Sozialismorako GPSa duen GKS taldeak beste komunikatu bat argitaratu du. Eta “aspirazionismoa”, “miseria epistemologikoa”, “gainbalio absolutua” eta horrelakoen artean, Beranduegik deszifratu duenez, Euskal Herri langileari zein besteari helarazi dieten mezuan, poztasunez jaso dute albistea: Eusko Jaurlaritzako Osasun Sailak Azpeitia eremu gorrien zerrendara beste behin gehitu du, koronabirusaren intzidentzia tasa handitu dela eta. “Azpeitian dena gure kontrolpean dago, baita proletargoaren zezenketak ere, zein dira konplexuz betetako burges haiek gure herriak merezi duen kolorea ezabatzeko?”, diote subsumituta. Aste batzuk pasa ditu Azpeitiak zonalde gorritik kanpo, horrek “gure etika eta praxis komunistaren emaitza materialak” Azpeitian ezbaian jarri dituela azpimarratu dute sozialistek.