Iker Goenaga

“Ez naiz gaur Dr. Jekyll eta bihar Mr. Hyde”

  • Diskoa kaleratu nahi duenak ez du diskoetxerik behar, baina infernuko hauspoa astinduz bizi denak deabruaren abokatua beharko du, ezta?
Sustrai Colina
2009ko apirilaren 05a
Iker Goenaga
Dani Blanco

Nork sinetsarazi digu trikitia euskalduna dela?


Ezer internazionalik baldin badago hori soinu txikia da. Abertzaletasun euskaldunaren ikur bihurtu eta ukitu folkloriko-etnikoa eman nahi izatea zentzugabekeria hutsa da. Etnikoa txalaparta da!
 

Eta Euskadi Gaztea!


Garbi dago irratiek daramaten politikarekin, Alex Ubago ezagutzea Tapia eta Leturia entzutea baino errazagoa dela.
 

Errazena, baina, betiko fandango eta kalejirak jotzea.


Azken diskoaren ostean batek galdetu zidan “baina zer egin duzu?”. Zer egingo dut ba? Musika! Ni trikitilaria naiz eta nire soinu-tresnarekin kantuak sortzen ditut. Ez dago besterik.
 

Puskatzaile arraioa!


Hogei urterekin familiako lehen apostata egin nintzenean bezala da. Garbi baldin badaukazu, aurrera. Sortzerakoan ez dut trikitiaren geroan pentsatzen. Ez dut uste horrek inora daramanik.
 

Nora darama autoprodukzioak?


Dena norberak egitera. Biolontxeloaren partitura idaztetik kartelen diseinua egiteraino. Dena dago zure gain, baita gestioa ere, eta nik gestioa gorroto dut. Baina beste alternatibarik ez dagoenez...
 

Lasai, jendeak Internetetik jaitsiko ditu zure kantuak...


Bakoitzak baloratzen duenaren araberakoa da dena. Zergatik egingo dut lan ostiraletan astelehenetik ostegunera eginez bizi banaiteke? Beste batzuk larunbatetan ere tailerrera joaten dira ez dakit zer edukitzearren. Niretzat diskoak sakratuak dira.
 

Diskoak ez, promozioa da sakratua.


Baita etsigarria ere! Elkarrizketatzaile batek “zer nahi duzu galdetzea?” edo “zuk zer jotzen duzu?” galdetzen dizunean...
 

Esaiezu zuri Jaurlaritzak ez dizula subentziorik ematen...


Frantziako gobernuari ez zaio bururatzen artista ingelesak jartzea abesti frantsesak kantatzen kultura frantsesa esportatzeko. Junkerarekin egin dutenak ez dauka izenik, ulertezina da.
 

Ba kantak krisi uneetan sortzen direla egia bada, poztu behar zenuke.


Ez naiz gaur Dr. Jekyll eta bihar Mr. Hyde, baina nire kasuan ez da mitoa. Ondo nagoenean ez daukat soinuaren beharrik, baina behera egitean heldu-lekua da.
 

Hara erromantiko bat kontsumoaren gizartean!


Maiteminduen egunean esan behar duzu maite zaitut, Durangon erosi behar duzu kultura, Gabonetan egon behar zara zoriontsu... Zer nahi duzu esatea? Nik ez dut ezer ulertzen.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-20 | ARGIA
"Kazetaritza ez da delitua" aldarrikatu du ARGIAk Donostiak epaitegi aurrean

ARGIAko lantaldeak Donostiako epaitegiaren aurrean elkarretaratzea egin du asteazken goizean.


2019-03-20 | Guaixe .eus
Altsasuko gazteen gurasoak Bruselara joango dira auziaren berri ematera

Altsasuko Auzia nazioartekotzeko bidean, Altsasu Gurasoak taldeko eta Altsasukoak Aske herri plataformako kideak, atzera ere, Bruselarako bidea hartuko dute asteazken honetan eta ostiralera arte han izanen dira.


2019-03-20 | ARGIA
Uber enpresa Bilbon: VTC-ekin ezin lan egin, janari-banatzaile prekarioekin bai

Eusko Jaurlaritzak VTC ibilgailuen sektoreari galga jarri dien arren, Uber enpresak kudeatutako etxez etxeko janari-aplikazioak ez du inolako eragozpenik aurkitu Bilbon.


2019-03-20 | ARGIA
50 lagun itsasotik erreskatatu dituen barkua konfiskatzeko agindu du Italiako Gobernuak

Mare Jonio barkua konfiskatzeko agindu du Italiako Gobernuak, itsasontzi horrek astelehen honetan 50 lagun erreskatatu ondoren. Italiako bandera dauka barkuak eta Mediterranea Saving Humans proiektuko partaidea da.


2019-03-20 | Usurbilgo Noaua
Atez ateko bilketak 10 urte bete ditu Usurbilen

Ohitura aldaketa txiki batek hondakinen kudeaketa eredua irauli zuen duela 10 urte. 2009ko martxoaren 16an albiste genuen Usurbil, ez herri mailan baita udalerritik kanpo ere. Aitzindari bilakatu zen udalerri hau Euskal Herrian, hondakinak lehengai bihurtu eta herritarrak "teknologia" aurreratuenean bilakatu zituen atez ateko bilketa sistemari esker. Atez atekoak 10 urte bete ditu joan den larunbatean.


2019-03-20 | ARGIA
Galizian eukaliptoak ezabatuz ospatuko dute Basoen Mundu Eguna

Larunbatean, martxoak 23, Basoen Munduko Eguna dela eta, aldarrikapen giroan ospatzeko kanpaina antolatu dute Galizian: bertako mendi eta ibarretan monolabore bilakatua diren eta azken aldian sekulako suteak eragin dituzten eukaliptoak erauziko dituzte egun eta ordu berean, baso iraunkorrez ordezkatzea aldarrikatuz.


2019-03-20 | ARGIA
Jaka horiei Eliseo Zelaietan manifestatzea debekatu nahi die Frantziako Gobernuak

Parisko beste gune ezagun batzuetan manifestatzea ere debekatuko du, poliziak istiluak sor daitezkeen susmorik edukiko balu.


Banku etikoak hiru bider errentagarriagoak dira ohiko bankuak baino Lehman Brothers erori zenetik

Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.


2019-03-20 | Aritz Dez
Korrika, emeki-emeki

Azken egun hauetan, milaka ikusten dira Korrikaren aldeko antolatzen diren ekitaldiak, iragarkiak, albisteak eta bakoitzaren herrira heltzeko irrikak. Aurten ikus izan dezakegu bereziki, Korrikaren ibilbideak nola islatzen duen euskarak hamarkada gutxi horietan egindako bidea.


2019-03-18 | Iigo Igartua
Garai-Etxaniz eta Etxegarai-Oses bikoteak Emakume Master Cupeko txapeldun

Leire Garai eta Leire Etxanizek nagusitasun osoz irabazi dute lehen mailako txapela (22-5). Promozio mailakoa, Uxue Oses eta Madalen Etxegaraik osaturiko bikoteak eraman du (18-15), partidaren bigarren zatian markagailua irauli eta gero.


ASTEKARIA
Azkenak
EGILEA
Eguneraketa berriak daude