MADDI IMAZ
Kutxa misteriotsu batean aurkitu nituen idatziak, non nortasunaren xarmangarritasuna azaleratzen zen. Nire buruarekin bakarrizketak egin ostean idatzi guztiek zeukaten isiltasunean zerbait oihukatzeko, ni neu askatzeko, hitz jarioa sentimendu bihurtuz.
@MIMAZ3 TWITTERREN
Azken bidalketak
Iruzkin berriak
- N(e)k Gu geu gara bidea, ez dezagun ahaztu. bidalketan
- Maddi Imaz(e)k HARREMANAK bidalketan
- Kayleigh Martinez(e)k HARREMANAK bidalketan
- Maddi Imaz(e)k HARREMANAK bidalketan
- aitorjs(e)k HARREMANAK bidalketan
GORA BORROKA FEMINISTA!
Atalak: Sailkatu gabea
Emakume izatea, egunero sistema patriarkalaren aurka borrokatzea da.
Emakumea izatea, erasoei aurre egitea da.
Emakume izatea, irainei aurre egitea da.
Emakumea izatea, aitortza borrokatzea da.
Emakume izatea, gutxietsita sentitzea da.
Ez dakitena da,
Emakumea izateak indarrez betetzen gaituela, eraso, irain eta gutxiespen guztien aurrean indarrez altxatzen garela, baturaz eta loturaz jarduten jarraituko dugula, zaintza erdigunean jarriz.
Gaur egungo Gizarte eta sistema heteropatriarkatuak emakumearengan duen konnotazioa guztiz deseraikiko dugula.
Emakume izatea, harro sentitzea delako.
Emakume izatea, zakila edukitzea delako.
Emakume izatea, lesbiana izatea delako.
Emakume izatea, sexualitateaz gozatzea delako.
Emakume izatea, munduko emakumea izatea delako.
Emakume izatea, ikastea delako.
Emakume izatea, deseraikitzea delako.
Baina batez ere emakume izatea, borroka eta harrotasun sentipen bat da, urtero urtero Martxoaren 8an kaleak morez betetzen laguntzen diguna, erailduak izan direnei aitortza egiteko indarra ematen digun sentipena, gure artean batu eta aurrera jarraitzeko sua.
Ez dugu etsiko gu ere askeak izan arte!
Akelarreetan lapikoa sutan jartzen jarraituko dugu sorginok!
GORA BORROKA FEMINISTA!