Soziolinguistika Klusterra

Homo fabera hausnarketa premian

  • Martxoan beteko dira hiru urte Soziolinguistika Klusterra eratu zela. Hamazazpi erakunde dira bazkide eta baita 113 norbanako ere. Hizkuntza normalizazio prozesuan, ezagutza soziolinguistikoaren ikerketa eta zabalpenerako gunea da Klusterra. Erakundearen nahia da proiektu zehatzak eta arlo teorikoa orekatzea.
     
    Soziolinguistika Klusterrak oreka lortu nahi du, aplikazio zehatzen eta hausnarketa teorikoen artean. Horretarako sortu zen, egiten ez zena egiteko, alegia, ikerketak, gogoetak, neurketak egiteko, euskararen normalizazio prozesuan pausoak itsu-itsuan ez ematearren.
Onintza Irureta Azkune @oirureta
2007ko otsailaren 25a
Arrue proiektuko bilera
Soziolinguistika Klusterra
 
Klusterrak hiru eratako proiektuak dauzka esku artean: euskararen normalizazio beharrei erantzuten dietenak –interes orokorrekoak esango genukeenak–, bazkideen nahi edo beharrak asetzeko proiektuak eta bazkide ez diren erakunde edo eragileek eskatutako zerbitzuak. 2007 urterako 26 proiektu aurreikusi ditu, batzuk hasita daude eta beste batzuk hasteke. Proiektu horietako batzuk aukeratu eta azalduko ditugu, Klusterraren zeregina hobeto ulertuko dugulakoan.

Arrue proiektua

Klusterra Eusko Jaurlaritzako Hezkuntza Sailarekin ari da elkarlanean Arrue proiektua lantzen, sail horrek eskatu baitzion lan hori. Hezkuntza Sailak haur eta gazteen eskola giroko hizkuntza erabileran eragiten duten faktoreen inguruko ikerketa egin nahi du. 2003an hasi ziren lantzen, eta orain arteko datuak jasota, aurten zenbait ikastetxetan azterketa kualitatiboak egin nahi dituzte. Proiektua bukatu arte itxaron gabe, orain arteko emaitza nagusiak argitalpen batean bilduko dituzte, hizkuntza alorreko teknikariek erabil ditzaten.
 
Beste proiektu garrantzitsuetakoa ezagunagoa da; Euskal Herriko Kale Erabileraren Neurketa. Kaleko ahozko erabilera neurtzen dute eta orain arte lau urtez behin egin da. Zentsuarekin eta erroldarekin bat egiteko asmoz 2006an egin dute azkeneko neurketa eta hemendik aurrera bost urtez behin egingo dute. 2006ko urrian 64 herritako datuak jaso zituzten, Arabakoak 4, Bizkaikoak 18, Gipuzkoakoak 17, Nafarroa Garaikoak 14 eta Lapurdi, Nafarroa Beherea eta Zuberoakoak 11. Euskal Herriko neurketa orokorraz gain, hainbat herritako neurketa bereziak ere egin dituzte. Iaz, adibidez, 23 herritan egin zituzten euskararen erabilerari buruzko neurketa bereziak.
 
Bestalde, Eralan proiektuak azken urteotan indarra hartu duen esparrua jorratzen du: lan mundua. Egitasmoak hiru urteko iraupena izango du eta Gipuzkoako eta Bizkaiko Foru Aldundiekin ari da lanean Klusterra. Lan esparruko hainbat erakunde publiko zein pribatu aukeratu dituzte, dagoeneko euskara planak dituztenak, eta helburua euskara erabiltzeko oztopo diren faktoreak identifikatzeko eta horietan positiboki eragiteko lehen esperientzia pilotoa egitea da.
 
“Normalizazio Esperientzia Aurreratuen Kasuak” bilketa proiektuak honakoa egingo du: hizkuntza normalizazio planak ondo kudeatu dituzten enpresa, erakunde edo ikastetxeak aukeratu eta arrakastarako giltzarriak zeintzuk izan diren gogoetatu. Kasu arrakastatsu horien berri zabaltzeko asmoa dago euskara normalizazio eremuan zein soziolinguistika alorrean dabiltzan eragileen artean eta baita unibertsitateetan ere.
 
Gazteen erabilera perspektiba eta prospektiba jarri diote izena beste proiektu bati. Pisuzko arloa da gazteen euskararen erabilerarena. Hainbat erakundek eta elkartek jada praktikan jarri ditu zenbait ekimen, hala nola, Kuadrillategi proiektua. Klusterrak orain arteko ekimen eta gogoeta denak bildu nahi ditu batetik, eta bestetik, egiteko dagoen horren gainean hausnartu. Nora jo behar da gazteen erabileran eragiteko? Horixe galdera.
 
Euskararen normalizazio prozesuan ehunka teknikari eta profesional ari da lanean eta Klusterraren kezketako bat horien formazioa da. Batetik, profesionalei formaziorako dagoen eskaintza helaraziko diete, eta bestetik, profesionalok lanerako dituzten formazio gabeziak atzemango dituzte.

Etorkinak, Txepetx eta Hiznet

Hasteke dauden proiektuak dira hirurak ere. Euskararen bilakaeran eragina du etorkinen integrazioak eta hizkuntza portaerak. Horregatik, Klusterrak orain arte garatutako esperientziak bilduko ditu eta berauek aztertu. Txepetxi dagokionez, ordezkapena eteteko euskal komunitatearen nuklearizazio eta trinkotzearen ideian sakonduko du Klusterrak. Gutxi landutako teoria hori ikertu nahi du eta baita aplikazio praktikorako metodoak landu ere.
 
Bestalde, Asmoz Fundazioak antolatzen duen Hiznet ikastaroko ikasleek ikastaro amaieran hainbat lan egiten dute eta Klusterrak lan horiek zabaltzeko asmoa du.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-25 | ARGIA
2017ko 'Pohang' lurrikara frackingak eragin zuela aitortu du Hego Koreako gobernuak

2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.


2019-03-25 | Itzea Urkizu
Fatimetu Zenan: "Feminista naiz, baina feminismo unibertsala nahi dut, eta ez eremu jakin batera mugatutakoa"

Saharar errefuxiatuen kanpamenduetan jaio bazen ere, Fatimetu Zenan (1999) haurra zela iritsi zen Euskal Herrira; Bermeora, lehenik, eta Ikaztegietara, gero. Joan den martxoaren 8ko indar kolektiboa dario, oraindik, bere hitzei, eta feminismoa urte, herrialde, klase eta pertsona guztiengana iristeko modua aurkitu nahi du. Emakume sahararren nortasuna eta garrantzia plazaratzeko eguna antolatu dute bihar, herrian.


2019-03-25 | Txerra Rodriguez
Herri mugimendu hezeak

Allartean blogari txit handiari irakurri nion Txepetxek esan zuela militantzia “erotizantea” izan behar zuela, hau da, sormena eta gozamena dakarren militantzia, konpromisoarekin batera. Beste batean (non demontre? Tomas Villasanteri?) irakurri nuen herri mugimendu eraldatzaileak “hezeak” izan behar zirela.


2019-03-25 | Etzi.pm
"Erraustegiarekin hemendik urte batzuetara gertatuko da amiantoarekin gertatu dena"

Bego Zuza Hernanin (Gipuzkoa) jaio zen, 1960an. Bertan bizi da eta herriko gizarte mugimenduetan inplikatutako emakumea da. Zero Zabor taldeko kidea da. Argia aldizkariko lehendakaria da, baina ez dio karguari garrantzirik ematen. Ikusten dituen bidegabekeriei ematen die garrantzia gehiago. Halakoen aurrean, ez da hitz soiletan edo geldirik geratzen den horietakoa.


Ekozinemaldia 2019: aurten ere erauzketa-goseari hozka

Beste urte bat, Ekozinemaldi berri bat, planetaren egoerari gainbegirada berri bat, eta aise nabari da hazkuntza infinitoaren makinak etenik gabe dirauela parean aurkitzen duen guztia birrintzen eta baliabide naturalak murrizten, hazkuntza kontsakratuaren eta kontsumo geldiezinaren erritmora. (Ikusi Ekozimenaldiaren egitaraua osorik).


Sorgin izan, sorgin esan

Asteburu honetan, Sorgin Ehizaren Historiari buruzko I. Topaketa Feminista egin dugu Iruñeko Katakraken. Zuek lerro hauek irakurtzen ari zaretelarik, topaketan parte hartu dugunok Zugarramurdiko eta Sarako leizeetan egonen gara, hango museoak sorginei buruz helarazten duen mezuaren inguruan hausnartzen eta sorginen iruditeriarekin egiten den komertzializazioa salatzen.


Erabileraren aroa: begirada bat Ipar Euskal Herritik
MULTIMEDIA - solasaldia

Biarritzeko euskara teknikari Eneko Gorriren hitzaldia 2019ko Topaldian.

Hitzaldiaren sinopsia

Urteetako galtzearen ondotik, azken datu soziolinguistikoen arabera badirudi hiztun kopuru absolutua egonkortzen hasia dela Ipar Euskal Herriko hiru lurraldeetan. Zenbaki ofizialek 2011 eta 2016 artean 100 hiztun irabazi ditugula agerian ematen badute, ez dute islatzen jendartean sakonki aldatzen ari den prozesu bat: gaitasunen eraldaketa, familia transmisioaren etenaldia, erabileraren... [+]


2019-03-25 | Uztarria
Pasaiako segadaren 35. urteurrenean, Espainiako Estatuaren indarkeriaren biktimak izan dituzte gogoan

Pasaiako segadaren 35. urteurrena gogoratzeko ekitaldia egin zuten joan den larunbat arratsaldean Azpeitiko azoka plazan. Hamaika kasu, aldarri berbera lelo hartuta, aurtengo ekitaldian Espainiako Estatuaren indarkeriaren biktimak gogoan izan dituzte.

 


Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


2019-03-25 | Amaia Ugalde
Hilekoa plazara, artelanen bidez

‘Hilekoa gorria ote’ erakusketan artista eta idazle feministek hilekoari buruz egindako lanak batu eta plazaratu dituzte. Elorrion izan du lehen aldia erakusketak, eta herriz herri zabaltzea da antolatzaileen asmoa.


ASTEKARIA
Azkenak
EGILEA
Eguneraketa berriak daude