Euskaraz irakurri genuen lehenbizi Asisko Urmenetak, Marko Armspachek eta Jokin Larreak egindako Gartxot komikia. 2003. urtean publikatu zen ARGIAren eskutik eta geroztik ibilbide luze eta oparoa egin du.
Euskal Herritik kanpo ere izan dute Itzaltzuko bardoaren berri, horren erakusgarri Korsikako Nazioarteko Komiki Azokan jaso zuen saria.
Beste jauzi bat eman du uda honetan: aurrerantzean Bretainian ere irakurriko dute Zaraitzuko ibarreko kondaira: nazio hartan duela hamar urtetik bretoieraz argitaratzen den Ya! astekaria kapituluka hasi da bere irakurleei komikia eskaintzen.
