Ibon Larrazabal
Gure egungo historiaren edo zientziaren ezagutzarekin, azalpenik aurkitzen ez dizkiegun edo zalantza eta galdera bitxiak pizten dizkiguten objektu edo gertaerak. Era berean, mendetan zehar azalpen esoteriko edo magikoak izan dituzten gertaerak, baina egun azalpen zientifiko erraz eta frogatua daukatenak. Blog honen ikuspuntua beti erabat objektiboa eta arrazionalista izango da, nahiz eta objektu eta gertaera hauek azaltzeko erabili diren teoria zentzugabeak ere aipatu.
Azken bidalketak
Iruzkin berriak
- Asteon zientzia begi-bistan #15 | Dibulgazioa | Zientzia Kaiera(e)k Longyouko haitzuloak bidalketan
- Asteon zientzia begi-bistan #13 | Dibulgazioa | Zientzia Kaiera(e)k Ipurtargi sinkronizatuak: naturaren “gabon argiztapena” bidalketan
- Asteon zientzia begi-bistan #10 | Dibulgazioa | Zientzia Kaiera(e)k Hal Saflieniko hipogeoa: Harri Aroko burmuin garbilekua bidalketan
- Ludovico Coinmaison(e)k Ze arraio! Nikotina eta kokaina egiptoar momietan? bidalketan
- Ostraka euskalduna » Blog Archive » Antikytherako mekanismoa duela bi mila urte. Argia(e)k Antikytherako mekanismoa, historiako lehen ordenagailua. bidalketan
Oroimena daukan metamateriala
Atalak: Zientzia bitxia
Cornell unibertsitateko ikerlariek orain dela urte pare bat, eta ezustean, metamaterial bitxi berri bat asmatu zuten, fluido bat dena normalean baina urarekin nahasterakoan bere hasierako edukiontziaren itxura berreskuratzen duena, hurrengo bideoan ikus daitekeen eran.
Metamaterialak, naturan aurki ezin daitezkeen propietate bereziak dauzkaten material artifizialak dira; bere egituratik eratorritako propietateak eta ez bere konposizioagatik edo osagaiengatik. Material hau hidrogel bat da, egun ezagutzen ditugun material arinenetarikoak direnak, molekula organikoen loturaz sortzen direnak, baina molekulen artean hutsune ugari dauzkatenak. Cornell unibertsitateko ikerlariek sorturiko hidrogel hau, izatez, DNA sintetikoz osatua dago.
Esan dugunez, DNA sintetikoz eraturiko hidrogel hau fluido bat da era normalean, baina ikerlariek zeraz jabetu ziren, urarekin nahasterakoan materialak eratua izan zen edukiontziaren itxura berreskuratzen zuela, alegia, materialak “oroimena”, edo jatorrizko itxuraren oroimena bederen, zeukala. Aurkikuntza hau ezustean harrapatu zituen ikerlariak ez baitzen hura materialaren sorkuntzaren helburua, eta gainera ez daude guztiz ziur prozeduraren mekanikarekin. Dena dela, badirudi meta propietate mekanikoak (naturan aurkitzen ez diren propietate mekanikoak) dituen lehenbiziko metamateriale organikoa dela hau.
Guzti hau bitxia bada ere, benetan txundigarria dena zera da, material honen balizko erabilpenak. Hidrogelak alor anitzetan “hurrengo muga” direla aldarrikatu da, hauen artean medizinen garraioan, hauen barne egiturako hutsuneak farmakoekin bete baitaitezke, gero hauek epe luzetan askatzeko, hidrogela disolbatzen den heinean. Hortaz, pentsa nolako posibilitateak zabaltzen dituen itxura jakin bat momentu jakin batean har dezakeen hidrogel batek! Hidrogel hau medizinaz bete daiteke eta zauri batean sartu, likido bezala. Ondoren, zauri barnean, materiala solidoa bihurtuko zen zauriaren barne itxura zehazki betez eta medizina ingurura isuriz.
Gaixotasun edota gaixo oso zehatzetarako tratamendu erabat egoki eta eraginkorrak diseinatzeko balio dezake, are gehiago hiru dimentsiotako irudien tratamendurako teknologiarekin lotuta. Adibidez, tumore bat erauzi ondoren hutsunean hidrogel hau sartuz farmako bat garraiatzen duelarik, bazter guztietara hel daiteke eta farmakoaren askapen luzea eta neurtua bermatzen du, inguruko minbizidun zelulak hiltzen eraginkorragoa izango dena.