Emakumeak borrokan

Malenkonia goxoa

2009ko irailaren 13a
Katixa Agirre
Katixa Agirre
Garai batean, turistak “oraindik ez ditut argazkiak errebelatu” erantzun zezakeen, “zer moduz Salou?” edo “gustatu al zaizu Paris?” galdetzen ziotenean. Gaur egun, ez dago errebelatze momentura itxaron beharrik. Errebelatu ere, ez dakit norbaitek egingo duen, argazki dendak makal ikusten ditut behintzat azken urte hauetan. Argazkigintza digitalari esker argazkiak –lekuak– bertatik bertara gozatu daitezke. Edo borratu, txotxolo samar ikusten badugu geure burua. Garai bateko desfasea –leku batean egon/leku bat gozatu– amaitu egin da, edo murriztu.

Nire uda ere berezi samarra izan da, Alegrantziaren herri honetan. Lanaren etika kalbinistaren pean pasa ditut azken bi hilabete hauek, bulegari ordutegiarekin (nine-to-fiver esaten diete ni bezalakoei).

Ez dadila inor hunkitu, arren: astebeteko oporralditxoa ere hartu nuen, abuztu hasieran. Kotxe bat alokatu eta lau lagun on the road jarri ginen. Ordu gehienak autoan igaro genituen, baina tarteka jaitsi, gauza izugarriak ikusi –parke nazionalak, hondartzak, desertuak, kanoiak, kasinoak– eta argazkiak egiten genituen. Zientoka. Niri bateria amaitu zitzaidan arte.

Autoan, gizonak beti esertzen ziren aurrean, eta gu, emakumeok, atzean. Gizonek mapa eta kotxeari noizean behinka pizten zitzaizkion argi-seinale asaldagarriekin jarduten zuten bitartean, guk irratiko abestien gainetik kantatzen genuen, inongo preokupaziorik gabe.

Alboan neraman adiskidea berritsua zen oso, eta talentu berezia zuen besteen ahotsak eta azentuak imitatzeko. Barrezka jartzen ninduen bost minutu oro. Behin, ordea, paisaian kontzentratuta nengoela, isilik denbora gehiegi zeramala konturatu nintzen.

Harrituta, erdi-kezkatuta ia, lagunari begiratu nion: bere argazki-makinari begira zegoen, ateratako argazki bakoitza errepasatuz. Kopetilun zegoen. Bat-batean burua altxatu eta nire begirada harrituari erreparatu zion. Gizonengana zuzendu zuen begirada gero, eta inguruko paisaiari azkenean. “Ai, ama, hemen zaudete oraindik!” esan zuen. “Argazkiei begira lelotu eta halako malenkonia sartu zait, pentsatuz ze bidaia polita egin dugun, eta zenbat botatzen zaituztedan faltan”. Lau egun gelditzen zitzaizkigun oraindik bidaia bukatutzat eman eta elkarrengandik banatzeko.

Arinduta sentitu zen nire laguna bere burua kotxe hartan, errepide luze horietan berriz kokatu zuenean? Jarri zuen aurpegiagatik, ezetz esango nuke. Malenkonia sentimendu goxoa izan baitaiteke askotan, eta aukera askekoa. Bere argazki-makinaren pantailari begira oroitzapen pertsonalizatuak zituen, irudi bakoitzaren atzetik zer ezkutatzen zen, kasuan kasu imajinatu edo asmatu zezakeen. Baina errealitatean supituki erorita, koadrotik kanpo ere bizi beharra zuen. Eta bere bidaideak, faltan bota beharrean, agoantatu behar zituen.

Prentsaren mekanismoak direla eta, nire ttakunkada berri honek ere geroan kokatzen nau, artikulu honek argia ikusiko duenerako Alegrantziaren herria utzita, Impasse Histerikoaren herrian (hemen ezagutu dudan jakintsu baten hitzekin esanda) bueltan izango bainaiz. Malenkonikoki bukatu beharko nuke beraz nire lerro hauek, Alegrantziaren herrian bizitako guztia (bulegari ordutegia eta etika kalbinista barne) gogora ekarriz. Baina egun batzuk gelditzen zaizkit oraindik, artikulu honek Atlantikoa zeharkatzen duen bitartean. Limonada prestatzera noa beraz. Garratz gustatzen zait.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Miren Segurola, UEMAko koordinatzailea
"Turismoa sustatzen ari gara Kantabrian bagina bezala"

Bermeora, Zumaiara eta Leitzara etorritako bisitariei galdetu zaie ea zer iritzi duten euskararen inguruan, eta bisitarien %95ak erantzun du ez duela inolako arazorik izan euskararekin. Askok estimatu dute tokiko hizkuntza ezagutzeko aukera eta batzuek esan dute herri horietara joateko arrazoietako bat dela euskara. Aldiz, gurean, Game of thrones-en sukarrak eraginda, turismo eragileak euskara ezkutatu nahian dabiltza. UEMAk bideratu ditu hiru inkestak hiru herrietan eta Miren Segurolari egin... [+]


2019-04-21 | Reyes Ilintxeta
Daniel López Moreno, Erriberako Olentzero
"UPN-k ez du ikusi nahi hemen dagoena"

Nafarroako Behe Erriberan euskararen irakaskuntzak lau hanka ditu: Argia Ikastola 230 ikaslerekin, A eredua (euskara ikasgai duela) ikastetxe publikoetan 910 ikaslerekin, AEK 60 ikaslerekin eta Hizkuntza Eskola 28rekin. Daniel López Moreno euskaltzaleak argi du A eredua bultzatu behar dela eskualde honetan, hori izan daitekeelako euskararentzako sarbide eraginkorra.


2019-04-21
Daniel López Moreno (Ablitas, 1948)

Irakasle erretiratua, Tuterako Beterri peñako kidea, Geroa Baiko militantea eta euskaltzale sutsua. Bere hiru semeek Argia Ikastolan ikasi dute. Azken zortzi urteotan Tuterako Olentzero izan da. Hori aski ez eta inguruko herri eta ikastetxeetan ikazkinarena egiten du pozarren.


2019-04-21
Beterri

“Beterri peña, euskaldunen eta euskaltzaleen topagunea da Tuteran. Abesbatzak eta txistularien saioak izaten dira, edo haur txikientzako emanaldiak. Oso jator ari dira lanean, eta gainera, erreleboa lortzen ari da 25 urte inguruko gazte kuadrilla gogotsu bat sartu delako. Bazkide gehiago ezin da egin goraino dagoelako betea eta jaietan mundu guztia hara joaten da. Bitxia da ikustea nola eskuindarrak ere arazorik gabe ikurrinaren azpitik pasatzen diren tabernara sartzeko”.


2019-04-21
Euskara denontzat

“Hemengo jesuitei edo mojen eskoletakoei kritika egin behar diet: Nola liteke euskara ez balego bezala aritzea? Eskolatik aterako dira jakin gabe Goikoetxea zer den edo bat-bi-hiru kontatzen jakin gabe. Gutxieneko bat behar da, ez soilik A ereduan, G ereduan ere bai. Abesti batzuk, ezagutza minimo batzuk… Derrigorra beharko luke izan Nafarroa osoan. Ingurua ezagutzearen barruan sartzen da”.
 


Bilboren 'B' aldea
Salgai dagoen hirian, gazteria ikusezin

Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.


Mali, Mendebaldea galtzen ari den ezkutuko gerra

2019ko lehen hiruhilekoan ia 90.000 maliarrek etxetik alde egin behar izan dute, Maliko ipar eta erdialdean aspaldi errotua den biolentziatik ihesi. 2013tik hona, zonalde horretan daude barreiatuta Nazio Batuen 15.209 militar eta polizia eta AEBetako tropa eta mertzenarioen kopuru ezezaguna.


ASTEKARIA
Azkenak
EGILEA
Eguneraketa berriak daude