LOADING

Type to search

27zapata Bizhitza

Euskara irakasle baten hamar manamenduak

27zapata Api 10

 

  • Irribarrez sartuko zara klasera, eta-batez-ere-batez-ere, atera.
  • Ez duzu klase aspergarri bat (inoiz) emango. Klase aspegarri bat = klase txar bat.
  • Zoriontsu izaten euskarak lagundu zaituela adieraziko duzu. Ez arbelean. Aurpegian baizik.
  • Ez duzu gramatikarik emango. Eta ematen duzuna, erabiliko dutelako izango da. Gustatzen zatzaizkit ez dute erabiliko. Eta maite zaitut esateko ez dago inkondizionala zer den jakin beharrik. Eta jakizu, ergatiborik gabeko euskara ere euskara dela.
  • Klaseak euskalgintzarako baliatuko dituzu. Euskalgintzako eragile izateko prestatu ikasleak. V. mapa soziolinguistikoaren emaitzak eraman dituzu klasera eta egin duzue hausnarketa, ezta? Komentatu duzue klasean Egunkaria auziak zabalik jarraitzen duela?
  • XXI. mendeko euskaldun izateko baliabideak emango dizkiezu.
  • Euskararekin jolastea izango da helburua: sortzea, sortzea eta sortzea. Euskaraz. Ondo paseaz. Gogoratu: klase aspergarri bat = klase txar bat.
  • Ikasleek zuk baino gehiago hitz egingo dute. (Badakit hau horrela izaten dela normalean, baina… jarri beharra neukan.)
  • Kantu, poesia, ipuin, hitzezko artifizio ederrez hornituko duzu klase sarrera bakoitza. Hunkitu ditzazun euskararekin.
  • Erreferentziak emango dizkiezu: Gaztezulo, Gaztea, Berria, ArgiaDagoena sikiera, ezagutu dezatela.
  • Eta gogoratu. Nola sartzen bezain garrantzitsua da nola irtengo zaren klasetik. Irribartsu. Beti.

Hamar aginduak

Ah, eta ahaztu gabe. Ez duzu %15a baino gehiago inoiz suspendituko!

Tags:
Previous Article
Next Article

5 Comments

  1. birasuegi 2014 apirilak 10

    Aizu! Nire seme alaben euskara irakasle izan nahi duzu?

    Erantzun
    1. 27zapata 2014 apirilak 10

      Birasuegi, lagun! Eneko eta Iratiren irakasle izango nintzateke. Baina nago etxekoak direla izan daitezkeen irakasle onenak eta horretan zuek zarete onenak!

  2. txerra 2014 apirilak 29

    Sechu Sendek ere egin zuen bere dekalogoa, aspalditxotik:

    http://remexernalingua.blogaliza.org/2009/12/20/decalogo-d-profe-de-lingua/

    Erantzun
    1. 27zapata 2014 apirilak 30

      Ez dut uste aparte ibili naizenik ni baina bera areago doa. Banan bana sinatuko nuke dekalogoko puntu bakoitza. Milesker Txerra!

Leave a Comment

Your email address will not be published. Required fields are marked *