MOLOTOFF IRRATIA

MOLOTOFF ESTILOA HOBETUZ

  • Hernaniko irrati libreak eta Ahotsa kultur elkarteak jardunaldiak eratu dituzte beren komunikazio proiektua hobetzeko. Lizentziarik gabe ere, 79 emisio ordura heldu dira.
2000ko apirilaren 30a
Ibilbidean esperientzia aberatsak eta mingotsagoak bizi izan dituzte Molotoffen. Jada, 13 urte igaro direlarik abian jarri zenetik, irratiaren ezaugarri nagusia herri komunikazioa eta parte hartzea bultzatzea izan da, nahiz eta ahalegin horretan ongi egindakoak eta hankasartzeak tartekatu diren. Azken bi urteotako ekinbideari dagokionez, balantze baikorra egin dute. Gogora dezagun, iraganeko Udal gobernu taldeak udal egoitzatik kaleratu zituztela, obrak egin behar zirela argudiatuta. Benetako arrazoia makurragoa zen, udal irrati bat sortzea baitzuten helburu. Halaxe, iaz, urtebeteko isilaldiaren ondoren, 73 metro karratuko lokala aurkitu, egokitu eta gogo biziz ekin zioten berriro emititzeari, emankizunak pixkanaka gehitu eta aberastuz. Egun, 79 orduetako emisioa dute astean, horietatik 42 zuzenean."Hamaiketoff" goizeko magazinaz gain,betiko euskal musikatik baino harantzago doazen doinu alternatiboak. ere irratiaren bereizgarri bilakatu dira. Bestalde, diru iturriak bideratzeko asmoz, Hernaniko Ahotsa kultur elkartea jarri dute abian, 115 bazkideen babesa dutela. Halaber, esker onez agertu dira Kapoteko etxebizitza kooperatiba osatzen duten auzokideekin, irratiaren egoitza berria erabiltzeko eskaini zizkieten erraztasunengatik. Geroari begira hala ere, erabaki eta korapilo franko dituzte, jardunaldiotan aztertuak izan direnak, hala nola, herri izaera, sare komunitarioa, egoera mediatikoa, irratiaren finantziazioa, programazioa, profesionalak trebatzea, digitalizazioa, lizentziaren beharra, erakundeekiko harremanak eta herri telebista bat sortzeko nahikaria.
Hizkuntzari dagokionez, Molotoffen euskararen presentzia ia erabatekoa izanik, ondo legoke FMko 99.2 Donostia hirian seinalea ongi heltzea, kontrainformazioa lantzen duen irrati indartsurik ez dago-eta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Sorgin izan, sorgin esan

Asteburu honetan, Sorgin Ehizaren Historiari buruzko I. Topaketa Feminista egin dugu Iruñeko Katakraken. Zuek lerro hauek irakurtzen ari zaretelarik, topaketan parte hartu dugunok Zugarramurdiko eta Sarako leizeetan egonen gara, hango museoak sorginei buruz helarazten duen mezuaren inguruan hausnartzen eta sorginen iruditeriarekin egiten den komertzializazioa salatzen.


Erabileraren aroa: begirada bat Ipar Euskal Herritik
MULTIMEDIA - solasaldia

Biarritzeko euskara teknikari Eneko Gorriren hitzaldia 2019ko Topaldian.

Hitzaldiaren sinopsia

Urteetako galtzearen ondotik, azken datu soziolinguistikoen arabera badirudi hiztun kopuru absolutua egonkortzen hasia dela Ipar Euskal Herriko hiru lurraldeetan. Zenbaki ofizialek 2011 eta 2016 artean 100 hiztun irabazi ditugula agerian ematen badute, ez dute islatzen jendartean sakonki aldatzen ari den prozesu bat: gaitasunen eraldaketa, familia transmisioaren etenaldia, erabileraren... [+]


2019-03-25 | Uztarria
Pasaiako segadaren 35. urteurrenean, Espainiako Estatuaren indarkeriaren biktimak izan dituzte gogoan

Pasaiako segadaren 35. urteurrena gogoratzeko ekitaldia egin zuten joan den larunbat arratsaldean Azpeitiko azoka plazan. Hamaika kasu, aldarri berbera lelo hartuta, aurtengo ekitaldian Espainiako Estatuaren indarkeriaren biktimak gogoan izan dituzte.

 


Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


2019-03-25 | Amaia Ugalde
Hilekoa plazara, artelanen bidez

‘Hilekoa gorria ote’ erakusketan artista eta idazle feministek hilekoari buruz egindako lanak batu eta plazaratu dituzte. Elorrion izan du lehen aldia erakusketak, eta herriz herri zabaltzea da antolatzaileen asmoa.


55.000 lagunek babesa eskaindi diete berriz Altsasuko gazteei

Euskal Herritik eta Espainiako Estatutik etorritako dozenaka milaka pertsonak Altsasu kolapsatu zuten igandean, Espainiako Auzitegi Nazionalak berretsitako gazteen epaiari arbuioa erakutsi eta Altsasuko gazteei elkartasuna adierazteko. Altsasuk inoiz bizi izandako manifestaziorik handienean, gazteen askatasuna ere eskatu zen.


2019-03-25 | Eric Holthaus
"Idai" zikloiak agerian utzi du klima aldaketaren oinarrian datzan injustizia

Hondamendi humanitario bat ari da gertatzen unon Mozambike, Malawi eta Zimbabwen, Idai zikloiak eragindako suntsiketa azaldu ahala. Munduko Meteorologia Erakundearen arabera Idai izan daiteke Hego Hemisferioak sekula ezagutu duen duen zikloi tropikalik gaiztoena. Baina Idai zikloia ez da hondamendi naturala: ekaitza gaiztoagotu dute klimaren aldaketak, mendetako kolonialismoak eta nazioarteko eten gabeko injustiziek.


2019-03-25 | ARGIA
'Tupust!' komiki antologia feminista aurkeztuko dute Donostian

“Ni” du izenburutzat Tupust!-en lehen zenbakiak. Hamalau istorio barnebiltzen ditu, eta hogei egilek parte hartu dute bertan.


Aiaraldean udal-hauteskundeetan hizkuntza eskubideen urraketak salatu eta alderdi politikoei konpromiso errealak eskatuko dizkiete

#EzWeCant traola baliatuko dute kanpainari zabalkundea emateko. Alderdi politikoekin harremanetan jarri da Aiaraldeko Euskalgintza Kontseilua, konpromiso zehatzak hartzeko gonbita luzatzeko. Horrez gain, sinadura bilketa abiatu dute Change.org plataforman.


2019-03-25 | Mikel Asurmendi
Hendaian aurkitutako itsastxoria Grande Americak kutsatu zuen

Pirinio Atlantiarretako Prefeturak asteburuan aditzera eman duenez, hilaren 19an Hendaiako Ondarraitzen atzemandako txoria, Bassan itsasaldean isuritako fuel-olioak kutsatuta zegoen.


Azkenak
EGILEA
Eguneraketa berriak daude