Lasan (Nafarroa Beherea) jaio zen Maia Iribarne duela 30 urte eta bertan bizi da egun. Derrigorrezko hezkuntzarekin paraleloan aritu zen musika ikasketak egiten Baionako kontserbatorioan. Aretxabaletan egin zuen gero ikus-entzunezko komunikazioko gradua eta master bi ondoren: Arte Ederretan bat Bartzelonan (Herrialde Katalanak) eta dokumentalgintzan bestea Lussas-en (Frantziako Estatua). Intermitentzia estatusarekin dabil egun lanean, musikari zein zinemagile gisa.