1976an Hitz aldizkariak Aberri Egunaren Ipuia komikia kaleratu zuen. Marrazkiak Jon Zabaletak egin zituen “Akullu” ezizenarekin eta testua Beñat Bidegorrirena da. Bertan azaltzen da nola antzina bazen herri bat pozik bizi zena. Behin batean barbaroek eraso egin zuten eta herritarrak zapalduta bizi ziren hortik aurrera. Halabaina, gauetan akelarreak ospatzen hasi ziren isilpean, gero armak hartu zituzten, eta azken borrokaldiaren ondoren barbaroek amnistia eskatu behar izan zuten eta ihes egin. Geroztik ospatzen omen dira aberri egunak.