Aurkene Iturrioz: "Oso emakume gutxi topatzen ditudala da arazo nagusia".
Bost urte daramatza Aurkene Iturriozek ETBn. «Denbora pasa» eta «Egun Bete» saioetan eta informatiboetan aritu ondoren, pertsonaia ezagunen etxean sartu eta elkarrizketak egiten dizkie gaueko «Gaur egun»ean. Orain egiten ari den lana ez luke beste batengatik aldatuko.
Estepan Aldamiz-Etxeberriak zuzentzen du Gaur egun-2»a eta hasieratik nahi izan zuen betiko informatiboetatik piska bat aldentzea. «Halakoren etxetik» saiotxoa nik eramatea proposatu zidan eta halaxe hasi gara. Ezagunak zaizkigun pertsonengana beste era batera hurbiltzeko aukera ematen du eta interesa sortzen du ikusleengan. Oso ideia berritzaile eta interesgarria da.
Denetik sartzen saiatzen naiz. Arazo nagusia emakumeekin daukat, oso emakume gutxi topatzen ditut. Hortan daukat orain esfortzua, ahalik eta emakume gehien lortzeko gogoz nago, baina gizonak dira nagusi.
Estepan Aldamiz-Etxeberriak sartu dituen berrikuntza hauek guztiak aurrerapausoa dira eta hori aurrera ateratzea nahiko nuke. Aire freskoa dakarte ideia berri hauek.