Zubietako hondeamakinaren aurkako erasoa gaitzetsi du Gipuzkoako Aldundiak

  • Zubietako erraustegia egiten ari diren eremuan hondeamakina bat matxuratu dute hiru ekintzailek, gidatzeko kontrola hautsiz. Ekintza gaitzetsi du José Ignacio Asensio Gipuzkoako Ingurumen diputatuak. Azaldu du gisako erasoek garai bateko ekintzak ekartzen dituztela gogora.


2016ko maiatzaren 30an - 09:50

“Dirudienez, denek ez dute iraganeko ildoa baztertu”, esan du Asensiok. Gaineratu du zilegi dela proiektu baten aurka egotea, “baina inoiz ez horren kontra indarkeria erabiltzea”.

Adierazi du hondeamakinak ez duela zerikusirik erraustegiarekin, “obrak oraindik hasi gabe daudelako”. Astelehenekoa ekintza isolatua izatea espero du Ingurumen diputatuak.

Zubietako errauskailuaren obren hondeamakinari palanka hautsi diote

Hiru lagunek Gipuzkoako errauskailua eraiki nahi duten eremuan ekintza egin dute, obretarako erabiltzen ari diren hondeamakina gidatzeko palanka hautsiz. Azpiko bideoan ikus daiteke.

2013an gelditu zituzten Zubietako obrak, orduko Gipuzkoako Hondakinen Kontsortzioko agintarien eskutik. 2015eko hauteskundeek utzitako panorama instituzional berriaren ondoren, proiektua berriz martxan jartzea erabaki zuten erakundeek.

Aurten jakin denez, errauskailua eraikitzearen truke enpresa pribatu batek kudeatuko luke planta hurrengo 30 urteetan. Obrak oraindik hasi ez diren arren, irailean martxan jartzeko asmoa adierazi zuten Gipuzkoako Foru Aldundiko ordezkariek.


Kanal honetatik interesatuko zaizu: Errausketarik ez
2023-09-11 | Usurbilgo Noaua
Hondakin gehiago ez erraustea eskatzeko Kontxa inguratu dute

Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.


2023-04-27 | Usurbilgo Noaua
"Erraustegiaren errealitate kutsatzailea" agerian uzteko martxa larunbatean

Lasarte-Oriatik Zubietako erraustegira martxa deitu du Errausketaren Aurkako Mugimenduak apirilaren 29rako, 11etan abiatuta, "Erraustegia, airea, ura eta lurra kutsatzen" aldarripean, aipatu plantaren "errealitate kutsatzailea" agerian uzteko. Herritarrak... [+]


2022-11-16 | ARGIA
Zubietako erraustegiaren inguruetako kutsaduraren orain arteko datuak aurkeztuko dituzte Hernanin

Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta... [+]


2021-12-21 | ARGIA
Errausketaren aurkako mozioa aurkeztu dute Bergarako Udalean eta elkarretaratzea egin dute

Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.


2021-11-24 | Leire Artola Arin
Bergarako erraustegi proiektuaren mahai-inguruak kezka handiagoa piztu du herritarrengan

Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]


Eguneraketa berriak daude