Anarkismoa

Octavio Alberola zendu da, Donostian Franco hiltzen saiatu zen anarkista

2025-07-28

1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.

Felix Likinianoren pinturak erakutsiko dituzte Donostiako CNTren egoitzan

2024-11-14

Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.

Berako matxinada eta Primo de Riveraren irribarrea

2024-11-06

Bera (Nafarroa), 1924ko azaroaren 7a. Anarkista talde bat Beran sartu zen goizaldean, Primo de Riveraren diktaduraren aurka egin eta Espainiako Estatuan iraultza abiatu asmoz.

Espainiatik eta Hego Euskal Herritik Baiona, Hendaia eta Donibane Lohizunera ihes egindakoen artean Batzorde Zentralaren berri zabaldu zen urrian. Besteak beste, Migel Unamunok, Vicente Blasco Ibañezek eta José Ortega y Gassetek osatutako batzordearen asmoa Romanonesko kondea buru izango zuen Errepublika... [+]

102 egun daramatza gose greban Alfredo Cospito preso politiko anarkistak, Sardinian

2023-01-31

Jasaten ari den isolamendu-erregimena salatzeko ekin zion gose grebari Cospitok. Erroman, presoarekin elkartasunez, protestak izan ziren larunbatean, eta 40 pertsona atxilotu zituzten polizia-indarrek.

Lola Iturberen eskola

2022-07-22

Bartzelona, 1902ko abuztuaren 1a. Lola Iturbe Arizcuren anarkista eta feminista aitzindaria jaio zen. CNTko kidea eta Mujeres Libres erakundeko sortzaileetako bat, 1936ko Espainiako Gerra amaitzean Frantziara alde egin zuen eta han Erresistentzian parte hartu zuen. Franco hil eta gero Gijonera joan zen eta han hil zen 1990ean, ekintzaile izateari sekula utzi gabe. Haren haurtzaroa erabakigarria izan zen geroko ibilbide mamitsua taxutzeko.

Anarkista, besterik ez

2022-06-08

Voltairine de Cleyre (1866-1912) XX. mendeko mugimendu anarkista eta feministako emakume garrantzitsuenetariko bat izan zen, Emma Goldmanekin batera. Feminismoa boto-eskubidearen aldeko borrokara mugatzen zen garaian, Cleyrek bide berriak ireki zituen eta gaur eguneraino iraun dute arrasto horiek. Besteak beste, emakumeen independentzia ekonomikoa aldarrikatu zuen, zalantzan jarri zituen genero-rolak eta borrokatu zuen sexu-esklabotzaren aurka, bikote ezkonduetan gertatzen denari arreta berezia emanez. Horrekin batera, aitzindaria izan zen gastu militarren gaineko eragozpen fiskalaren gaian. Haren obra –eta izena bera– erabat ahaztuta egon dira, eta 50 urte baino gehiago igaro behar izan dira, mugimendu feministaren loraldiarekin bat eginez, Cleyrek izan zuen garrantziaz jabetzeko eta haren idazkiak berreskuratzeko.

Bakunin Batailoia; apaizez jantzita gizarte amurrioar fededuna astindu zuten miliziano anarkistak

2022-05-26

Sergio Balchada Outeiralek liburua argitaratu du Gerra Zibilean alde errepublikarrean borrokatu zuten galiziarrei buruz. Horietako asko Amurrion egon ziren, Bakunin Batailoian. Bere presentziak amurrioarren arreta erakarri zuen, praktikatzen zuten ateismoak talka egiten baitzuen tokiko gizarte kontserbadorearekin.

Eraso matxisten kudeaketari buruzko hausnarketak, begirada anarkistatik

2022-05-24

Poltsatik objektuak atera ahala, hitzaldira gerturatutako pertsonen begirada arretatsuaren pean ari da horiek kokatzen hizlarietako bat. Ur botila eta mukizapi pakete bat bazter batean, eta parez pare, distantzia dezentera, fruitu lehor poltsa eta hortzetako eskuila. Erdian, eguzkitako betaurrekoak. Eta hiru puntuak inguratuz, aurikularren kableak. Objektuak espazioan ausaz barreiatzetik oso urruti, intentzionalitatez kokatu ditu kokatu dituen moduan; justizia eraldatzailean oinarritutako prozesu baten irudikapena da: alde batean erasoa pairatu duen pertsona eta beronen babes taldea, beste muturrean erasoa gauzatu duen pertsona eta haren jarraipen taldea, erdian talde ikuskatzailea, eta horien bueltan komunitatea. Labur-labur azalduta: prozesuak bilatuko du erasoa pairatu duen pertsonaren mina errestauratzea eta erasoa gauzatu duen pertsonak egindakoaren erantzukizuna hartzea, bigarren horren eraldaketa pertsonala bultzatuz, etorkizunean egindakoa errepikatu dezan ekidin asmoz.

Komunitate osoaren inplikazioa eskatzen dutenez, gisako prozesuek indarkeria matxistaren gaineko lanketa kolektiboa ahalbidetzen dute. Zapalkuntzarik gabeko mundu berri bat izanik ortzi-mugan, harantz bidea egiteko justizia eredu aproposena izan daitekeela diote intuizio politikoz Bartzelonako Heura Negra asanblada libertarioko kideek. Halere, aurkezten ari diren ¿Y que hacemos con los violadores? (Eta bortxatzaileekin zer egingo dugu?) liburua (Descontrol, 2020) erasoen aurrean eman daitekeen edozein erantzun mota zilegiztatzera dator. Gaur gaurkoz ez baita existitzen kasuistika guztiei aplikagarria zaien baleko erantzunik, erasoak kudeatzeko formula magikorik. Gehiago luzatu gabe, eman diezaiegun beraiei hitza, hankak lokatzetan sartu dituenaren esperientziatik ezagutza asko baitaukate elkarbanatzeko.

Porlanak irentsitako uhartean, auzoetatik birjabetza ereiten

2021-12-17

“Ez etxerik gabeko jenderik, ez jenderik gabeko etxerik” irakur daiteke Kanaria Handiko Maizterren Sindikatuaren (Sindicato de Inquilinas de Gran Canaria, SIGC) webguneko goiburuan. Kolektiboa 2017an sortu bazen ere Kanaria Handiko Federazio Anarkistaren (FAGC) ekimenez, urte batzuk egin behar dira atzera sindikatuaren esperientzia metaketa eta egituraketa ulertzeko. Etxebizitza beharra dutenengana hurreratzen eta premia horren politizazio lanetan jardun du sindikatuak sorreratik; auzoz-auzoko lana, gertukoa, garatu dute, instituzio eta “legalismoetatik” at. Orain arte ikusgarritasun handirik izan ez duen kolektiboa da, beharbada “ilunpeko” lan horren albo-kaltez. Euskal Herrian etxebizitza, auzo eta zaintza sare kolektiboak loratzen ari diren honetan, Kanaria Handiko Maizterren Sindikatuaren borroka dakargu: klase moduan, partekatzen ditugun problematiken aurrean batzea eta ahalduntzea besterik ez dugulako.

Mark Legasse

2021-07-19

Lasarteko Xirimirin omenaldia egin diote Mark Legasseri. Mark, idazle gogoangarria, oso abertzale fin eta kontsekuentea zen, garai ilunetan lekuko eta urrats berrien aitzindari. Omenaldia merezi zuen.

Zeren eta Ipar Euskal Herrian abertzale izatea ez baitzen gauza erraza. Euskalduna bere buruaz lotsatzera eraman dute eta harra fruituan dago: kolonizatuen konplexua dela eta, jazartuen aurkako mihi gaiztoenak, etxekoak. Ezkerrak eta errepublikanoek erakutsi ziguten erregionalismoa eta... [+]

Thoreauren ‘Desobedientzia zibila’

2021-06-30

Henry D. Thoreau ::Desobedientzia zibila

Potxo Edizioak

orrialdeak ::77

prezioa ::10€

Ruymán Rodríguezen kasua, eredu den proiektu komunitarioa suntsitzeko saiakera

2021-03-31

Ruymán Rodríguez kanariarraren aurkako epaiketa abiatu zen martxoaren 24an. Funtsean, epaiketa tortura kasu bat estaltzeko eta autogestionatutako La Esperanza proiektu komunitarioa suntsitzeko saiakera dela salatu dute Kanaria Handiko Federazio Anarkistak (FAGC) eta Kanaria Handiko Maizterren Sindikatuak (SIGC). Bi talde horiena bezalako borroka moldeari jarraitzen dioten taldeen aurkako jazarpena areagotu egin da azkenaldian.

"Garrantzitsua da ate bati ostikada ematea, eta ostean zer ateratzen den ikustea"

2021-02-02

Bilboko DDT Banaketak banatzaile eta argitaletxe alternatiboko kide da Andoni Fernández Azkarai (Bilbo, 1983), eta etxeko uztari ekarpena egin dio berriki. Urteetako lanaren ondotik, azaroan argitaratu du Izar Beltz Ateneoa. La historia del ateneo contada desde los locales de ensayo. 2006/2017 (Izar Beltz Ateneoa. Ateneoaren historia entsegu lokaletatik kontatua. 2006/2017) liburua. Bertan jazo du Bilboko Irala auzoan kokatutako Izar Beltz Ateneoaren historia, hastapenetatik hasi eta 2017an hustu zuten arte, eta espazio hartan gehien ezagutzen zuen tokitik egin du kontakizuna: entsegu lokaletatik.

Lucio Urtubia ekintzaile anarkista omenduko dute Cascanten larunbat honetan

2020-10-07

Urriaren 17an omenaldia egingo diote Lucio Urtubia ekintzaile anarkistari Cascanten (Nafarroa). Eguerdiko 12:00etan izango da, Erromeroaren parkean.

Liburutegi anarkisten aurkako sarekadak egin dituzte Berlinen eta Atenasen

2020-09-17

Materiala konfiskatu eta hainbat kide atxilotu ditu Alemaniako Polizia Federal Kriminalak, “erakunde kriminaleko partaide” izatearen akusaziopean.

David Graeber antropologo eta ekonomialari anarkista hil da, nazioarteko erreferentzia antikapitalista

2020-09-03

Irailaren 2an hil da David Graeber azken urteetako pentsalari anarkista ezagunenetakoa 59 urterekin, bere emazteak jakinarazi duenez. Veneziako ospitale batean hartu du asteazkenean azken hatsa.

Lucio Urtubia militante anarkista hil da

2020-07-18

Parisen hil da 89 urte zituela. Militante anarkista gisa egindako ibilbideagatik da ezagun eta erreferente.

Bizitza betea eta ordain hutsa

2020-05-19

Krimea, 1855 inguruan. Anna Moiseevna Rozenstejn –gerora Anna Kulishova izenez ezaguna– jaio zen, merkatari judutar familia aberats batean. Turinen tesia prestatzen ari zela sukar puerperalaren jatorri bakterianoa frogatu zuen. Anna Kulishovaren aurkikuntzak bizia salbatu zien milioika emakumeri. 16 edo 17 urte zituela Zuricheko unibertsitatean eman zuen izena, filosofia ikasteko, baina egoera politikoak Errusiara itzultzera behartu zuen.

Erresistentzia taupadak Atenasko bihotzean

2019-12-04

Atenasko metropoliaren erdi-erdian den Exarcheia auzoak inguratzen duenaren oso bestelako logikaz funtzionatzen du duela mende erditik. Autogestioa ardatz, hogeitik gora eraikin okupatu daude auzoan, zentro sozial zein etxebizitza funtzioa betetzen dutenak; azken urteotan harrera auzo bilakatuta, etxebizitzetako asko migratzaileei aterpea emateko okupatu dituzte. Horrez gain, osasun zentro autogestionatua eta beste hainbeste egitasmo eraldatzaile ere barne biltzen ditu auzoak. Jendarte antiautoritario, autogestionatu eta inklusibo bat posible denaren erakusle eta iragarle izateagatik mundu mailan erreferente bilakatu den auzoak, espero zitekeenez, etsaiak ere baditu ordea. Abuztu amaieraz geroztik dirau erresistentzian, Greziako Gobernuak berau desegitea baitu lehentasun. Egunez egun egoera gogortzen doan arren, auzoak tinko dirau erresistentzian.

Greziako Poliziak beste hiru eraikin hustu ditu, ehundaka errefuxiatu kaleratuz

2019-09-23

Ostegunetik astelehenera bitartean, hirurehundik gora migratzaile kanporatu dituzte beren bizilekuetatik. Exarchiako auzotarrek erresistentzian diraute, eta ostiralean abuztuan hustutako Spirou Trikoupi 17 eraikina berreskuratu dute sinbolikoki.

Greziako Poliziak indarrez hartu du Atenaseko Exarchia auzoa

2019-08-26

Auzoa ezaguna da duen izaera errebeldeagatik, eta hargatik eskuindar gobernu berriaren miran izan da hasieratik. ND Demokrazia Berriak hausteskundeak irabazi zituela bi hilabete bete ez diren honetan, indar armatuek Exarchia kolpatu dute.

Patxa plaza ofiziala izanen da maiatzaren 25ean

2019-05-24

Ipar Euskal Herriko Hitza-k zabal eta zehatz azaldu du Baionako Patxa plazaren izana, Plaza: izena, izana ahaztu gabe artikuluan. Orain dela hogeita hamar urte luze hasi zen plazaren “ospea” gauzatzen.

Abraham Guillén ekonomista libertarioa hil zen duela 25 urte

2018-08-07

Gerra Zibiletik itzuli ez dizkioten jabetzak eskatu dizkio CNT sindikatuak Jaurlaritzari

2018-03-23

Ostiral honetan 81 urte bete dira Eusko Jaurlaritzak CNT sindikatuko egunkariaren errotatiba bahitu zuenetik. Efemeridearekin bat eginez, sindikatuak gogora ekarri du 40 urte daramatzatela Gerra Zibilean kendu zizkieten ondasunak berreskuratzeko eskatzen.

El Procès, ikuspegi libertario bat

2018-01-18

“Prozesua” dela-ta, badira, Kataluniako libertarioen artean, nazio-arazorik badenik ukatu eta borroka hau beraiena ez dela esaten dutenak; badira mugitzen den edozeri jarraitzeko prest egon eta independentziaren aldeko oldearekin era oportunistan eta akritikoan bat egin dutenak; eta badira, azkenik, prozesuan modu kritikoan eta aktiboan parte hartzen dutenak ere.

"Errepublika indartzeko gakoa da sektore ez soberanistak batzea"

2017-11-22

Iru Moner eta Aran Llivina Bartzelonako Vallcarca auzoko Heura Negra asanblada libertarioko kideak dira. Entzun gako sozialetan antolatutako herritarrei, Katalunian gertatzen ari dena ulertzeko ezinbestekoa da-eta.

Erreboltaren beste jarrera

2017-10-24

Iragan mende hasierako eta 1936ko Gerra Zibilaren garaiko libertarioak gogoratu ditugu erreportajearen abiaburuan. ETAren hasieratik bere jarduera armatuaren amaierarainoko –1958tik 2011ra– hainbat militante anarkisten esperientziak ekarri ditugu ondoren. ETAren historian asanblearismoa praktikatu da, anarkismoa ere presente izan da. Komando Autonomo Antikapitalistak (KAA) erakunde armatua jite horretakoa izan zen. Halaber, erakunde gisa “antolatu gabeko” militante libertario ugari izan dira eta badira Euskal Herrian. Asko ezker abertzalearen inguruan ari(tu) dira, azpiegitura erraldoien aurkako borrokan jardun dute bereziki: Lemoizko zentral nuklearra, Leizarango autobidea, Itoizko urtegia edota AHTren kontra, besteak beste. Era berean, herri mugimenduetan “autonomia” aldarrikatu duten talde alternatibo anitz ezagutu ditugu: armadaren aurkako intsumisoak, irrati libreen sortzaileak, gaztetxeen eta okupazioaren sustatzaileak... Halaber, euskal musikaren esparruan espresio anarkistak loratu dira, rock eta punkaren inguruan, kasu. ETAko bi kide historikorekin –Emilio Lopez Adan Beltza eta Mikel Orrantia Tar– hasi dugu kontaketa. Segidan, horien hurrengo belaunaldiko Jakue Pascual eta Juantxo Estabaranzekin mintzatu gara. Asel Luzarraga, Itziar Madina Elgezabal eta Sales Santos Veraren esperientziek osatu dute periploa. Ekarri duguna anarkismoaren ikuspegi mugatua da, Euskal Herriko zenbait libertariok mende baten bueltan bizitakoa, mugatua baina interesgarria.

"Prozesu katalanaren etapa hau nola bukatu den ikusteko zorian gaude"

2017-10-21

Oraingoa katalanen unea da, baita espainiar kontserbadoreena ere, ez baitute aukera hau pasatzen utzi nahi, iritzi publikoan nazionalismo konstituzionalista espainiarra finkatzeko.Prozesu katalanaren etapa hau nola bukatu den ikusteko zorian gaude: desenkantua, desmobilizazioa? Gutxiengo batek aurrera egindako jauzia? Espainiarren errepresioa?

"Bere indar guztia erabiltzen duen etsaia ezin da garaitu loreak eta irriñoak eskainiz"

2017-10-09

“Sortu-ren estrategia politikoak jeltzaleak instituzioetako aulkietatik kentzea xedea dauka planteamendu erreformisten bidez. Euskal Estatua arazoen soluziobide bakar modura planteatzen du independentziaren alde borrokatzera animatu beharrean, kasu askotan, horrek horrekiko atxikimendua gaitzetsi du”.

"Hemen ez da Katalunian eman diren osagaietako bat bera ere eman"

2017-10-08

“Kataluniako prozesu independentistako 'erabakitzeko eskubidea' irakaspen modura Euskal Herrira ekarri nahi izatera hauxe ematen du aditzera: edo oso gutxi ikasi dute prozesutik, edo emantzipatzeko eta burujabetzeko osagai ziztrinenak ekarri nahi dituzte”.

"Polita litzateke holako aukera bat edukitzea frankismoaren jarraipen honi aurre egin ahal izateko"

2017-10-06

"Anarkismoa ez da inoiz homogeneoa, monolitikoa, zorionez, beraz, seguru nago katalan anarkismoaren barruan ere hainbat jarrera egon direla prozesu honetan. Dena dela, jende askok nahi zuen erreferenduma, eta poztu egiten naiz haiengatik. Beste estatu kapitalista bat eraikitzearekin aski izango ez duten horiengatik batez ere".

Umorez erantzun dio Hontzak konpartsak "zentsura eklesiastikoari"

2017-08-22

Umorez erantzun dute Hontzak konpartsako kideek astelehenean beren txosnako dekorazioa kendu izana. Agindu judizial baten ondorioz erretiratu du Ertzaintzak txosnan zeukaten “Vatikanoko Harategiak” instalazioa, “sentimendu erlijiosoak mintzen” dituelakoan.

Ertzaintzak Bilboko Hontzak konpartsaren "Vatikanoko harategiak" dekorazioa kendu du

2017-08-21

Bilboko Hontzak konpartsaren txosnatik "Vatikanoko harategiak" izeneko dekorazioa kendu du astelehen goizean Ertzaintzak.

"Pandora" operazioa artxibatuta, anarkista kataluniarrak kriminalizatzeko muntaia agerian

2017-06-02

Aste honetan jakin da notizia: Espainiako Auzitegi Nazionalak artxibatu egin du “Pandora operazioa”ren kausa. Operazio horren barruan Bartzelonako kolektibo anarkistekin zerikusia zeukaten hainbat lagun atxilotu zituzten.

Bide instituzionala eta herri mugimendua Grezian

2016-07-06

2015eko EHZ jaialdiaren barruan pil-pilean zen Greziako egoerari begira jarri ziren.

Anarkisten kontrako operazioa agindu du Auzitegi Nazionalak Bartzelonan

2015-10-28

Mossos d’Esquadrak hainbat lagun atxilotu eta gune autogestionatuak miatu ditu. 2014an mugimendu anarkistaren kontra hasitako Pandora operazioarekin lotu dute oraingoa.

Eskuz egindako granada errepublikarrak, mortero militar faxisten kontra

2015-10-23

Zubietako gainetan egindako aurkikuntza batek erakusten du zein baliabide kaskarrekin egin behar izan zioten herritarrek aurre 1936ko altxamendu militarrari.

Protesta gogorrak Europako Banku Zentralaren egoitzaren inaugurazio atarian

2015-03-18

Blockupy mugimenduak mobilizazioak egiten ari da Frankfurten eta liskarrak sortu dira manifestari eta poliziaren artean. 10.000 pertsona inguru gerturatu dira protestara eta poliziak 350 pertsona atxilotu ditu liskarrak sortzea leporatuta. Egoitzak 1.300 milioi euroko kostua izan du, aurreikusitako baina 400 milioi gehiago.

Anarkismoaren kontrako operazioan Mossoek atxilotutako guztiak aske geratuko dira

2015-01-30

Abenduaren 16an Pandora izeneko polizia operazioan atxilotutako zazpi lagunak baldintzapean aske uzteko agindu du Javier Gómez Bermúdez epaileak. 3.000 euroko fidantza ezarri die bakoitzari.

Zazpi lagun kartzelara: anarkisten aurkako operazio susmagarriaren balantzea

2014-12-19

Mugimendu anarkistaren kontrako operazio polizialean asteartean atxilotu zituzten 11 lagunetatik 7 kartzelara bidali dituzte.

“Mendekua dago ekintza polizial honen atzean”

2014-12-18

Bartzelonako Kasa de la Muntanyan bizi den euskalduna da Julen, 25 urte okupatuta daramatzan etxean. Astearte honetan anarkisten aurkako operazio polizialean mossoek hainbat orduz atxiki dituzte etxe barruan bertako 16 bizilagunak. Asteazkenean irakurri dute komunikatua prentsaren aurrean, eta mezu horren azalpena eta bizipenak kontatu dizkio Julenek ARGIAri.

Mugimendu anarkistaren aurkako polizia operazioa abian Katalunian

2014-12-16

Espainiako Auzitegi Nazionalaren aginduz, mossoek mugimendu libertarioaren aurkako operazioari ekin diote astearte goizaldean. Kasa de la Muntanya, 25 urte okupatuta daramatzan etxe historikoa, Poble Sec eta San Andreuko ateneoak eta hamabost etxebizitza partikular inguru miatu dituzte.

Felix Padin frankismoaren aurkako borrokalari historikoa omenduko du CNTk

2014-10-16

Felix Padin, frankismoaren aurkako borrokalari anarkista historikoa omenduko du CNTk urriaren 18an Bilbon.

Felix Padin, anarkista azken unera arte

2014-10-08

Leonera emigratu zuen Laurent Durrutiren leinua kausitu dugu Aiherran

2014-09-03

Buenaventura Durrutiren peskizan aritu gara. Bi lagunek argitu digute haren jatorriaren nondik norakoa. Xabier Martin da lehena, Durrutiren leinukoa. Xabier Elosegi bigarrena, ikerlaria. Lehenak berebiziko interesa ukan du haren arbasoen jatorria ezagutzeko, bigarrenak berriz, ikerketetan aritua izaki, ederto lagundu dio.

"Ongi janez salbatuko dugu Lurra"

2014-09-03

“... Periodikuak ez dire gutaz mintzatzen Parisen”.

98 urterekin aurrenekoz frankismoa salatzen epaile aurrean

2014-08-07

98 urterekin, Felix Padin CNTko kideak lehen aldiz diktadura frankistan bizitakoa deklaratu du epaile aurrean. Frankismoko krimenen aurka Argentinan abian dagoen kereilaren baitan egin zituen deklarazioak astelehenean Miranda de Ebroko auzitegian.

Anarkismoa, XXI. mendeko mugimendu iraultzailea

2014-04-14

"A" xehe batekin idazten da alternatiba

2014-04-14

Bestelako mundua posible da” egiten zuten aldarri manifestariek mundializazioaren aurkako mugimenduaren hastapenetan. “Posible” hitza “beharrezko” berbarengatik aldatu dela dirudi orain, bai behintzat herrialde garatuetako biztanle arrunten artean –Occupy mugimenduak “%99a” izendatzen duen talde zabal horretan, alegia–.

Gazte Anarkistak erakundea sortu dute Nafarroan

2014-04-02

30 gazte baino gehiago elkartu ziren joan den larunbatean Zizurreko Esparru gaztetxean erakunde berria sortzeko asmoz. Asanbladek, bazkariak, kontzertuak eta dokumental proiekzioak osatu zuen jardunaldia.

Noam Chomsky EHZ jaialdian

2014-03-21

Noam Chomsky hizkuntzalari eta filosofo estatubatuarrak hitzaldia emango du ekainaren 27tik 29ra Lekornen egingo den Euskal Herria Zuzenean festibalean.

Salvador Puig Antich anarkistaren heriotza: bertsio ofiziala gezurtatu dute

2014-01-31

Erregimen frankistak hildako azken presoetako bat izan zen Salvador Puig Antich anarkista kataluniarra eta oraindik argitu gabe daude haren exekuzioaren inguruko hari-mutur asko. Jordi Panyella kazetariak Salvador Puig Antich, cas obert liburua plazaratu berri du, bertsio ofiziala ezeztatuz.

Greziako Barne ministroaren bulegoan bonba jarri dute

2014-01-15

Etxean egindako lehergailu batek eztanda egin du Greziako Barne ministroaren bulego pribatuan, Atenasen erdigunean.

“Angiolillo ausart hil zen”

2013-08-22

Asteartean 116 urte bete ziren Michele Angiolillo anarkista italiarra Bergaran hil zutenetik. Antonio Canovas del Castillo Espainiako Presidentea Arrasateko bainuetxean tiroz hil izanagatik kondenatu zuten garrotera.

Gose greba luzearen ostean, Kostas Sakkas anarkista greziarra espetxetik atera da

2013-07-11

Kostas Sakkas anarkista greziarra aske geratu da, 38 egunez gose greba egin ostean.

Gose greban darama azken hilabetea Greziako anarkista batek

2013-07-10

Gose greban dago pasa den ekainaren 4tik, Kostas Sakkas anarkista greziarra. Espetxeratze prebentiboan dago, eta auzirik gabe legez egon daitekeen denbora pasata, gose greba hasi du.

Aitor Arantzabalen ‘Angiolillo’ liburua auzolanean muntatuko dute Bergarako gaztetxean

2013-05-08

Michele Angiolillo militante anarkistari buruzko liburua idatzi zuen Aitor Arantzabalek kartzelan egon zen garaian. Argitaratzeko erabakia hartu du, eta muntaia auzolanean egingo dute Bergarako gaztetxean elkartuko diren herritarrek.

Mateo Morral komando anarkistak Madrilen jarritako lehergailu baten erantzukizuna aldarrikatu du

2013-02-11

Comando insurreccionalista Mateo Morral izeneko talde batek otsailaren 7an Madrilgo La Almudena katedralean lehergailu bat jarri izana aldarrikatu du Internet bidez, ikerketaren iturriek Europa Press-i argitu diotenez. Lehergailua polizia nazionalak desaktibatzea lortu zuen, kalterik eragitea eragotziz.

Kaxilda liburu-denda atzo inauguratu zuten Donostian

2012-05-25

Kaskazuri jatetxe makrobiotikoaren beheko solairuan egokitu dute Kaxilda liburu-denda. Atzo ireki zituen ateak Donostiako Arroka kalean. Egia auzoko Casilda Méndez anarkistaren oroimenez jarri diote Kaxilda izena.

Likiniano-Gatazka gunea itxita, herri kulturak galdu du

2012-03-03

1992ko urrian sortu zen Iturribide kalean Felix Likiniano izeneko kultur elkartea. Ez zen ohiko liburu, disko, aldizkari eta fanzine denda, 1980ko hamarkadatik gogor ari ziren gizarte mugimenduen elkargune eta hausnarketarako espazioa izan nahi zuen. Auzo elkarteen, intsumisoen, irrati libreen, mugimendu antiautoritario, ekologista, feminista edota autogestionatuen elkargune bilakatu nahi zuen. Urte askoan lan eskergaitza egin ondoren, ateak itxi zituen urtarrilean.

Likiniano-Gatazka gunea itxita, herri kulturak galdu du

2012-02-28

Brad, beste gau bat barrikadetan

2011-11-11

Brad Will, dokumentalgile independiente, militante anarkista eta Indymedia, komunikabide independienteen mundu mailako sareko kidea izan zen. Willek 36 urte zituen, dokumentalgile, kazetari eta argazkilari lez egiten zuen lan New York, Bolivia eta Brasilgo Indymediarentzat. Mexikoko Oaxaka hiriko gatazkan hil egin zuten 2006ko urriaren 27an. Brad Oaxacara joan zen urte horretako urriaren hasieran bertan gertatzen ari zenaren berri emateko. Kamararen atzean bera bezalakoak diren Braden lagunak... [+]

Lucio

2011-06-10

Anarkista asko izan dira munduan, eta dira oraindik ere. Ugari izan dira kausaren alde lapurretan edo kontrabandoan arituak. Oso gutxi izan dira Ché-rekin estrategia-eztabaidan jardunak, edo Eldridge Cleaver Pantera Beltzen buruari lagundu diotenak. Bakarra izan da, horri guztiari batuta, planetako bankurik boteretsuena estu eta larri jarri zuena traveller check-en faltsutze masiboaren bitartez, egun bakar batean ere huts egin gabe bere etxegintzako lana. Lucio Urtubia, Cascantekoa... [+]

Lucio dokumentalak jarriko du abian Goieniz-eko Zinema Zikloa

2008-01-08

Urtarrilaren 10etik martxoaren 12ra bitartean egingo da Beasaingo Goieniz Zineklubak antolatutako zikloaren 27. edizioa. Luzio Urtubia anarkistaren inguruko Lucio dokumentalak emango dio hasiera zikloari, urtarrilaren 10ean. Egitaraua gaurkotasun handiko beste zazpi filmek osatuko dute: Cuando naces, ya no puedes esconderte (urtarrilaren 17an), No sos vos, soy yo (31n), Persepolis (otsailaren 7an), Los Climas (14an), Hotel Tivoli (28an), La voda de Tuya (martxoaren 6an) eta Redacted (12an)... [+]

Puig Antich, Ardotxi, Zabalegi

2007-02-21

"Hauxe ikusiko diat", esan nuen neure artean; periodikoa itxi eta zinemara abiatu nintzen. Aukeraturiko filma, Salvador, anarkista katalanari buruzkoa. Manuel Huergaren pelikula ikusi duenak edo estatu espainiarreko historia hurbila apur bat ezagutzen duenak jakingo du Salvador Puig Antich lepoa eginda hil zutela frankistek 1974an, borreroak garrote vil delako tresnaz hildako azkena izan omen zen gainera, gorabeheraz beterik eta bermez husturik egon zen auzibide militar baten ostean.
... [+]