Eusko Legebiltzar ez demokratikoa hautatuko da

D3M
Askatasuna eta D3M hauteskunde lehiatik kanpo utzi ondoren, Alderdien Legeak bata bestearen atzetik egotzi ditu hauteskunde lehietatik ezker abertzaleko alderdi edo hautes zerrendak. Oraingoan, eta lehenbiziz ia 30 urtetan, Eusko Legebiltzarrak ez du izango ezker abertzale nagusiaren ordezkaritza politikorik. Nafarroako Legebiltzarrean 2007ko foru hauteskundeetan utzi zuten ordezkaritzarik gabe eta berdin beste udal ugaritan ere. Bizitza instituzionala ez da geratu erakunde horietan, politikariek –haiei dagokien eremuetan bederen– herritarren bizitza kudeatzen jarraitu dute, eta kanporatutakoen aldian behineko protestengatik ez balitz, denak normal jarraitzen duela irudiko luke.

Baina denek dakite ez dela horrela, denek dakite ETAren aurkako gerran tresna bat gehiago dela Alderdien Legea, eta dozenaka milaka herritarren eskubide oinarrizkoenak urratzen direla. Denek dakite hori horrela dela, batzuek bultzatu egiten dute, besteak aurkakotasunetik isiltzen dira eta salatzen dutenak ere badira. Baina hutsune demokratikoak diren erakunde horietan, salaketak nekez hartzen du indar eraginkorrik.

Ez dago irtenbiderik bide horretatik, asperduraraino errepikatu da eta hala egiten jarraitu beharko da. Eta Eusko Legebiltzarraren osaketa berria demokratikoa ez dela izango ere errepikatu beharko da behin eta berriro, bai hauteskunde kanpainan eta baita legegintzaldian ere. Ez ei dira ideiak legez kanporatzen –espetxeratzen–, baina zer dira ideiak, hauek interpretatu, defendatu eta garatuko dituzten pertsonarik gabe? Nola eska dakioke Batasunako bati Aralar edo EAri botoa emateko aukera duela, hauek ere independentziaren alde daudelako? Zergatik ez eskatu Patxi Lopezi berari Juan Jose Ibarretxeri botoa ematea berau ere askatasunaren alde dagoelako?

NBE-KO Martin Scheinin kontalari bereziak ez du horrenbesterik esan –ezta esango ere–, baina Espainiak alderdiak legez kanpo uzteko duen legediaz pilatutako gomendioek nabarmen lotsagorritu beharko lukete zuzenbide estatuan oinarritutako edozein gobernu. Ez da horrelakorik gertatuko Moncloan, are gehiago luzatutako gomendioek Espainian duten oihartzuna hutsaren hurrengoa denean. Baina horrek ez du esan nahi espainiar agintariak halakoen aurrean eroso direnik eta, jakina, zenbat eta zabalkunde handiagoa are eta deserosoago. ETAren jarduerak giza eskubideak molde askotara urratzen dituela dio kontalari bereziak, eta ondoren Espainiaren ilegalizazio politikak giza eskubideen ikuspegitik arinak eta arriskutsuak direla ohartarazten du. Norabide biko salaketa horrek egiten du sinesgarri Scheinin jauna.

POLIZI irtenbidea, ez dagoela besterik. Molde batera edo bestera, hori da finean joan-etorrian darabilten mezua, asperduraraino errepikatua. Eta gezurra izan arren, itogin horrek putzua egiten du gatazkaren nekean. Ilegalizazio politika eta bere ondorioen etengabeko salaketa da gezur horren aurkako antidoto garrantzitsuenetakoa, baina ez bakarra. Ez dago putzua lehortzerik legez kanporatutako ezker abertzaleak berak ere XXI. mendeko Euskal Herriaren eta Europaren ezaugarri politikoetara egokitzeko ahaleginetan sakontzen jarraitzen ez badu.

Ostiralean ekingo zaio 15 eguneko hauteskunde kanpaina ofizialari eta –eufemismoan sakonduz– jadanik botoa ofizialki eskatu ahal izango da: hautagai batentzat, abstentzioarentzat, botoa baliogabetzeko... Eta bitartean ETAren hurrengo atentaturako ere prestatu beharko dugu, Estatuaren kolpe bakoitzari indarrez erantzun baitio erakunde armatuak beti, eta bereziki hauteskunde garaian. Ea oraingoan EAE-ANVko zein udaletan.

Azkenak
Gazako sarraskia arbuiatzen ez duten unibertsitate israeldarrekin harremanak eten ditu NUPek

Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]


Irati Mogollon
"Aurreikuspen onenetan, gazteen kopurua bikoiztuko dute nagusiek eta kasurik okerrenean boskoiztu. Zaintzari buruz hausnartu behar dugu"

Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.


2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


Palestinako Estatua errekonozituko dutela iragarri dute Espainiako Estatuak, Norvegiak eta Irlandak

Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.


Zaldibian hasi zen dena

Gipuzkoako Zaldibia herrian hasi zen dena, bai. Herriko ikastetxe bakarrean ‘Euskara eta kulturartekotasuna udalerri euskaldunetan’ egitasmoa jarri zuten abian, gero herri osora hedatuko zena. Tarte txikian beste hemeretzi herritara zabaldu da proiektua. Neurri handi... [+]


Eguneraketa berriak daude