Idazlea, maisua eta antzerkilaria. 1978an abian jarri zen Iruñeko Udal Ikastolaren sortzaileetako bat izan zen, eta erretreta hartu arte ikastola horretako hiru ikastetxeetako irakasle eta antzerki taldeen zuzendaria izan da. Haurrentzako antzerki testuak biltzen dituzten bost libururen egilea da eta lehiaketa ugaritan izan da saritua. Bestalde, Zaraitzu ibarreko kulturaren ikertzaile eta dibulgatzaile sutsua da. Tiza negra (Klarion beltza) eleberria, Carreteras en el Valle de Salazar (Zaraitzu Ibarreko errepideak) kronika liburua eta 2021ean plazaratutako Zaraitzuko ipuin zahar eta berriak dira ibarrarekin lotutako bere idazlan nagusiak.