Enrique Villareal 'El Drogas'

“Diskoetxeek ministerioak dirudite”

  • Grabagailuarekin batera piztu da. Gustuko ditu fokuak. “Ikus nazatela!”.
Sustrai Colina
2008ko maiatzaren 04a
Enrique Villareal 'El Drogas'
Enrique Villareal 'El Drogas'Josu Santesteban

Utzidazu barrez lehertzen. Lehen diskoa Ramoncin-ekin grabatu zenuten.


Eta gaur bi planeta desberdinetan bizi gara! Oso ongi hitz egiten du, baina tertulianotzat daukat rockerotzat baino gehiago.

Hori multinazional batekin lan egitea bezain bekatu larria da!


Garenak gara ez dugulako hanka sartzeko beldurrik. Ez naiz sekula arduratu bizilagunak, hain jatorra izanda, ile motzarekin hobeto nengokeela esan izan didanean. Ilea moztu banu kontrakoa esango zidan, izorratzeagatik.

Ilea ez, baina kantak moztu dizkizuete...


En nombre de Dios zentsuratu zigutenean, Poligrameko arduraduna laban-duelu batera desafiatu nuen. Tipoa poltsikoan neraman poltsa bezain zuri jarri zen.

Beste garai batzuk ziren.


Noan tokira noala, jendeak daukan guztira gomitatu nahi izaten nau, uste du desfasatuetan desfasatuena naizela. Baina orain ez naiz kontzertura burua azken tabernan zuela iristen zen hura.


Orain bere alabari gosaria prestatzera jaikitzen den aitatxoa zara.


Bizi izan naiz lurretik bost metrora, baina garrantzitsua da hankak lurrean jartzea, etxean egoten jakitea, oholtzatik kanpo egin behar dituzunak egitea.

Zer da ba artista bat oholtzatik kanpo?


Hemen hutsaren hurrengotzat gauzkate. Pentsa, urtean 50 kontzertu emanda ere ezin dugu langabeziarik kobratu!


A zer aurpegia! Musikaren industria krisian eta zu...


Oso zaila egiten zait pena sentitzea. Diskoetxeek ministerioak dirudite, nik ez dakit zer egiten duen hainbeste jendek!


Zuek egiten duzuena, bizi!


Kanpotik ikusita badirudi rock talde bat edatera, larrutara eta drogatzera doala, baina ezagutzen ditudan talde guztiek lan, lan eta lan egiten dute. Kanta bat ez da bost minutuan egiten.


Espainian, bost minutu aski dira talde euskaldun bat karteletik kentzeko.


Ni adierazpen askatasunaren alde nago. Cope eta La Razón ere defendituko nituzke medio libre eta alternatiboak zapaldu eta eragotziko ez balira. Ez dut ulertzen zergatik egon behar dugun denok boterearen gustuekin ados.

Nik ulertzen ez dudana da nola eman diezaiokeen atxikimendua Elkarriri No hay tregua kantatzen duenak!


Hori ulertzea oso erraza da. Nik beti bakardadeari buruz idatzi izan dut, eta Elkarri baino mugimendu bakartiagorik!

“... pero alguien debe tirar del gatillo...”


Hasieran seroren konfederazio baten letra ematen zuen, eta gaur “ETA-ETA-ETA-ETA” oihukatzen digute. Berdin kantatzen dugu baina ez da berdin jasotzen.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Hedoi Etxarteren hitzaldia: "Faxismoa gaur eta hemen"
MULTIMEDIA - solasaldia

ARGIA-k eta Azpeitiako Elkar-ekin taldeak elkarlanean antolatuta "Faxismoa gaur eta hemen" hitzaldia eman zuen Hedoi Etxartek San Agustin Kultur Gunean. Hemen duzue hitzaldia osorik ikusgai.


2019-03-25 | Naturkon
Zientzia eta basoaren kudeaketa: baina eukaliptoa inbaditzailea da ala ez?

Egurraren sektoreko enpresek jardunaldi bat antolatu zuten joan den ostiralean Hernanin, jarraitzen duten baso-kudeaketa ereduari euskarri zientifikoa eman nahian. Eta fundamentuzko ezer esan ez zen hitzaurrearen ondoren, saiatu ziren gure lurraldea gero eta sarriago estaltzen duten eukalipto espezieak inbaditzailek direla ukatzen. 20.000 inguru hektarea hartu dute eukaliptoek 2018an, eta gure lurraldeko harizti eta amezti guztiak baino azalera gehiago estaltzen dute dagoeneko.


2019-03-25 | Aritz Ibaez
Xabierko gazteluan, eskeletoak dantzan

Aspaldiko partez bisitatu dugu Xabierko gaztelua martxo hasieran. Ganbaraz ganbara, gurekin zetozen iparraldeko lagunei azaldu dizkiegu Xabierko Frantziskoren ibilerak, bere anaia Amaiurko gazteluaren defendatzaileetarik bat izan zela eta ohiko topikoak. Bapatean, burnizko hesiz itxitako kaperatxo batera heldu eta hara! Heriotzaren dantza! Oier Araolazaren bitartez izan nuen horma-irudi bitxi honen berri duela lau bat urte eta hemen zerbait idaztekotan geratu nintzen. Gaur arte! Tira...


2019-03-25 | ARGIA
Bosgarren hildakoa: Beste preso kurdu batek bere buruaz beste egin du igandean

Martxoaren 24an, igandea, bere buruaz beste egin du Oçalanen isolamendua salatzeko Medya Çınar preso politikoak, ANFn irakur daitekeenez. Mardin hiriko espetxean zeukaten eta 24 urte zituen.


2019-03-25 | ARGIA
2017ko 'Pohang' lurrikara frackingak eragin zuela aitortu du Hego Koreako gobernuak

2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.


2019-03-25 | Itzea Urkizu
Fatimetu Zenan: "Feminista naiz, baina feminismo unibertsala nahi dut, eta ez eremu jakin batera mugatutakoa"

Saharar errefuxiatuen kanpamenduetan jaio bazen ere, Fatimetu Zenan (1999) haurra zela iritsi zen Euskal Herrira; Bermeora, lehenik, eta Ikaztegietara, gero. Joan den martxoaren 8ko indar kolektiboa dario, oraindik, bere hitzei, eta feminismoa urte, herrialde, klase eta pertsona guztiengana iristeko modua aurkitu nahi du. Emakume sahararren nortasuna eta garrantzia plazaratzeko eguna antolatu dute bihar, herrian.


2019-03-25 | Txerra Rodriguez
Herri mugimendu hezeak

Allartean blogari txit handiari irakurri nion Txepetxek esan zuela militantzia “erotizantea” izan behar zuela, hau da, sormena eta gozamena dakarren militantzia, konpromisoarekin batera. Beste batean (non demontre? Tomas Villasanteri?) irakurri nuen herri mugimendu eraldatzaileak “hezeak” izan behar zirela.


2019-03-25 | Etzi.pm
"Erraustegiarekin hemendik urte batzuetara gertatuko da amiantoarekin gertatu dena"

Bego Zuza Hernanin (Gipuzkoa) jaio zen, 1960an. Bertan bizi da eta herriko gizarte mugimenduetan inplikatutako emakumea da. Zero Zabor taldeko kidea da. Argia aldizkariko lehendakaria da, baina ez dio karguari garrantzirik ematen. Ikusten dituen bidegabekeriei ematen die garrantzia gehiago. Halakoen aurrean, ez da hitz soiletan edo geldirik geratzen den horietakoa.


Ekozinemaldia 2019: aurten ere erauzketa-goseari hozka

Beste urte bat, Ekozinemaldi berri bat, planetaren egoerari gainbegirada berri bat, eta aise nabari da hazkuntza infinitoaren makinak etenik gabe dirauela parean aurkitzen duen guztia birrintzen eta baliabide naturalak murrizten, hazkuntza kontsakratuaren eta kontsumo geldiezinaren erritmora. (Ikusi Ekozimenaldiaren egitaraua osorik).


ASTEKARIA
Azkenak
EGILEA
Eguneraketa berriak daude