Txorromorro: "Zarata egitetik estiloa fintzera jo dugu"

1989ko irailaren 17a
Txorromorro musika taldeko bateria den Ferryrekin elkarrizketa.

"SE OS VA A CAER EL PELO" SINGLEA BASATI-REKIN
Txorromorro: "Zarata egitetik estiloa fintzera jo dugu"
Musika egitea jendearekin sartzeko modu egokiena da donostiar hauentzat. Ska eta rock & roll-etik edaten badute ere, estilo ezberdinak nola konbina asma ezinik ematen dute denbora. Gaztetxe zirkuitoan mugitzen den talde honen berri eman digu Ferry bateriak.
Beren lehen diska oraintsu kaleratu bada ere, lau urte daramate elkarrekin Txorromorro taldekoek: Joxemi baxuan, Ferry baterian eta Jon gitarran eta ahotsa ipiniz. Donostiarrak hirurak, eta Ferryk adierazi digunez aspalditik musika munduan sartuak:
Musikaz kanpo daramaten bizitza ere nahiko xelebrea denik ezin ukatu:
"Joxemi hippya da, squatean bizi da, etxe okupatuan, pintatuz eta kalean joz ateratzen du bizitzeko; edozer gauza patroiarentzat lana egin ezik. Jonek etxaldea euki zuen untxi eta oilaskoekin, eta honek ere pintatu egiten du. Ni berriz tabernari ohi eta garraiolari naiz".
Kanta beteranoak
"Se os va a caer el pelo", Basati Diskak etxearekin kaleratu singlea bost kantaz osatu dute: 'Autobiarik ez' (dagoeneko berandu bada ere,), 'Africana', 'Kotxe puta zikin hori', 'Vamos a joderles' eta 'Zure soldaduska ere ez'. Kanta nahiko beteranoak, Txorromorro-k aurretik maketatan grabatutakoak gehienak.
"Orain arte nahiko maketa zikinak egin ditugu, txapuza hutsak, eta bagenuen gustoko genituen kanta batzu hartu eta txukunago grabatzeko gogorik. Horixe egin dugu eta nahiko gustora gaude; ez dago txarto lehenengo saioa izateko".
Esan beharra dago gainera egunbete baino ez dutela egin IZren grabazio estudiotan, sartu eta egin. Itxuraz ez dute denborarik galtzen mutil hauek.
Jendea izorratzera
Musika jotzearen arrazoi nagusia zaletasuna dute, eta zirikatzaile hutsak dira. Ferryk dioskunez,
"beti sartzen gara jendearekin, ez dakit zergatik. Autobiaren kasuan ganberrada egitera doazela ikusi eta kanta prestatzen dugu, nahiz eta jakin ez duzula geldituko; edo nagusia izorratzera zoaz, edo Afrikara joan eta beltzek jaten duten misiolariaren istorioa kontatzen duzu. Inork soldaduska euskaldunekin egiteko planteatzen duenean ere, zertarako? Hala nola badakizu zer ez duzun nahi".
Beren musika ska eta rock & roll-ean oinarritzen bada ere, Ferryk zarata egitetik estiloa depuratzera jo dutela adierazi digu, eta ez dute inongo arazorik beste musika estiloak onartzeko:
"gai izango bagina gai bat reggea egingo genuke, bestea rockabilly, bestea heavya, denetarik. Askotan zerikusirik ez duten zatiak lotzen ditugu, bat ez datozenak, baina nola edo hala moldatzen ditugu. Ordu piloa galtzen dugu honetan".
Txorromorro-k gaztetxe zirkuitora mugatu ditu bere kontzertuak, eta taldearen lehen diskoa promozionatzeko gira antolatzen ari dira; ziur jendea izorratzen jarraituko dutela.
XABIN MAKAZAGA
Oraingo Txorromorroko batzu lehen Familia Iscariote-koak ziren.
"Beti sartzen gara jendearekin. Ez dakit zergatik".
61


Gaiez\Kultura\Musika\Musika mode\Taldeak\TXORROMORRO
Gaiez\Kultura\Musika\Argitalpena\Diskoak
Gaiez\Kultura\Argitalgint\Argitalpena\Diskoak
Egileez\MAKAZAGA2\Kultura
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


2018-10-21
Otegi eta Zapatero Txillarren elkartu dira, jendeari horrelako bilerak inporta zitzaizkionean bezala

Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.


2018-10-21
Legioko ahuntzak idatzi du Casadoren diskurtsoa

Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.


2018-10-21 | Adur Larrea
Ez hanka ez buru
Behingoz edo garaia da

"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


2018-10-21 | Amaia Lekunberri
Ruben Collio aktibista maputxea
"Macarena lurraren defentsan borroka egiteagatik hil duten lehenengo emakume maputxea da"

Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


2018-10-21
Nerea Arriola Urberuaga (1988, Donostia)

Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).


Azkenak
EGILEA
Eguneraketa berriak daude