“Dut-en kasuan ez zen Yoko Onorik egon”

  • Dut, Anari, Zura, Dj Ura. Izen laburreko musikaria da Xabi, abizenez Strubell.
Xabi Strubell
Xabi StrubellDani Blanco

Deitura horrekin aitona Ataungoa duzu, seguru.


Koktel molotoff xamarrak gara gu. Ama Iruñekoa eta aita erbesteratu behar izan zen familia batekoa: katalana zuen ama eta ingelesa aita. Pentsa, abizena Austriatik dator!

Kontxo, hortik sortzen da euskal bossa nova!


Erronka pertsonala zen bossa euskaraz ematea eta oso modu naturalean sortu da. Euskara edozein estilotara molda daiteke eta “euskal bossa” egitea, “nafar jazzcoredrumandbassa” edota “xiberotar porrusaldateknohopa” egungo kultur aniztasunaren ondorioa dira.

Ura ardo bihurtzea baino mirari handiagoa da eta!


Gure musika oso ur-ardotua dago: bossa entzule zorrotzari rockeroegia irudituko zaio eta rock entzuleari agian goxoegia. Orain odolak eskatzen digu zer edo zer gogorragoa egitea.

Musikari batek esan berri du gurean ez dela aske sortzeko baldintzarik. Nahiko suelto ikusten zaitut nik.


Oro har euskal artistok ez daukagu gure sorkuntzaz bizibidea ateratzeko aukera. Eta horrek komertzialtasunaren zurrunbilotik askatzen gaitu. Hau da, Euskal Herrian norberak sentitzen dituen beharrei erantzuteko sortzen da. A, eta ni topera nabil fronte guztietan!


Aitortu hemen egia: Dut emakume batengatik hautsi zen.


Dut denborak hautsi zuen, adiskidetasunaren urruntzeak, nekeak, inkomunikazioak, Atxagaren big-bangak agian. Momentu batean soilik musika egiten genuen, eta nik lagunartean sortu nahi dut. Kasu honetan ez zen Yoko Onorik egon.

Kuraian ez zinen sartu Duteko beste biak bezala; pena, edo zarata handiegia ateratzen zuten?


Ez zitzaidan aukera planteatu, eta neure bidea hasia nuen. Gainera, ez dut oso gustuko punk-rocka.


Eta maitasunak Anarirekin bi disko iraun zuen.


Anarirekin maitasunak bere horretan dirau. Bidearen puska oso polita egin genuen elkarrekin eta gero bakoitzak berea jarraitu zuen. Itzela izan da ikustea, gertutik zein urrutiagotik, diskoz disko nola joan den handitzen.


Zurarekin ez zarete oraino erre.


Zura talde bat da, sortzen jarraitzeko lagunarte bat. Kantuan hasten gara, besta egiten dugu, elkar maite dugu pilo bat. Disko berri bat egin nahi dugu eta plazarik plaza abiatu. Ezin dut besterik eskatu!

Aizu, Bidasoalde horretan ez du inork lan egiten edo? Denak zarete musikariak!


Asko gara metro koadroko, bai. Musika entzun eta sortzeak mugimendu soziala eratu du: Hondarribian ez da egon gazte asanbladarik, baina musikak oso jende diferentea bildu du, Psilocybe elkartean. Irunen, Mosku plaza izan da topagunea. Eta musikariak onddo beltzak bezala hazi gara!

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude