Ibon Larrazabal
Gure egungo historiaren edo zientziaren ezagutzarekin, azalpenik aurkitzen ez dizkiegun edo zalantza eta galdera bitxiak pizten dizkiguten objektu edo gertaerak. Era berean, mendetan zehar azalpen esoteriko edo magikoak izan dituzten gertaerak, baina egun azalpen zientifiko erraz eta frogatua daukatenak. Blog honen ikuspuntua beti erabat objektiboa eta arrazionalista izango da, nahiz eta objektu eta gertaera hauek azaltzeko erabili diren teoria zentzugabeak ere aipatu.
Azken bidalketak
Iruzkin berriak
- Asteon zientzia begi-bistan #15 | Dibulgazioa | Zientzia Kaiera(e)k Longyouko haitzuloak bidalketan
- Asteon zientzia begi-bistan #13 | Dibulgazioa | Zientzia Kaiera(e)k Ipurtargi sinkronizatuak: naturaren “gabon argiztapena” bidalketan
- Asteon zientzia begi-bistan #10 | Dibulgazioa | Zientzia Kaiera(e)k Hal Saflieniko hipogeoa: Harri Aroko burmuin garbilekua bidalketan
- Ludovico Coinmaison(e)k Ze arraio! Nikotina eta kokaina egiptoar momietan? bidalketan
- Ostraka euskalduna » Blog Archive » Antikytherako mekanismoa duela bi mila urte. Argia(e)k Antikytherako mekanismoa, historiako lehen ordenagailua. bidalketan
Isao Machii: egungo samuraia (edo Jedia)
Atalak: Bizitza errealeko X taldea
Isao Machii “laido” izeneko guda artean japoniar maisu bat da. Bost urte zituela hasi zen katana erabiltzen eta ordutik (berrogei urte ditu gaur egun) aparteko trebezia txundigarri bat landu eta garatu du. Horren froga dira interneten aurki ditzakegun hainbat bideo, baina guztien gainetik hurrengo hau: bideoan Isao Machii, bere katanarekin, pistola batez disparatutako pilula baten tamainako perdigoi bat bitan ebakitzen ikus dezakegu. Bideoan abiadura 250 aldiz moteldu behar izan da, perdigoiaren abiadura benetan 350 km ordukoa baita, eta honek giza begietara ikusezin bihurtzen baitu.
Nola da posible? Machiik ez du perdigoia ikusten, baina, teorian,non egongo den aurreikus dezake. Horrela esanda, gu guztiok daukagun ahalmen bat da: norbaitek jaurtitzen digun pilota bat harrapatzeko, aurretik norantz doan eta non egongo den aurreikusi behar dugu. Maila garatuago batean, beisbol jokalari batek 150 km orduko abiadura daraman pilota bati jotzeko gauza da, pilota jaurtilariaren eskutik nola irteten den ikusiz, pilota horren bidea zein izango den aurreikus dezakeelako. Hortaz, kasu honetan ere, ikusmenak funtsezko papera betetzen du. Machiiren kasuan ordea, honen burmuina euren abiaduragatik ikusezinak diren gauzak jotzeko (eta bitan zatitzeko) gauza da.
Bideoan hitz egiten duen psikologoak, Kaliforniako Estatu Unibertsitateko irakaslea den Ramani Darvasula doktoreak, hau giza zentzumenetatik haratago dagoen abilezia bat dela, aurreikusteko kapazitatearen maila goren bat, parerik gabekoa dela dio. Hots, film bateko Jedi batena edo komiki bateko superheroi batena bezalakoa.
Isao Machiiren “superbotere” hauen beste froga bat, Guinness liburuan bere izenean agertzen diren hiru munduko errekorrak ere badira.