Esplorazioaren kronologia

2005eko apirilaren 17a

1828: René Callié frantziarra Mauritaniatik Tangerrera iritsi zen, Saharako desertua gurutzatu eta gero.

1837: Abbadia anaiak Abisiniara abiatu ziren.

1843: Antoine Abbadiaren egonaldia falaxa edo judu beltzen herrixketan.

1847: Antoine eta Arnauld Abbadiak Nilo Urdinaren iturburua aurkitu zuten Bubbiako oihanean.

1855: Alemaniako Heinrich Barth esploratzailea Tonbuktu (Mali) hiriraino iritsi zen Tripolitik hasita.

1856: David Livingstonek Mosioatounya urjauziak aurkitu zituen Zambeze ibaian eta Victoria izena jarri zien Britainia Handiko erreginaren ohoretan.

1863: Jose Maria Murga mairu bizkaitarrak bere bidaia hasi zuen Marokon barrena.

1863: John Speke britainiarrak Nilo Zuriaren iturburua aurkitu zuen.

1871: Stanley eta Livingstonek topo egin zuten Tanganika laku ondoko Ujiji herrian («Livingston doktorea, suposatzen dut» esaldiarekin agurtu zuen Stanley-k Livingston).

1873: Mairu bizkaitarrak bigarren bidaia egin zuen Marokora.

1875: Manuel Iradierrek Ekuatore Gineara espedizioa hasi zuen, 1877an itzuli zen Euskal Herrira.

1877: Henry Stanleyk Kongo ibaia nabigatu zuen Atlantikoraino.

1884: Iradierrek bigarren bidaiari ekin zion Gineako Golkora. Berlingo konferentzia famatua burutu zen, Afrika munduko potentzien artean banatzeko.

1885: Haggard idazle britaniarrak Salomon erregearen meategiak liburua argitaratu zuen: diamantezko eta urrezko Afrikaren mitoa lehertu zen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
Eguneraketa berriak daude