Bizkaiko Foru Aldundiaren Ibilbide historikoak programaren barruan, bisitariak tablet bat izango du eskura; begi hutsez eraikin zaharrak egungo egoeran ikusiko ditu eta, tabletaren bidez, aldiz, eraikin horiek birtualki berreginda ikusi ahalko ditu: II. eta IV. mendeen artean martxan egon zen tailer metalurgiko bat, I. mendeko eraikin militar bat, eta I. eta II. mendeko domus bat, hau da, patioa duen etxe bat.