“Nekagarria da sasoian egotea eta etengabe bidaiatzea”
- 30 urteko algortarra (Bizkaia), Euskal Herriko lehenengo surflari profesionala bilakatu zen eta orain kanpoan
ematen du urte erdia. Kanariar Uharteetara joatear
zegoela harrapatu genuen; izan ere, olatuetara igotzeaz
bizi dena gutxitan jaisten da abioitik.
Sirenarik ikusi al duzu inoiz?
Nola?
Ea marrazorik ikusi duzun inoiz...
Ez, ez... Zorionez!
Beldurra ematen dizute marrazoek, ala?
Bai noski, handia. Istripuak urtero gertatzen dira Australian, Hawaiin, Hegoafrikan...
Euskal Herriko spot edo surf gunerik arriskutsuena?
Galea, Getxon (Bizkaia).
Errealitatetik kanpo bizi al zarete surflari profesionalak?
Egun osoa itsasoaren atzetik ibiltzea bitxia da, dela haizea, dela mareak... Hainbat gauza pasatzen uzten dugu agian, baina beste kiroletan berdin gertatzen da.
Mundakako olatua desagertu zenean depresioak jota ibili zinen?
Egia ezan bajoi itzela izan zen Euskal Herriko surflari guztiontzat. Bi urte Mundaka gabe! Negua latzagoa izan zen, baina azkenean bueltatu egin da!
Martxoan hasten zara bidaiatzen, eta Gabonetan bukatu.
Bai, aurten leku mordoan egon naiz: Brasilen, Australian, Eskozian, Hegoafrikan, Maldiva uharteetan, Kalifornian...
Zurea bai ametsezko bizimodua!
Pribilegiatuak gara eta hori guztia, baina profesionala izateko diziplinari eutsi behar zaio. Sasoian egotea eta etengabe bidaiatzea nekagarria da.
Nork ordaintzen dizu?
Esponsorrek eta txapelketa antolatzaileek. Bestalde, lehiatzeaz gain argazki saioak egiten ditugu.
Hitz egidazu euskal surflarien nortasun bereziaz.
Munduan zehar jende jator, garbi eta irekitzat gauzkate. Kanpoan maite dute gure bizitzeko modua.
Orain zure aurretik dabiltza beste gazte batzuk...
Sailkapenak modu askotara ikus daitezke. Azken hamar urteetan neu izan naiz Euskal Herriko surflaririk onena.
Surflari federatu gehien dituen Europako udalerria Getxo omen da. Santurtzin jaio izan bazina?
Egia esan, gu Santutxun (Bilbo) bizi izanak gara eta gero Algortara joan ginen. Itsasoa hurbil edukitzeak dena errazten du.
Acero anaiak (Iker, Kepa eta zu), Algortako bitsa...
Oso kostalde ona dauka, eta horregatik oso surflari onak dira algortarrak.
Acerok surflari abizena dirudi: munduko onenetakoak Irons anaiak dira!
Egia da, antzeko abizenak ditugu, kar, kar, kar. Batzuk Euskal Herrikoak eta besteak hawaiiarrak, hara!
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]