Landareak: Platano azala


2007ko otsailaren 21an

Azal arrea zurituz biluzten ari dira zuhaitzak... batzuk. Eukaliptoak bere azaleko mataza harilduz eta platanoak, bananak ez, platanoak edo alboak (Platanus x hispanica) puzzle perfektua osatzen duten plakak boteaz.
Garaitsu honetan azaltzen da pasa berria den udaberriaren sasoiaren zenbaterainokoa. Ura barra-barra zainera eduki eta eguzkitan, gozo, lurreko minerala azukre bilakatu duen zuhaitza, mandioa bete, loditu egin da. Erreserbak egurrean metatu ditu. Metatzearen pilatzeaz azalak ematen ez. Kabitu ezin honetan zuhaitz gehienek azala bera zabaldu eta osatzen dute. Batzuek, ordea, suge antza, nahiago dute azala berritzea, zaharra bota eta berria eraiki. Udarekin, beroak garuna urtuta edo biluztea nahiago. Azal zahar ilunaren azpian azaleratuko duten berri-zuria laster, haizea eta eguzkiaren esku, belztua. Ler gorriak eta urki zuriak nahi ez izanagatik beltzarana baita zuhaitzen modako kolorea, betiko eta betirako modakoa.
Batek baino gehiagok aipatu didate platano edo alboen aurtengo azal berritzearena. Aspaldiko urtetan ez zen tamaina honetako deigarria. Begiratu eta ikusi: gehienek enbor biluzia, zuri-zurizta bistan eta azal zaharra, dagoenerako inorkin, enborpean dute pilatua.
Geure eran, txolin-faran, azala belztearen dotorezia erakutsi nahi dute. Haiena naturala da, naturak agintzen duen erakoa, gizenduz, etorkizuna bermatuz egiten dute... Geurea ordea axalekoa!


Azkenak
Amurrioko Udalak dirulaguntza kendu dio Aiaraldea Komunikabideari

Aiarako euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso larria" eta... [+]


Maitena Duhalde hizkuntzalaria:
“Lapurdiko itsas hegian egun 80-90 urte duen belaunaldiaren hizkera deskribatu dut”

Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]


2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haizerrota handi aurreikusten ditu... [+]


Eguneraketa berriak daude