Musika giroan hazi zen eta 6 urterekin Barañaingo Musika Eskolan pianoa ikasteari ekin zion. Bartzelonan Itzulpengintza ikasi eta handik Madrilera joan zen graduondoko bat egitera. Hiri handian zazpi urte eman ondoren joan den urteko udaberrian Espainiako Estatuko iparraldeko herri txiki batera joan zen bizitzera, naturaz inguratuta. Bakarlari gisa soilik ahotsez eta gitarraz osatutako Red Gardens-ekin estreinatu zen 2013an. 2016an Last Nigth publikatu zuen, banda batek lagunduta. Alberto Iriarterekin batera osatutako Iseo & Dodosound proiektuan ari da buru-belarri ordutik, dub, reggae eta pop estiloak landuz. Bi disko dituzte: Cat Platoon (2015) eta Roots in the Air (2017). Orain hirugarrena ari dira bukatzen eta bien bitartean Etxea-n izeneko EPa argitaratu du Iseo-k. Lau euskal abesti ezagunen bertsio intimista eta organikoak.