«Ezin da konparatu. Mutilek etorkizunari begira irtenbide gehiago dituzte, babesle gehiago dituztelako eta maila hobetzeko ere lasterketa gehiago dituztelako. Egia da gu une honetan inoizko laguntza handiena ari garela jasotzen Foru Aldunditik, baina oraindik mutilen parera iritsi arte alde handia da. Antolatzaileek ez dute horrenbeste konpromiso hartzen neskekin. Sarietan ere aldea handia da. Giroan eta Tourrean esaterako, nesken saria ez da mutilenaren laurdenera ere iristen. Mutilena berrogeita hamar milioi ingurukoa bada, neskena ez da milioi batera ere iristen».