“Hau jasanezina bihurtu da: etxetik atera gabe eduki gaituzte, orain maskara jantzi behar omen dugu… ez genuen minbiziaz hiltzeko aukeraren alde borrokatu orain COVID-19aren beldurrez bizitzeko”, adierazi du Tolosaldea Txukun plataformak prentsa ohar baten bidez. Gipuzkoako hiriburu zaharrean bezala beste hainbat herritan, EAJk 2015eko hauteskundeak irabazi zituenetik desagertuta zeuden “herri mugimenduak” berriz aktibatu dira, koronabirusaz kutsatzeko eskubidearen alde. “Maskarak zikinak eta antiestetikoak” direla uste dute talde hauek, “inposizioa” dela horiek erabiltzera derrigortzea eta EH Bilduko Juan Karlos Izagirre kritikatu dute, oraindik oso ongi ulertzen ez ditugun arrazoiengatik.