“Ez dut barkatzen eguraldia ONCEko zenbakia ematen den bezala ematea”
- Musika aditu, konposatzaile, eguraldi-gizon, fraide,
blogari... Bekatua litzateke Pello Zabala etiketatzea.
Zutik ibiltzerako ikasi zuelako leitzen,
ala sei urterekin dotrina atzekoz aurrera errezitatzeko gai zelako, gozo hitz egiten du.
Gozo eta oparo, errazionamendu garaian jaio arren.
Noiztik ez da inor fraide etorri?
Hobe ez etortzea. Inor baldin badator, pentsatzen duzu, “hau sano dator ala ez da normala?”. Gaurko gizartetik ezin da etorri gure bizimodua egitera. Pentsa zer izango den hemendik hogeita bost urtera!
Fraide baino taberna gehiago egongo da Arantzazun!
Azken batean herriaren esku utzi beharra daukagu. Guk arte mundukoa dena babestera jo dugu, baina bestea... Orain ikusten ari gara elizak zenbateko gastua diren. Herri bakoitzak ikaragarri maite du berea baina ez dira beste munduko ezer. Nor atrebitzen da botatzera, ordea?
Jendea elizara joaten da ala?!
Gizartearekiko desfasea ikusten da elizan. Azken batean, gizartea bere bidean doa eta eliza atzeko trenean geratu da ghetto arraro bat, ez ebangelio ez ezer...
Ez esan euskal politika eta kulturan hainbesteko pisua izan duena “ghetto arraro” bat dela...
Euskararekikoa eta euskal munduarekikoa batzuen tema izan da beti. Orain dela 50 urte Arantzazun ere erdaraz egiten zen!
Baina garai haietako alerta egoerak ez zituen eguraldiak eragingo...
Ez da normala albistegietan hamar minutu pasatzea euria egin duela esanez! Elurrarekin beste horrenbeste gertatzen da.
Proportzio falta ikaragarria dago.Euskalmet dagoela, alegia.
Euskalmeten eta agentzien lana beharrezkoa da gaurko hedabideetan. Barkatzen ez diedana eguraldia ONCEko zenbakia ematen den bezala ematea da. Horrekin ez diozu inori ezer erakusten eta hori ez da euskaldunentzat egindako iragarpena. Inportantea haizea da. Haizerik ez badute ematen behartu egiten naute hemendik ordubetera berriz entzutera.
Klima aldaketa iragarri zigutenetik, ordea...
Lehen politikoek gastu handia ikusten zuten eta ez ziren sartzen, “ezetz, ez dagoela aldaketa klimatikorik”. Orain ikusi dutenean etekinerako bidea daukatela... Aaai!
Horiek ere ez ebangelio ez ezer!
Sekulako astakeria da bioerregaia garia edo kokoarekin ekoizten hastea! Bateko, jangaia hartzen dutelako, eta besteko, erregaia egiteko prozesua oso garestia delako. Hori nahikoa izango da kontsumitzaileoi txokolatea ez dakit zenbateraino garestitzeko.
Baina mendiko behatokira ere bloga iritsi zenetik...
Ez naiz ni izan bidea ikusi eta irten dena. Baina bloga bezalako jostailurik ez didate eman erregeek behin ere.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.
Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.
Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.
Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.
Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]
Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…
Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).
