Txileko Valparaison sortutako “Bortxatzaile bat zure bidean” abesti-performancea biolentzia matxistaren aurkako aldarri bilakatu da asteotan. “Errua ez zen nirea, ez non nengoen ezta nire janzkera ere. Bortxatzailea zeu zara” dioen letrarekin mundu osoko dozenaka herrialdetako feministek bat egin dute, baita Bortzirietan euskarazko bertsioa sortu ere. Matxismoaren erroak sakonak dira, baita feministen arteko elkartasuna eta nazioarteko sarea ere. Irudian, Mexiko Hiria.
Argazkia: S. Gutierrez / Alamy
Testua: Axier Lopez