Lenin oporretan

Nagore Irazustabarrena Uranga @irazustabarrena
2010ko uztailaren 11
Lenin lanean
Lenin laneanbritannica.com
Mosku, 1917ko uztaila. Urriko iraultza komunista ate joka zela, hainbat langile eta soldadu Errusiako behin-behineko gobernuaren aurka altxa ziren. “Uztaileko egunak” izeneko matxinadan boltxebikeen parte hartzea funtsezkoa izan zen, handik hiru hilabetera izango zen moduan, baina alderdiaren buruzagien erantzuna zalantzatia eta kontraesankorra izan zen udako istiluetan.

 Altxamendua zuzendu eta bidera zezakeen buru nagusia ez zegoen hiriburuan; Vladimir Ilitx Lenin oporretan zen, Finlandian.

Kanadako Carleton Unibertsitateko Carter Elwood-ek Lenin on Holiday (Lenin oporretan) ikerlanean adierazi duenez, boltxebikeen burua kanpoan izatea ez zen kasualitatea izan. Alderdikide gehienek ez bezala, Leninek maiz hartzen zituen oporrak. Bere artikuluen truke lortzen zuen diruari esker eta familia nahiko aberatseko seme izanik, oporraldi luzeak egin zituen maiz, boterea eskuratu baino lehen bereziki. Baina 1917ko urria eta gero ere, lanpetuagoa egon arren, opor laburragoei ez zien uko egin.

Bidaietan kirola egiteko eta naturaz gozatzeko aukera aprobetxatu ohi zuen Leninek. Bizikletan ibiltzea, igeri egitea, eskalatzea eta mendian ibitzea zituen gustuko. Oporrak bai, baina ez zuen atseden handirik hartzen. 1904ko udan, esaterako, emaztearekin batera ibilaldi luzea burutu zuen; ia Suitza erdia egin zuten oinez. Hala ere, batzuetan oporraldi lasaiagoak egiten zituen. Adibidez, 1902an Bretainiara egin zuten bidaia eta boltxebikeak ia oporraldi osoa lorategian eserita, itsasoari begira, eman zuen.

Leninek ez zuen kontraesanik ikusten bere ideien eta oporren artean. Harentzat, oporraldietan bidaiak egitea ez zen jarduera friboloa edo luxu kapitalista, etorkizunean izango zituen borroka politikoei gogotsuago heltzeko bidea baizik. “Fisikoki eta mentalki ondo egonda buruzagi gisa lan hobea egingo zuela uste zuen”, Elwooden hitzetan.

Leninek berak, 1907an kostaldera egindako bidaian, zera esan zion amari: “Jenderik eta lanik gabe, halaxe egotea dut gustukoen”. Baina 1917ko udazkenean, Finlandiako oporraldia amaituta, jende andana eta lan mordoa zituen zain.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


2018-10-21
Otegi eta Zapatero Txillarren elkartu dira, jendeari horrelako bilerak inporta zitzaizkionean bezala

Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.


2018-10-21
Legioko ahuntzak idatzi du Casadoren diskurtsoa

Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.


2018-10-21 | Adur Larrea
Ez hanka ez buru
Behingoz edo garaia da

"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


2018-10-21 | Amaia Lekunberri
Ruben Collio aktibista maputxea
"Macarena lurraren defentsan borroka egiteagatik hil duten lehenengo emakume maputxea da"

Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


2018-10-21
Nerea Arriola Urberuaga (1988, Donostia)

Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).


ASTEKARIA
Azkenak
EGILEA
Eguneraketa berriak daude