Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
igandea 2025eko uztailaren 20an
EUSKARAZKO ARGOTAK ERDARA ITURRI
Zure babesik gabe independetzia ezinezkoa zaigu
Argot edo jerga, ingurune, klase, lagunarte edo lanbide bereko pertsonek hizkuntza ez formalean erabiltzen duten espresio multzoa bezala definitu ohi dute hiztegi gehienek. Euskaraz ba al dago horrelakorik, alegia pertsona talde desberdinak bereizten dituen hizkerarik? Hizkuntzarekin jolasteko modua da. Berreskura dezagun!
Talde bateko partaideak identifikatzeko eta besteengandik bereizteko hizkera berezia dela eransten du Fernando Lazaro Carreter-ek «El dardo en la palabra» izenburuko liburuaren egileak. Hasieran gaizkileen hizkera definitzeko erabiltzen zen jerga edo argot hitza, baina orain esanahia zabaldu egin da eta edozein arlotan erabiltzen da. Askotan lanbide batekoak dira argotak, baina baita ikasleen artekoak, kuarteletakoak, kartzelakoak, lagunartekoak edota familiartekoak.
Talde bateko partaideak identifikatzeko eta besteengandik bereizteko hizkera berezia dela eransten du Fernando Lazaro Carreter-ek «El dardo en la palabra» izenburuko liburuaren egileak. Hasieran gaizkileen hizkera definitzeko erabiltzen zen jerga edo argot hitza, baina orain esanahia zabaldu egin da eta edozein arlotan erabiltzen da. Askotan lanbide batekoak dira argotak, baina baita ikasleen artekoak, kuarteletakoak, kartzelakoak, lagunartekoak edota familiartekoak.
KOMUNIKABIDEEN ERAGINA.
Euskaraz hizkera ez formalean hutsune nabaria sumatzen da haur eta gazteengan bereziki. Gazteek erdaratik hartu ohi dute hizkera hori, euskal komunikabideen eragina txikia baita oraindik. Hala ere, euskarazko telebistan «Goenkale» edo «Txiskola» bezalako saio arrakastatsuek horretan lagundu dutela esan daiteke. Hitanoa zabaldu egin da azkenaldian eta «estutu garuna laguna», «hori egina zagok» edo «mihia zulora» bezalako esamoldeak euskarazko hizkera bereziaren zabalkundearen adibidetzat har daitezke. Bestelako adibide bat jartzearren,
Tumatxa
hitza da aipagarri; Antton Olariaga marrazkilariak sortu eta Zakilixut bere pertsonaiaren ahotan jarri zuen. Hitz hau zabaldua da dagoeneko.
Eremu euskaldunetan betidanik izan dira horrelako hizkerak eta gune horietan errazago sortuko dira beti horrelakoak (ikus Azpeitia eta Azkoitiako edota Bizkaiko hitz eta esamolde bereziekin osatutako zerrendak). Askotan baserri edo itsas giroarekin lotutakoak izaten dira hizkera bereziak. Bestalde, euskarazko komunikabideen eragina gune horietan handiagoa denez, bertan sortzen dira horrelako joerak. Gazteen kasuan, esaterako, bada musika lantzen duten hedabide berezituetan entzundakotik jasotzen duenik. Asisko Urmeneta komikigile eta marrazkilari nafarraren ahalegina ere aipa daiteke hemen.
Euskarazko ereduen faltan, erdaren kalkoa egiten dugu maiz, Hegoaldean gaztelania eta ingelesera jo ohi dugu eta Iparraldean, aldiz, frantsesera, hizkera konnotatiboa erdaratik baidator. Gaztelaniako
Eremu euskaldunetan betidanik izan dira horrelako hizkerak eta gune horietan errazago sortuko dira beti horrelakoak (ikus Azpeitia eta Azkoitiako edota Bizkaiko hitz eta esamolde bereziekin osatutako zerrendak). Askotan baserri edo itsas giroarekin lotutakoak izaten dira hizkera bereziak. Bestalde, euskarazko komunikabideen eragina gune horietan handiagoa denez, bertan sortzen dira horrelako joerak. Gazteen kasuan, esaterako, bada musika lantzen duten hedabide berezituetan entzundakotik jasotzen duenik. Asisko Urmeneta komikigile eta marrazkilari nafarraren ahalegina ere aipa daiteke hemen.
Euskarazko ereduen faltan, erdaren kalkoa egiten dugu maiz, Hegoaldean gaztelania eta ingelesera jo ohi dugu eta Iparraldean, aldiz, frantsesera, hizkera konnotatiboa erdaratik baidator. Gaztelaniako
cheli
jergatik adibidez hitz zerrenda luzea hartu dugu euskaldunok.
Txorba, txapa, mugida, tronko, peña, kolega, baska, martxoso, julai
edo
julandron, ligatu, amuermatu, karroza, bokata, bakata, sudaka, ze fuerte, moskeo, flipatu, tranki, txokolate, esnifatu, kanuto, porro, kolokatu, kamello, pasata egon, kolgatuta egon
eta abar erabiltzen dira sarritan. Ingelesetik heldutakotatik, aipatutako
tumatxa
edo
okei makei
egongo lirateke, besteak beste.
Euskañolaren fenomenoa ez da gazteen arazoa bakarrik. Bertsolariek erabiltzen dituzte zenbait hitz, eta antzerki lanetan eta telebistan ere intentzionalki erabili ohi dira gaztelaniazko hitzak edota beste hizkuntzatakoak. Eta hiperkontrolik edo zuzenketarik ere ez dugu behar argota garatzeko garaian.
Euskañolaren fenomenoa ez da gazteen arazoa bakarrik. Bertsolariek erabiltzen dituzte zenbait hitz, eta antzerki lanetan eta telebistan ere intentzionalki erabili ohi dira gaztelaniazko hitzak edota beste hizkuntzatakoak. Eta hiperkontrolik edo zuzenketarik ere ez dugu behar argota garatzeko garaian.
ZAPO ERDARA ETA ZAPO EUSKARA.
Segura eta inguruetako biztanleak zapo erdara eta zapo euskara izeneko hizkera bereziak erabiltzen hasi ziren lehengo mendearen erdi eta bukaera aldera. Goierriko hiriburua zen garai hartan Segura eta kanpotar asko bizi zen bertan. Segurarrek zapo erdara eta zapo euskara erabiltzen zuten kanpotarren aurrean, hauek esaten zutena ez ulertzea nahi zutenean. M-arekin edo p-arekin jokatuz beste silaba bat eransten zioten hitz bakoitzeko silaba bakoitzari. Modu horretan, atea «amatepeama» izango litzateke adibidez; eta `zer moduz zaude?' berriz, «zeper mopodupuz zapaupudepe», Jolas modura erabiltzen zuten eta gaur egungo bertako gazteek ere erabiltzen dute oraindik zaharrei ikasita.
ZAHARRENEK BEREA.
Adineko jendeak gordetzen du oraindik argot maila bat, gazteenarekin alderatuta, arras desberdina dena. Euskalki bakoitzak gainera, bere jerga propioak ditu, urteen poderioz aldatuz joan direnak. Bestalde, euskara batuak normalizazio bidean etengabe sortzen dituen berrikuntzak mantso samar bereganatzen dituzte zaharrenek.
Asisko Urmenetak erabiltzen dituenak
Ahantzeimer:
Aguratsoak:
Gaubasa:
eLSDarnio:
Neurontzi:
Anderebehekoa:
Kepa Ahulezia:
Orga/makina:
Arti-kuluska:
Manistan:
Paratu:
Paragarri:
Erre(g)insuge:
Berunago:
Lumadun:
Veiculo longo:
Biko:
Extu:
ahantzi eginarazten duen eritasuna
Aguratsoak:
aitamei, gurasoei erraten zaie (seme-alaben, gazteen artean gehienbat)
Gaubasa:
gau-larrutze gordian/iskanbilatsua
eLSDarnio:
droga jakin batek sortarazten duen loria
Neurontzi:
belarritartekoa, burua, kaskoa
Anderebehekoa:
Jaungoikoaren kontrako ez jainkosa
Kepa Ahulezia:
flakia, debilidadea, indarrik eza
Orga/makina:
auto
Arti-kuluska:
idazki sedantea, loa eragiten duena
Manistan:
Aragoi
Paratu:
kitzikatu, goritu
Paragarri:
sexy
Erre(g)insuge:
Drag Queen
Berunago:
pisue, pelma, astuna (inor)
Lumadun:
gay
Veiculo longo:
lesbian
Biko:
bisexual, gillette
Extu:
hetero
Manuel Lekuonak Oiartzunen ijitoei jasotakoak
Eaxi:
Eaxo:
Erromitzel:
Balitxo:
Zitzoi:
Kani:
Mola:
Bokalu:
Mati:
Matitu:
Mautu:
Mangatu:
Xaotu:
Latximur:
Latximurtan:
Gutti:
Guttino:
gizon
Eaxo:
emakume
Erromitzel:
ijito
Balitxo:
zerri
Zitzoi:
katu
Kani:
oilo
Mola:
ardo
Bokalu:
gose
Mati:
mozkorra
Matitu:
mozkortu
Mautu:
hil
Mangatu:
eskatu, eskean ibili
Xaotu:
lapurtu
Latximur:
ilargia
Latximurtan:
ilargitan
Gutti:
piska
Guttino:
piskatxo
"Gazte euskaldunari ezinbestekoa zaio erdal ekarpena"
Deitu al diezaiokegu argota hizkera bereziari?
Inguru nahikoa euskalduna da Lezo. Aberastasun berezia esan nahi al du?
Hala ere gaztelaniaren eragina nabarituko da.
Aipa itzazu esamolde bitxi batzuk.
Ingeleseko hitzak ere entzuten al dira?
Eta helduekin konparatuta, gazteek horrelako hizkera berezia gehiago ala gutxiago erabiltzen dute?
Umeen hizkeraz zer esan dezakezu?
Ez da hitz egokia, baina beharbada egokiena jendeak uler dezan. Hizkuntz aldaera deitzen diot nik. Aldaera soziala dei dakioke. Zorrozki aztertuko bagenu ez da iritsiko aldaera bat izatera seguraski, lexikora mugatzen delako. Nik ez dut uste. Zein eremu komunikatiboz ari gara hitzegiten? Gazteek kidekoen artean erabiltzen dutena eta horretarako beraien artean sartu behar da eta bere giroan erabiltzen dutena entzun. Alferrik litzateke gazte bati galdetzea nola hitz egiten duen.
Inguru nahikoa euskalduna da Lezo. Aberastasun berezia esan nahi al du?
Noski. Hizkuntza formala ondo ikasi dute eskolan. Eta kalean hizkera ez formala landu dutela esan daiteke: mota askotako esamoldeak, esaerak, horien barruan zaharrak edo errutinazko formulak, egunerokoak (Zer moduz? Ondo esan beharko), funtzio formulak (agurtzeko, haserrea adierazteko), lokuzioak (nominalak, adberbialak, adjetibalak).
Hala ere gaztelaniaren eragina nabarituko da.
Formulek garrantzia dute kultura eraikitzeko. Testuinguru horretan erdarak ukipen indarra du. Gazteen erreferentzia eremuetan, ez ikastetxean, lagunartean, telebistak, bideojokoak, irrati programak, musika, aldizkariak, gehi gaztelaniak duen gazte hizkera indartsua kontuan izanik, erdarak egiten dion eskaintzarekin bat egiten du. Gazte euskaldunari inanizioz bizi delako, ezinbestekoa zaio erdal ekarpen hori hartzea. Izugarria da erdarak duen eragina. Bestalde gazte euskaldunek esparru horretan ez dute batere laguntzarik. Eskolak hizkuntza formalaren esparrua betetzen du eta informalarena ez du inork betetzen.
Aipa itzazu esamolde bitxi batzuk.
Lokuzio adberbialena oso alor emankorra da gazteen artean sentimendu gogorrenak adierazteko. Jende asko zegoela esateko «a saco» esango dute. «Asko» oso diskurtso kolokialean, arruntean erabiltzen da, indarra bilatzeko edo txorakerietarako denborarik ez dagoenean bere jerga erabiltzen dute. «Tontolaba» adibidez, eta ez «oso lerdoa». «Oso nekatuta» = «hecho polvo». Adierazkortasuna bilatzen denean euskarak defizita du.
Ingeleseko hitzak ere entzuten al dira?
Badira gutxi batzuk: «por la face» = «por la cara» esan beharrean, «Mikel and company». Gazteek esamolde horiek oso elaboratuak dituzte. Beraien arteko harremana indartzeko erabiltzen dute, lagunarteko taldetasuna eta identitatea sendotzeko. Oso modu kreatiboan gainera, beste gauza da guri gustatzen zaigun ala ez. Batzuk potentziatu eta beste batzuk baztertu egiten dituzte. «Zozoak beleari ipurbeltz» ez zaie erabiltzea okurritzen. Nirekin edo etxean botako dituzte horrelakoak, beste testuinguru bat delako, baina beraien artean ez.
Eta helduekin konparatuta, gazteek horrelako hizkera berezia gehiago ala gutxiago erabiltzen dute?
Ez dut konparaketarik egin. Helduek bere jerga badute, eta oso aberatsa eta urbanoa gainera. Mende hasieran emakumeek industrian lan egin zuten. Gizarte hura aldatu zen, desagertu zen. Egun erreferentziak ez dira auzoa eta lantokia. Horrez gain ikastetxea, komunikabideak, norberaren gizarte zirkuito partikularra dira. Oso harreman sare konplexua da. Hizkuntza beraren beharrizanak ere aldatu egin dira. Belaunaldi honek adierazteko dituen premiak, sentsazioak, harrobia ez dira inola ere guk izan genituenak. Hor dago gakoa ulertzeko hizkuntza eguneroko beharrei erantzuteko tresna bat dela.
Umeen hizkeraz zer esan dezakezu?
Ezin ditugu gazteak eta umeak nahastu. Gazteak psikologikoki ere identitatea indartu behar du: modu jakin batean jaztea, jokatzea eta hitz egitea dakar horrek. Bere harreman sareak ez du zerikusirik umeekin eta helduekin. Esparru antropologikoa oso berezia da. Haurrena berezia da, baina desberdina. Erreferentziak mugatuagoak dira umetan. Bestalde familia ere aldatu egin da. Ez dago garai bateko denbora haurraren hizkuntz heziketa bermatzeko. Murrizte hori gertatu denez, guraso askok imitatu egiten dute telebistan ikusitako haur hizkera. «Txatxi» eta «guai» da dena. Gurasoek ez dute dagokien papera betetzen. Haurrari zor dioguna ez diogu ematen komunikazioaren izenean
Bizkaialdean Joserra Urrutxuak bildutako hainbat lokuzio
Ama putien txapela:
Andoboa-andobie:
Andratan kikile apurtu arte:
Antxoa txikia:
Armata egon:
Auskaka ibili:
Begi-argiak egin:
Beheko sua bero eduki:
Belarriak hazten egon:
Berdatu:
Betibelu:
Diru errementaria izan:
Eguzkiak lepoa berotuta etxera etorri:
Eskuetara egin:
Eten edo urrutu:
Ez eten ez urrutu:
Euli epela:
Euliaren ostikada:
Gaztanberazko hatzamarrak eduki:
Hatzazalpeko kaka be emon ez:
Iko-orria baino latzago izan:
Kaballotu:
Kastigatu:
Katanesa:
Labana:
Lakatza:
Lakatza sartu:
Lapiko txikia izan:
Lar bere lar da:
Lotsa bragetatik eskegite eduki:
Maletak estutu:
Narrua:
Papauen buzkantza lez egon:
Santageda jo:
Toton egin:
Tortola:
Tortola bizarrak erreta eduki:
Trentine:
Txakur baltzak lepora salto:
Txitxarrilo pelajikoa:
Txorra egin:
Ulenpo:
Urkulua:
biseradun txapela, gorra madrileña (Bermeo)
Andoboa-andobie:
mutil edo neska gaztea. Kalotik hartua (Busturialdea)
Andratan kikile apurtu arte:
jo-ta-ke narrutan (Bermeo)
Antxoa txikia:
mutikoen pitinoa, txitxilina (Ondarroa)
Armata egon:
zakila tente eduki (Bermeo)
Auskaka ibili:
burrukan ibili (Lekeitio)
Begi-argiak egin:
begiraden mintzoaz maitasun keinuak egin
Beheko sua bero eduki:
txortan egiteko gogoz dabiltzan neskei esaten zaie (Foru)
Belarriak hazten egon:
egonean egon, ezer probetxuzkorik egin barik (Foru)
Berdatu:
haserretu, sumindu (Busturialdea)
Betibelu:
sekula orduan iristen ez dena (Busturialdea)
Diru errementaria izan:
dirua egiten dakiena, diruzalea (Foru)
Eguzkiak lepoa berotuta etxera etorri:
gaupasa egin eta gero, goiz beranduan etxeratu (Mungialdea)
Eskuetara egin:
borrokan hasi (Kirikiño)
Eten edo urrutu:
zirt edo zart, arre edo iso
Ez eten ez urrutu:
ez aurrera ez atzera
Euli epela:
adore bakoa, koldarra, oilo epela
Euliaren ostikada:
eragin gutxiko ekintza, huskeria.
Gaztanberazko hatzamarrak eduki:
guriak, zaildu gabeak, ahulak, lanerako balio ez dutenak (Arratzu)
Hatzazalpeko kaka be emon ez:
zekena, zikoitza (Orozko)
Iko-orria baino latzago izan:
bat ere gozotasunik ez duen pertsona (Busturialdea)
Kaballotu:
behorra estali (Orozko)
Kastigatu:
txakur emea estali (Kortezubi)
Katanesa:
emakume erakargarria, sexu grina pizten duena
Labana:
pertsona labana, zuria, faltsua. Berba labana: aho zuria, ez fidatzekoa
Lakatza:
buztana, zakila, kikila, berdela, kikirria, txitxilina, txistua...
Lakatza sartu:
narrutan egin, kitarra jo, tarratada jo, txortan egin...
Lapiko txikia izan:
sekreturik isilpean gordetzen ez dakiena
Lar bere lar da:
zerbait gehiegizkoa denean (Mungialdea)
Lotsa bragetatik eskegite eduki:
lotsa zer den ere jakin ez
Maletak estutu:
potroak, barrabilak estutu
Narrua:
gaiztoa, pertsona txarra
Papauen buzkantza lez egon:
beti parean, estorbuan edo enbarazuan egon (Kortezubi)
Santageda jo:
idiarena jo (Busturialdea)
Toton egin:
pott egin, frakasatu
Tortola:
matxana, alua, potxua, bateko urrea, potxorra
Tortola bizarrak erreta eduki:
desio sexualez gori-gorian egon
Trentine:
ganora, fundamentua
Txakur baltzak lepora salto:
logura handia sartu (Foru)
Txitxarrilo pelajikoa:
buztan txikia (Bermio)
Txorra egin:
kiebra jo, lekura ailegatu ez, ezin eutsi
Ulenpo:
tximaluzea
Urkulua:
neska batek izter ederrak dituela esateko
Azpeitia eta Azkoitia aldean jasoak
Hortzak garbitu:
Pertz hartu:
Bakailaua:
Olioa aldatu:
Bibliotekara joan:
Buztankada ederra eman:
Igoko al zenioke? (Ixoko al ixoke? Azkoitian eta Iyoko al iyoke? Azpeitian):
Txahala(k) lotu:
Tipo horta?:
Hi, heureari eragin!:
Belearena egin:
Astapaloak bota:
Beroa eman:
Korritu beharrean:
musuka aritu
Pertz hartu:
edaria nork berak hartu inori eman gabe
Bakailaua:
heroina
Olioa aldatu:
txiza egin
Bibliotekara joan:
komunera kaka egitera joan
Buztankada ederra eman:
txortan egin, larrua jo
Igoko al zenioke? (Ixoko al ixoke? Azkoitian eta Iyoko al iyoke? Azpeitian):
txortan egingo al zenuke? larrua joko al zenuke?
Txahala(k) lotu:
oka egin
Tipo horta?:
harro datorren bati gaizki dabilela esateko
Hi, heureari eragin!:
hi, hoa hire lanetara
Belearena egin:
nonbaitetik (batez ere tabernetatik) ordaindu gabe joateari deritzo
Astapaloak bota:
tontokeriak, inozokeriak
Beroa eman:
pisua izan
Korritu beharrean:
emozioak eutsi ezinda
Irakurrienak
Matomo erabiliz
#1
Jon Fernández González
#2
Diana Franco Eguren
#3
June Fernández
#5
Danele Sarriugarte Mochales
Azkenak
2025-07-18
Mara Altuna Díaz
Noelia Sánchez Jenkins, gales irakaslea Patagonian
“Galesak bizirik dirau Patagonian”
Zerk lotzen ditu Galesko muino berdeak eta Patagoniako basamortu hotzak? Bada, hil nahi ez duen hizkuntza batek. Noelia Sánchez Jenkinsen arbasoak 1865ean lehorreratu ziren Patagonian (Argentina). Galesetik iritsi ziren, britainiarrek inposatutako zapalkuntzatik ihesean... [+]
2025-07-18
Gedar
SAPAri 2,3 milioi emango dizkio Espainiako Industria Ministerioak
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
2025-07-18
Jon Fernández González
Massive Attack musika taldeak Gazaren aldeko musikarien aliantza sortu du
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
2025-07-18
Jon Fernández González
Euskara, katalana eta galiziera Europar Batasuneko hizkuntza ofizial gisa aitortzea babestu dute hainbat unibertsitatek
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Aurreakordioa erdietsita, Eskirozko BSH enpresa abenduan itxiko dute
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
2025-07-18
Jon Fernández González
Bizkaia eta Gipuzkoako hainbat hondartza desagertzeko arriskuan daude
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
2025-07-18
Olaia L. Garaialde
Iruñeko espetxeko osasun arreta “urria” dela salatu du Salhaketa Nafarroak
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
2025-07-18
Mikel Basabe Kortabarria
‘Eskumenlagoa’
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
2025-07-18
Aiaraldea
Gorrotozko delitu salaketa jarri dute Artziniegan eta Udalak “irain arrazistak” gaitzetsi ditu
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
2025-07-18
Elhuyar
Neandertalak San Adriango koban maiz ibili zirela berretsi dute, Aizkorrin
Duela bi urte Aranzadi Zientzia Elkarteak neandertalek egindako harrizko tresna batzuk eta haiek jandako animalien hezurrak aurkitu zituzten San Adriango koban. Horrela jakin zuten neandertalek duela 40.000 urte koba hori erabili zutela. Aurten egin duten indusketa-kanpainan... [+]
2025-07-18
Sustatu
Fitxategi handien transferentziarako alternatibak (WeTransferrekoa ikusita)
WeTransferren baldintza berri gaiztoen aurrean, alternatibarik? Bai, pare bat, edo bien arteko konbinazioa. Enkriptazioa edo/eta Tori.eus zerbitzu euskalduna erabiltzea.
2025-07-17
ARGIA
Europan espetxean denbora gehien daraman preso politikoa
40 urteren ostean Georges Abdallah askatuko dute uztailaren 25ean
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
2025-07-17
Piztu Donostia
Ez dakigu ahoa ixten
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Eguneraketa berriak daude