Caracako aztarnategian (Guadalajara, Espainia) erromatar garaiko esfinge baten zati bat topatu dute berriki. Esfingeek jatorria ekialdean izan arren, erromatar Inperio osora zabalduko ziren gero. Eta Carakakoa bertako artista baten lana dela uste dute adituek, inguruko materialez egina baita.

Carakako aztarnategia egoera larrian dago baliabide faltagatik, eta indusketa nahiz kontserbazio lanekin aurrera egiteko lurrak desjabetzea ezinbestekoa da. Horregatik esfingearen aurkikuntza ikusgarriak aztarnategia salbatzeko kanpainari bultzada handia eman diezaioke.