Argia Eguna: berriro ere txikitik eragiteko prest, oraingoan Gasteizen

argia
2

Urriaren 7an laugarrenez egingo dugu Argia Eguna, 2014an berreskuratu genuenetik. Gasteizera joko dugu oraingoan, herri mugimenduaren eta euskaltzaleen taupadaz bizi-bizi dagoen hirira. Alde Zaharra izango da epizentroa, baina Zaramaga aldera eginez hasiko dugu eguna: Martxoak 3 elkartearen eskutik, OroiTour memoriaren bisita gidatuaz gozatzeko aukera izango baita. Parte hartzaile kopurua mugatua da, hori bai; erne beraz.

Pixka bat geroago abiatuko da, GEU elkarteak gidatuta eta Alde Zaharrean, Gasteiz Euskaldunaren Ibilbidea, euskarak hirian duen garrantziaz jabetzeko. Eta aurreko kasuan bezala, komeni da aldez aurretik izena ematea, egitarauan zehazten dugun moduan.

Hortik aurrera, eta aurreko edizioetan bezala, hausnarketarako eta olgetarako tarteak izango ditugu: Argia zaleen topaketa, jolas hezitzaileak, hurbileko produktuekin egindako herri bazkaria, umorea, musika, nortasun agiri arrotzen jaurtiketa honezkero klasikoa… Den-dena, ohi dugunez, bertako hainbat eragilerekin batera elkarlanean ondua. Eskerrik asko haiei.

Aurreko edizio bateko irudia (Arg.: dani Blanco)
Aurreko edizio bateko irudia (Arg.: dani Blanco)

Hona hemen egitarau osoa:

URRIAK 7, GASTEIZKO LANDATXO GUNEAN (Alde Zaharrean)

10:30 OroiTour, memoriaren ibilbidea, Martxoak 3 elkartearen eskutik. Landatxotik abiatuta Zaramagaraino

11:00 Gasteiz Euskaldunaren Ibilbidea, GEU Elkartearekin. Alde Zaharrean barrena

12:00 Jolas hezitzaileak, Nendo Dango

12:30 Argia zaleen topaketa

13:30 Gasteizko albokariak

14:30 Bazkaria, produktu ekologiko eta hurbilekoekin. Prezioa: 15 euro (12 euro langabetu, langile prekario eta ikasleentzat).

16:30 Monologoa: Mirari Martiarena

17:30 Euskal Herriko IV. Nortasun Agiri Arrotz Jaurtiketa lehiaketa

19:00 Kontzertuak (Gaztetxean):
Txalainak (Hertzainak-en bertsioak)
Jon Basaguren

*Ibilaldi gidatuetarako eta bazkarirako izena emateko, deitu 943-37 15 45 telefono zenbakira edo idatzi komunitatea@argia.eus helbidera

2 Iruzkin
Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

ARGIAko Blogarien Komunitatea - CC-BY-SA