Arkeologo batek Arsinoe III.a erregina ptolomeotarraren erretratua daukan eraztun bat topatu du Egiptotik milaka kilometrora, Errusiako Voskresenskoye 6 aztarnategian. 

Erreginaren agintaldian egina, eraztunak 2.200 urte inguru ditu, eta Bosforoko Erresumaren parte zen Gorgippia hiri zaharrean, etxe helenistiko baten aztarnen artean topatu dute, mediterranear jatorriko beste hainbat objekturekin batera. 

Adituen ustez, aurkikuntzak ez du esan nahi Arsinoeren eta Gosgippiaren arteko harreman zuzenik zegoenik, edota jabeak Egiptotik hara eraman zuenik, Egipto ptolomeotarraren eragin komertzial, kultural eta, kasu honetan, ikonografikoa, Niloren bailaratik milaka kilometrora hedatu zela baizik.