Bisoi amerikarra 20ko hamarkadan iritsi zen Europara. Kontinentean animalia arrunta bihurtu da, ihes egiten baitzuten eta baita gizakiak askatu ere. Bisoi amerikarrak kalte egiten dio populazio europarrari. Nola? Bi espeziek nitxo ekologiko berberak erabiltzen dituzte, amerikarra handiagoa da eta inguruneko aldaketetara hobeto moldatzen da. Beraz, amerikarrak europarra ordezten du.
80ko hamarkadan bisoien granja anitz eraiki ziren. Horietako gehienek ez zuten etekin ekonomikorik izan, ez baitzituzten baldintza egokiak eta bertan behera geratu ziren. Bisoiak ihes egitea eragozteko segurtasun neurri kaxkarrak zituzten eta bateren batek enpresa ixterakoan animalia guztiak aske utzi zituen. Duela gutxiko kontua bada ere, enpresa kopurua eta beraien eboluzioa ezagutzea ezinezkoa da ez zeudelako Administrazioak kontrolatuta. Gaur egun, enpresa horietatik gutxi batzuk jarraitzen dute lanean. Espainian 400.000 bisoi amerikar daude 70 granjetan gatibu. 50 granja Galizian daude eta gainerako 20ak Gaztela-Leon, Katalunia, Aragoi, Valentzia eta Euskal Herrian. Abere hazkuntza irregular honen ondorioz gaur egun Araba, Bizkaia eta Gipuzkoan daude bisoi amerikar basatiak