Finala errepasatzeko tarterik apenas hartuta, biharamun gozoan hartu gaitu Iñaki Viñaspre (Abetxuko, 1984) Arabako Bertsolari Txapelketako txapeldun berriak. Finalean bertsokide izan dituen guztiekin oso eskertuta agertu da, talde ederra osatu eta eroso sentitu delako. Udazkenean jokatuko den Euskal Herriko txapelketari begira, gogoa azaldu du batik bat prestaketa lanetarako.