Astean asteko historia: 2018ko apirilaren 27a

argia
0

[Koldo Izagirre]

Uhain ertzean Ziburu
farolak luze leinuru
dena dakiten gizon argiek
herria dute ilundu

Uhain ertzean Ziburu
zuek eta gu bi mundu
sutara doaz guretzat ziren
mila eta bost liburu

Uhain ertzean Ziburu
bake zapiak zimurtu
alferrik ari zarete gutaz
lepo beretik bi buru

Uhain ertzean Ziburu
ariak zerbait irun du
aberats gaude xede zintzotan
asmo gaiztoak ditugu

Uhain artean Ziburu
arrisku batzuk inguru
hemen dakargu etorkizuna
egon gaberik aiduru

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

ARGIAko Blogarien Komunitatea - CC-BY-SA