“Jatea oso gauza motel eta aspergarria da gaur egungo bizimodu dinamiko eta aldakor honentzat: eta norbaitek lana erraztuko balizu?”. Galdera horrekin iragarri du bere burua sare sozialetan Masteekoo janari-banaketa enpresa berriak. “Merkatuan hutsune bat zegoela ikusi genuen”, esplikatu du Borja Gangoitik, enpresako CEOak. “Ez da posible XXI. mendean oraindik pertsona bakoitza bere janaria mastekatzeko lana hartzera derrigortua egotea. Ez gara Kuban bizi”. Enpresak azaldu duenez, Masteekooko banatzaileek beste banaketa zerbitzuetakoen denbora berdinean eramango dute janaria etxera. “Gure rider-ek pedalei eragin bitartean mastekatuko dizute afaria, horrela ariketa-fisiko bikoitza egingo dute eta euren osasunak eskertuko du”, azaldu du Gangoitik.