suedia, Ingalaterra, Brasil, Kanada, Australia, Txina, Italia eta Mexiko . Orain, denok pentsatu ditugun galdera sorta plazaratuko ditut: Emakumezkoak gizonezkoen kontra jokatu ahal izango dute? Eta gizonezkoak mendean hartzen badituzte zer? Behingoz emakumezkoen futbolaren errebindikazio garaia iritsi da? Lasai, EA Sportseko marrazoak guzti hori kontutan izan dute, eta sexuen arteko partidak ez dira jokatuko, hau da, neskak soilik nesken artean jokatu ahal izango dute. Ez dute patriarkatu sakratua kolokan jartzeko arriskurik hartuko.
Hortaz nire burutapena: Pirateatuko dugu jokua neskak eta mutilak elkarrekin jolas dezaten? Mmmm agian hobeto ez badugu madarikatu hauen bideojokurik erosten.
RFEF (Espainiar Futboleko Federakundeak) ere badirudi, obariodunen futbolari garrantzia eman nahi diola, eta honetarako, publikoki profesional eta material egokiekin inbertitu duela iragarri du. ITZULPENA: Mediaprorekin (telebista kate pribatuetako futbola maneiatzen duen inperio judeomasonikoa) bildu,eta Emakumezkoen liga indartzea eta profesionalizatzeak ekonomikoki bideragarria izan daiteken edo ez, begiratzen ari dira. Benetan uste zenuten kirola eta berdintasunaren alde egingo zutela?( inozo batzuk gara) Negozioaren arabera ere,erabakiko du Real Madrid ahalguztiduna neska talde bat osatzea edo ez.
Badirudi,kirola eta berdintasunaren arteko kontuak Wall Streeten arabera neurtzen hasi direla. Ez badira laguntzak ematen, seriotasun ta profesionaltasunez, ez dira hobekuntzarik emango. Adibidez, Norbegia, Alemania edo Suediako neskak, txikitatik mutilak bezala, pilotarekin jokatzeko aukera berberak dituzte, hemen aldiz, oztopatzen ez dituzten ordutegietan soilik erabil ditzazkete zelaiak.
Egoera ikusita, nik greba bat proposatzen dut,ez nuke liga partidurik jokatuko, emakume kirolarien eskubideak bermatu arte… Neskak a la.inor ez!
Vicky vikingoa “kakati” bat da
2015-09-03 // Sailkatu gabea // Iruzkinik ez
Bikingoen kondairak, jainkoak mortalak direla diote. Vicky txikia izan daiteke hozpe handien izan duen bikingo hilezkorra. Horregatik, jainko hilkor, bitxi, moderno eta famatuenaren istorioa aurkeztuko dizuet.
Yugoslaviako gudateetatik ihes, aurkitu ziren Zlatan Ibrahimovicen gurasoak. Beharrak bultzaturik, Suedian jaio ta hezi zituzten 6 seme-alabak. Malmo hirian hain zuzen ere.
Rosengard auzoan, bizitza ez zen batere erraza. Lurralde marjinaleko zigilua ezin izan dute ezabatu, bertako eraikin bateko inskribapena dioen bezala: “umea Rosenardetik atera dezakezu, baino ezin izango duzu Rosengard umetik atera”. Aurrelari erraldoia, hainbatetan izan zituen arazoak lege betearazleekin: borrokak, kotxe lapurketak, poliziaren dokumentuen faltsutzeak… auzoaren exijentziak moldatu du Zlatanen izaera, sua kristalarekin egiten duen bezala.
“Ibracadabraren” palmaresa ikaragarria da, Holanda, Italia, Espainia ta Frantziako liga ta kopako irabazlea da. Horrez gain, joko ikusgarria eskaintzen duen 2 metrotako dantzari akrobatikoa da.
Hala ere, gorroto zein maitasun sentimendu kopuru berdinak sortzen ditu, bere hitz eta ekintzekin.
Ibra harroak, Malmoko kostaldeko etxe arrosa bakarraren jabea da, sekulako luxuzko auto kopuruen giltzaduna ere. Eszentriko dirudun honek, mihi zorrotz bat ere badu, bere esaldi famatuen artean, hauek azpimarratuko ditugu:
– Mohamed Ali ta gero, neu naiz onena.
– Ez du Mundiala pena ikustea merezi, ez dudalako jokatzen.
– Ez banauzu Bartzelonatik ateratzen, Guardiola jipoituko dut.
Baina ez da nazkagarria baloiaren jenioaren burutik ateratzen den guztia, besteentzako ere eman izan du.
40.000 euro eman zituen, Suediak, elbarrituen mundiala jokatu zezan. Baita futbol botak, eta dirua eman izan ditu, kausa ezberdinetarako.
Baina keinurik harrigarriena, Caen taldearen aurka gola sartu zuenean eginiko ospakizunean aurkitu dezakegu:
Kamiseta kendu, eta 50 izen ezberdin tatuatuak zituela (denboralki) irakurri zitezkeen bere gorputzean zehar.
Keinu berezi horren zergatiak, partida osteko prentsaurrekoan azaldu zituen: “munduan gosea pairatzen duten 805 miloi pertsonen egoera salatzeko egin dut hau”, “prentsakoek egunero daude niri buruz idazten, gaurkoan, katastrofe honi buruz hausnartzeko erabili dut nire burua”.
Ibrahimovic handia
Horrelakoa da sudur handiko tipo hau, batzuetan maitagarria, bestetan jasangaitza, axolagabetasunaren gainean kaka egingo lukeen horietarikoa.
Ziur aski, Viky vikingo txiki ta xarmangarria, “barbarorik” famatuena da, baina Zlatanekin alderatuta..”kakati” bat da.