Joan Mari Irigoien: «Garai batean euskaratzen genituen filmeak orain ETB-2n daude»

1994ko apirilaren 03a
Joan Mari Irigoienen lana itzutzaile bezala ETBko filmeetan
Joan Mari Irigoien: «Garai batean euskaratzen genituen filmeak orain ETB-2n daude»
Argitaratu berria duen «Consumatum est» eleberriaz literaturzale guztien ahotan dago, baina inor gutxik daki gizon honek Hirusoin enpresarako filmeak itzuli eta egokitzen dituela. ETB-1en ikusten dugu donostiar honen lanaren «kontsumazioa».
ARGIA. Filmeak itzuli eta egokitu, liburuak idatzi... Langile «kontsumatsua» dirudizu.
JUAN MARI IRIGOIEN. Kontsumatua baino, kontsumitua hobe esatea. Goizetik egiten dut lana filmeak ikusten, itzultzen eta egokitzen. Horretara dedikatu izan naiz orain arte. Ahal baldin badut gero eta denbora gutxiago, eta arratsaldez gure gauzetara dedikatzen naiz.
A. Euskaraz aritu zara beti. Zergatik?
J.M.I. Proposatu izan didate erdaraz egitea, baina oraingoz ez dut egin, eta ahal dudan bitartean ez dut asmorik. Orain, behar gorrian egongo banintz, badakizu...
A. Zeintzuk dira filme moldagaitzenak?
J.M.I. Bakarrizketa luzeak eta azkarrak direnean, hori da zailena.
A. Errazena edo politena?
J.M.I. «Dersu Uzala» izenekoa. Oso gustura landu nuen. Bide batez, esan nahi dut duela gutxi bota duten «The silence of the lambs» filmeari emandako propaganda ikaragarria dela. Garai batean, horrelako filmeak euskaraz egiten genituen, eta orain dena kanpora joan da. Hemen kirola besterik ez dago. Komunikazio eta ikusle kopurua aipatzen dituzte, baina hamaikatxo lagun daude filmezaleak izan eta normalizazioaren beharrean daudenak.
A. Zein da inoiz moldatu nahiko zenukeen filmea?
J.M.I. Garai batean, eta erruz, «Zorba greziarra» izenekoa gustatu zitzaidan. Gustora egingo nuke.
A. Zer nahiago, filme on bat, ala liburu on bat?
J.M.I. Liburu on bat. Filmeez eta liburuez gozatzeko prozedura desberdinak daudelako, bakoitza bere xarmarekin, baina normalean liburuena nahiago dut, irudimenarekin gehiago lotzen dudalako.
A. Zer da aisialdian egitea gustuko duzuna?
J.M.I. Naturarekin harremana izatea. Paseoak eman, lasaitasuna. Garai batean agian abiadura eta mugimendua gehiago bilatzen nituen, baina orain nahiago dut nonbaitera joan eta beste modu batera gozatzea.
Amagoia Iban
63

Gaiez\Komunikabid\Telebista\ETB\Bikoizleak
Gaiez\Kultura\Literatura\Idazleak\IRIGOIEN1
Pertsonaiaz\IRIGOIEN1
Egileez\IBAN1\Komunikabid
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
EGILEA
Eguneraketa berriak daude