Argia Sariak 2018, proposatu zure hautagaiak

argia
0
2017ko Argia Sarien saritu taldea Usurbilgo Atxega jatetxean. (Arg.: Dani Blanco)
2017ko Argia Sarien saritu taldea Usurbilgo Atxega jatetxean. (Arg.: Dani Blanco)

2018ko urtarrilaren amaieran banatuko ditugu urteroko Argia Sariak. Baina zer sarituko dugu? ARGIAko lan taldean urte hasieratik ari gara arakatzen han-hemenka; zorionez, gero eta gehiago dago saritzeko eta gero eta korapilotsuagoa da hautaketa egokia egitea. Gure begiak mugatuak dira, hala ere, eta horregatik eskatzen diegu laguntza gure kolaboratzaileei, horrela Euskal Herri osoa hobeto miatu dezakegu eta.

Hala ere, ez da nahiko, eta horregatik jotzen dugu gure komunitate zabalera hautagai eske. Beraz, irakurle, 2018ko Argia Sarietarako hautagai egokirik ikusten baduzu, jakinarazi iezaguzu mesedez.

Zer saritzen dugu? Euskarazko kazetaritza eta komunikazioa honako ataletan: prentsa saria, irratia, ikus-entzunezkoak, Internet eta sustapen ekintza. Hainbatetan, halaber, Merezimenduzko saria ere banatzen dugu, euskal kulturan edo euskal gizartean nabarmendutako pertsona, lan edo proiektua. Saritu daitezke lan zehatzak, saioak, sekzioak, hedabideak, pertsonak, proiektuak…

Garrantzitsua da hautagaia aipatzea, jakina, baina are garrantzitsuagoa da argudiatzea zergatik sarituko zenukeen. Orain arteko sariei buruzkoak Argia Sariak kanalean http://www.argia.eus/argia-sariak ikus daitezke.

Proposamenak bidali helbide honetara: xletona(abildua)argia.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

ARGIAko Blogarien Komunitatea - CC-BY-SA