Gaitzekoa ari da izaten Tunisiako errebolta eta telebista, irrati, egunkari guztiak ari dira matxinadaren berri ematen azken egunetan. “Herritarrak altxa dira! Ihes egin du Zine el-Abidine Ben Ali diktadoreak!” diote ozen. Baina, hedabide handiekin maiz gertatzen den moduan, zenbait detaile interesgarri bigarren planoan geratzen dira, ez kasualitatez; orain arte agintari europarrek mediterraneoko tiranoarekin izan duten adiskidetasuna, kasu.
Beharrik Pascual Serrano bezalako kazetariak ere badauden. Artikulu interesgarria jarri du bere webgunean: Baina, diktadurarik ba al zen Tunisian? Datu bat, kontuan hartzeko: Ben Aliren alderdia Internazional Sozialistako kide da, besteak beste PSOE eta PS bazkide dituen erakundea; baita agintaldi susmagarriki luzeko beste “presidente” baten partidua ere, Egiptoko Hosni Mubarak-en Alderdi Nazional Demokratikoa, alegia.
Leitzeko modukoa da Mundu Bankuak Tunisiari buruz idatzitako azken txostena ere. Ben Aliren politikentzat loreak, txaloak eta bibak besterik ez dauzka; gauza harrigarria, kontuan izanda politika horiexek eraman dutela herria diktadorearen, baina batez ere gosearen kontra matxinatzera.
2 Iruzkin
Kaixo, Gorka.
Leitzeko modukoa da ere gaurko Garak argitaratutako Santiago Alba Ricoren artikulua: Y de pronto, la revolución
Ba bai, leitzeko modukoa da bai. Eskerrik asko!