Normalean bitxiak edo txundigarriak iruditzen zaizkigun argazkietan erreparatzen dugu. Gaurkoa, ordea, guztiz desberdina den irudi batean zentratuko gara. Irudi honek egungo munduan bizi dugun errealitate bat irudikatzen du. Protagonistak gure egunerokotasunean ikusten ditugun argazkien sortzaileak izango dira, argazkilariak hain zuzen ere. Mota askotako argazkiak ikustera oso ohiturik gauden arren, argazkilarien argazkiak ikustea ez da hain gauza ohikoa. Hala ere, haien lana gabe ezinezkoa izango litzateke argazkilaritzaren arteaz disfrutatzeko aukera izatea.

 Gaurko argazkiak ondo erakusten duenez, askotan gainontzeko argazkilariekin borrokatu behar dira, akrobaziak eginez leku on bat lortzeko. Asko dira egun argazkilaritza haien ogibidean bihurtzea bilatzen dutenak, agian gehiegi, eta horregatik geroz eta zailagoa da argazki berezi eta paregabea lortzea. Hala ere, ikuspuntu berezi bat bilatzea lagungarria izan daiteke besteen lanetik bereizteko eta ospea ekarriko dizun irudia lortzeko. Horrela, baliteke eguneko argazki onena eskuratu duen argazkilaria ikusten ari garen argazkiaren egilea izatea, politikariak atera ez baditu ere, haren lankideen emaitza guztiz berezia eskuratu baitu.

Teherango Barne Ministerioaren eskailerak bezalako tokiak kazetarientzako harmaila inprobisatuetan bihurtu daitezke. Hala ere, esfortzu berezia egin behar da kazetari pilaketa horren azpian eskailera batzuk ezkutaturik daudela konturatzeko. Haien erasorako posizioan kokaturik, kazetariak kameraren botoia une perfektu zapaltzeko prestatzen dira. Izan ere, argazki on bat edozein unetan lor daiteke,  maiatzaren 19ko hauteskundeetara aurkeztuko diren kandidaturen erregistroa burutzen den unean ere. Beraz, haien armen bateria kargaturik eta munizio zorroa memoria txartelez beterik dutelarik, lan egun berri bati aurre egiteko prest dira gaurko eguneko protagonistak.