David de Jorge | Robinfood

“Zin dagit sukaldari ona naizela!”

  • Bai, hondarribiarrak bikingoak dira.
Sustrai Colina
2010ko azaroaren 28a
Robinfood
Dani Blanco

Alardearena konpontzeko errezetarik bai?


Elkarri ostiaka hasi zirenean utzi nion ateratzeari. Bertakoa izan arren ez dut ulertzen, baina ez duzu uste bonbardeatuko bagintuzte berriz zerotik hasiko ginatekeela?

Sukaldari bat bonbardaketa eske?! Ez al zineten gure herriaren enbaxadore gorenak?


Mesias berriak garela dirudi, baina oso sukaldari gutxik gainditu zuen batxilergoa! Ni oso harro nago nire ofizioarekin, baina nahikoa da. Nire herriarentzat enbaxadore formatuagoak nahi nituzke.

Jatetxe ospetsuetan janariaren partez esperientziak saltzen direnetik...


Laino horietan hegan egiteak gatibatu nau urteetan, baina hortik askatzea lortu dudanetik, abdominalak lantzeraino egiten dut barre. Ez zait ofizioa intelektualizatzea gustatzen.

Ai, frustrazioak...


Egungo sukaldaritzan dena da arintasuna, berrikuntza, benetakotasuna... Sukaldaritzak ez du justifikaziorik behar. Sukaldariaren lekua sukaldea da, ez pulpitua. Eltzeak jartzen gaitu gure lekuan.

Horregatik egiten duzu lasaiago lo Arguiñanoren pulpitua ordutegiz aldatu denetik?


Arguiñanorena beste liga bat da, Championsa. Jende asko ikusi dut bera imitatu nahian erridikulua egiten. Nik ez dakit txisterik kontatzen, memoria txarra daukat, berak baino 100 kilo gehiago eta 23 urte gutxiago daukat... Zer arraio egin behar dut nirea ez bada?


Guarrindongadak, irainak eta hitz larriak bata bestearen atzetik bota…


Zer erru daukat nik kalean gurutzatzen ditudan umeek “Biba Rusia“ esaten badidate? Ados, kamera aurrean jartzeko aurpegi galanta behar da, nirea bezalako programa batek ez du sukaldari ona izatea eskatzen, baina zin dagit sukaldari ona naizela!

Hori kritiko gastronomikoak telebista programak epaitzen hasten direnean ikusiko dugu!


Ez zaizu iruditzen kritikoek jendea tontotzat hartzen dutela? Lainoen usaina esplikatzen diguten bakoitzean, barrearen barrez, abdominalak egiten jarraitzen dut. Ez al zenekien 100 jatetxe onenen zerrenda sukaldariek euren buruak famatzeko muntatutako parafernalia dela?


Nik zuk kritikak idazten dituzula dakit.


Baina irakurlea ni baino argiagoa dela pentsatzen dut beti! Erridikulua iruditzen zait jatetxeak puntuatzea. Lainoetatik ihesi nabil, berdin zait berenjenak potasioa duen ala ez, nik plazera transmititu nahi dut!

Plazera? Janariarekin obsesionatuta gaude-eta!


Okerragoa da zer janik ez daukazulako obsesionatzea! Obsesiboki pentsatuta, ez dago hain gaizki gosaldu, bazkaldu, afaldu, eta tripa beteta lo egin dezakezun gizarte batean bizitzea.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-25 | ARGIA
2017ko 'Pohang' lurrikara frackingak eragin zuela aitortu du Hego Koreako gobernuak

2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.


2019-03-25 | Itzea Urkizu
Fatimetu Zenan: "Feminista naiz, baina feminismo unibertsala nahi dut, eta ez eremu jakin batera mugatutakoa"

Saharar errefuxiatuen kanpamenduetan jaio bazen ere, Fatimetu Zenan (1999) haurra zela iritsi zen Euskal Herrira; Bermeora, lehenik, eta Ikaztegietara, gero. Joan den martxoaren 8ko indar kolektiboa dario, oraindik, bere hitzei, eta feminismoa urte, herrialde, klase eta pertsona guztiengana iristeko modua aurkitu nahi du. Emakume sahararren nortasuna eta garrantzia plazaratzeko eguna antolatu dute bihar, herrian.


2019-03-25 | Txerra Rodriguez
Herri mugimendu hezeak

Allartean blogari txit handiari irakurri nion Txepetxek esan zuela militantzia “erotizantea” izan behar zuela, hau da, sormena eta gozamena dakarren militantzia, konpromisoarekin batera. Beste batean (non demontre? Tomas Villasanteri?) irakurri nuen herri mugimendu eraldatzaileak “hezeak” izan behar zirela.


2019-03-25 | Etzi.pm
"Erraustegiarekin hemendik urte batzuetara gertatuko da amiantoarekin gertatu dena"

Bego Zuza Hernanin (Gipuzkoa) jaio zen, 1960an. Bertan bizi da eta herriko gizarte mugimenduetan inplikatutako emakumea da. Zero Zabor taldeko kidea da. Argia aldizkariko lehendakaria da, baina ez dio karguari garrantzirik ematen. Ikusten dituen bidegabekeriei ematen die garrantzia gehiago. Halakoen aurrean, ez da hitz soiletan edo geldirik geratzen den horietakoa.


Ekozinemaldia 2019: aurten ere erauzketa-goseari hozka

Beste urte bat, Ekozinemaldi berri bat, planetaren egoerari gainbegirada berri bat, eta aise nabari da hazkuntza infinitoaren makinak etenik gabe dirauela parean aurkitzen duen guztia birrintzen eta baliabide naturalak murrizten, hazkuntza kontsakratuaren eta kontsumo geldiezinaren erritmora. (Ikusi Ekozimenaldiaren egitaraua osorik).


Sorgin izan, sorgin esan

Asteburu honetan, Sorgin Ehizaren Historiari buruzko I. Topaketa Feminista egin dugu Iruñeko Katakraken. Zuek lerro hauek irakurtzen ari zaretelarik, topaketan parte hartu dugunok Zugarramurdiko eta Sarako leizeetan egonen gara, hango museoak sorginei buruz helarazten duen mezuaren inguruan hausnartzen eta sorginen iruditeriarekin egiten den komertzializazioa salatzen.


Erabileraren aroa: begirada bat Ipar Euskal Herritik
MULTIMEDIA - solasaldia

Biarritzeko euskara teknikari Eneko Gorriren hitzaldia 2019ko Topaldian.

Hitzaldiaren sinopsia

Urteetako galtzearen ondotik, azken datu soziolinguistikoen arabera badirudi hiztun kopuru absolutua egonkortzen hasia dela Ipar Euskal Herriko hiru lurraldeetan. Zenbaki ofizialek 2011 eta 2016 artean 100 hiztun irabazi ditugula agerian ematen badute, ez dute islatzen jendartean sakonki aldatzen ari den prozesu bat: gaitasunen eraldaketa, familia transmisioaren etenaldia, erabileraren... [+]


2019-03-25 | Uztarria
Pasaiako segadaren 35. urteurrenean, Espainiako Estatuaren indarkeriaren biktimak izan dituzte gogoan

Pasaiako segadaren 35. urteurrena gogoratzeko ekitaldia egin zuten joan den larunbat arratsaldean Azpeitiko azoka plazan. Hamaika kasu, aldarri berbera lelo hartuta, aurtengo ekitaldian Espainiako Estatuaren indarkeriaren biktimak gogoan izan dituzte.

 


Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


2019-03-25 | Amaia Ugalde
Hilekoa plazara, artelanen bidez

‘Hilekoa gorria ote’ erakusketan artista eta idazle feministek hilekoari buruz egindako lanak batu eta plazaratu dituzte. Elorrion izan du lehen aldia erakusketak, eta herriz herri zabaltzea da antolatzaileen asmoa.


ASTEKARIA
Azkenak
EGILEA
Eguneraketa berriak daude