Fusilamenduak, elektrodoak eta poltsa, hobi komunak, jazarpena, drogak, umiliazioak, gerra zikina, hizkuntza inposaketa, inpunitatea… Guardia Zibilaren lorratza iluna da Euskal Herrian. Talde militarraren eragina gertutik ezagutzen dute Nafarroako Sakanan. Jai giroan Altsasuko taberna batean izandako liskar bati Espainiako erregimenaren indarrek emandako dimentsio politikoa –Guardia Zibilak zabaldutako bertsio faltsua, tarteko– azken tanta izan da. Horren harira sortu den zirku mediatikoa eta kriminalizazio saiakera salatzeko milaka lagun kalera atera ziren larunbatean.
Argazkia: Irantzu Pastor
Testua: Axier Lopez